මෙවර අප MMM Irshad වෛද්‍යතුමන් හමුවන්නේ තවත් තරමක සංකීර්න ගැටලුවක් විමසන්නටය. එනම් දේශීය වෛද්‍ය කර්මය සමග සමහරුන්ගේ සිතට පැමිනෙන බවට නිතර පැවසෙන නිරෝගී බව සදහා වැඩිකාලයක් ගත වන බවට වන අදහස පිලිබඳව විමසන්නටය. එතුමන්ගේ පිලිතුර වූවේ “මා පෙර දීර්ග ලිපි පෙලෙහි සඳහන් කලාක් මෙන් ආයුර්වේදයේදී අප අවධානය යොමුකරන්නේ සමස්ථ රෝගියා වෙතටයි. නිරෝගීකම පැමිනිය යුත්තේ සමස්ථ පුද්ගලයාට මිස එක් කොටසකට නොවෙයි. අනිත් අතින් අප මේ සදහා භාවිතාකරන්නේ අප ජීවිත අවට වන ස්වභාවික ඖෂධ පැලෑටිමයි. ඒ නිසාම රෝගියාට පැමිනිය හැකි අතුරු ආබාධ අවමයි. මේ දෙ ආකාරයට සැලකුවාම ඔබට වැටහේවී සමහර විට තරමක කල් ගත වීමක් සමග උවත් ලැබෙන නිරෝගී බවේ සුරක්ෂිත බව. අනික් වැදගත්ම කාරනය තමයි පාරම්පරික වෛද්‍යවරයෙකු ලෙසට අප පරම්පරාව සතු වෛද්‍ය ක්‍රමවේද වසර සිය ගනනක් තිස්සේ මගේ මුතුන් මිත්තන් රාශියක් අතින් ප්‍රත්‍යක්ෂ වූ ඒවායි. අනිත් කාරනය තමයි අපේ පරම්පරාව වසර සියගනනක් පුරා එකම ස්ථානයක් ආශ්‍රිතව මේ වෛද්‍යකර්මයේ යෙදිමින් සිටීම. පරම්පරා ගනනාවක් තිස්සේ අපගේ සේවය ලබමින් සිටින විශාල සංක්‍යාවක් මේ ප්‍රදේශය අවට මෙන්ම රටපුරා පමනක් නොව ලොව පුරා සිටිනවා. ඔවුන්ගෙන් විමසුවහොත් පවසාවි අපගේ වෛද්‍ය ක්‍රමවේදවල වන ප්‍රත්‍යක්ෂ බව”