…. මම ටීටාව ඔස්සේ අප අධ්‍යාපන ආයතනයේ පුස්ථකාලයට ගොඩ වූවා. එහි චලන පට අංශයේ ඔබ මොබ ඇවිදිමින් අප වෙත නිර්දේශිත චලන පටයක් සොයන්නට උනා. “ලිමිට්ලස්” සවිස්තර කර තිබුනේ දශක ගනනාවකට පෙර තිරගතවුනු සාමාන්‍ය ප්‍රබන්ධයකට වඩා යමක් නොවන බවට පිලි ගැනූනු නිර්මානයක් ලෙසටයි. මිනිස් මනස යනු සැබවින්ම මිනිසා විසින් පරිහරනය කරමින් සිටින ඉතා සීමිත අවකාශය මෙන් සිය දහස් ගුනයක විශාල දත්ත ගබඩාවක් බවත් යමෙක් යම් ක්‍රමයකින් සාමාන්‍ය අවදානයට ඔබ්බෙන් සැගවී ඇති මෙම ප්‍රදේශයට පිවිසීමට යතුරක් සොයා ගතහොත් පෘතුවිය මත මිනිස් වර්ගයාගේ ගමන් මග සම්පූර්නයෙන් වෙනස් වනු ඇති බවට නෙක චින්තකයන් විසින් දශක ගනනාවක් තිස්සේ විවිද ස්වරූපයන්ගෙන් කර තිබූ සටහන් ඔස්සේ යමින් කල නිර්මානයක් ලෙසට වැඩිදුරටත් සටහන්ව තිබුනා.
ධාවන කාලය සටන්ව තිබුනේ හෝරා එකහමාරක් ලෙසටයි. නිවසකරා ලගා වීමට ඇති ඉතිරි කාලය ලෙස සටහන්ව තිබුනේ හෝරාවක් පමනයි. ටීටාවේ දැක්වෙමින් තිබූ විකල්ප බටනය ඔස්සේ පිවිසුන විට යෝජනා කර තිබුනේ අධිත්වරන තත්වය ඔස්සේ මෙම සිනමා පටය විනාඩි 45ක කාලයකදී නැරබිය හැකි බවටයි.ඔරලෝසු හෝරා එකහමාරක් මානසික විනාඩි 45ක් තුල හැකිලීතිබීම අතීත මනසකට නම් අරුම පුදුම කාරනයක් වනු ඇත. ඇත්තෙන්ම ඒසදහා කල යුතුව තිබුනේ විනාඩි පහක පමන සංගීතය මුසුකරන ලද මානසික තරංගයකට සවන්දීම පමනයි.ආරක්ශිත පරිසරයකදී බවට සහතිකකර ගැනීම භාවිතාකරන්නාට පැවරෙන මෙම අත්දැකීම බහුලව යොදා ගැනෙන්නක් උනා. ….
…පලමු දිනය කෙමෙන් අවසන් වෙමින් තිබුනා. එකිනෙකා හදුනා ගැනීම් තොරතුරු හුවමාරු කරගැනීම් මැද ඉතිරි කාලය ගතව යමින් තිබුනා.ආයතනය මගින් ආපසු අප වෙසෙන පලාත්වලට සපයන ප්‍රවාහන පහසුකම් ලබ ගැනීමට කැමතිනම් ඒසදහා කාලවේලාවන් පිලිබද නිවේදනයන් එකි නෙකා වෙත අදාල පරිදි ටීටාව තුලින් දැනුම් දෙමින් සිටියා.වරක් පියාත් සමග ඔහුගේ පියා බැහැදකින්නට ගියවිටකදී සියා විසින් ලබා දුන් ඇල්බමයක තිබී මහත් උජාරුවෙන් කථා කල ඔවුනගේ පවුලේ වාහන පිලිබද පින්තූර පෙල වෙත මගේ මගේ මතකය දිවගියා. තම පවුලේ ආඩම්බරය මිල අධික වාහනයකට කැටිකර පෙන්වන්නට එකල මිනිසුන් පුරුදුව සිටිබව සියාගේ හැසිරීමෙන් පැහැදිලිව පෙන් එන්නට තිබුනා.මෑතකදී පවුලේ සංවාදයකදී පියා පවසා සිටියේ එපමනක් නොව අධ්‍යාපනය පවා බොහෝ රටවල භාවිතාවූවේ තමන්ගේ ආර්ථික සායම්මාජ තත්ව ආදීවූ සීමා ඉක්මවා යාමට විනා පෝෂනය වන කරුනෙන් කරුනට උත්තේජනය වන මනසේ සෛල ක්‍රියා වලියෙන් තෘප්තිමත් වන්නට හා වඩාත් නිර්මානශීලී වෙමින් එම කරුනු නව රටාවකට පෙලගැස්සීමේදී දැනෙන සතුට විඳගන්නට මිනිසුන් පුරුදුව නොසිටි බවයි.
siriwansa