එක්වන රාජසිංහ රජු මේ සදහා අවශ්‍යය සියලු කටයුතු සම්පාදනය කලේය. වික්‍රමසිංහ මුදලි බොරලුගොඩ වාඩිලා ගත්තේය. සෙනවිරත්න මුදලි බොරළුගොඩ තැන්නේ වාඩිලා ගත් අතර රාජසිංහ රජ දෙමටගොඩ වාඩිලාගෙන කොළඹ කො‍ටුව වටල ගෙන සිටියේය. මෙසේ කොළඹ කො‍ටුව වටලාගෙන සිටින අවස්ථාවේ අවසනාවන්ත සිද්ධියක් සිදුවිය. වික්‍රසිංහ මුදලිගේ හේවායෙකු සෙනවිරත්න මුදලිගේ හේවායෙකුට දඩුවම් දුනි. දඩුවම් ලැබූ හේවායා සෙනවිරත්න මුදලිට පැමිනිලි කලවිට, ඔහු වික්‍රමසිංහ මුදලිගේ හේවායා කැදවා දඩුවම් දුනි. මේ නිසා වික්‍රමසිංහ මුදලි හා සෙනවිරත්න මුදලි අතර අමනාපයක් ඇතිවිය. මේ අමනාපය ප්‍රබල වීමට තවත් හේතුවක් තිබුනි. වීරෞස්න්දර බන්ඩාර මැරවීමට උපාය යොදා ඔහු ගොලෑබොක්කට කැඳවා ගෙන ඒම නිසා පැහැදුන රාජසිංහ රජු සෙනවිරත්න මුදලිට විරිදුදවුන්ඩේ නම් ගෞරව උපාධිය පිරිනැමීය. මහ ඇමති ගැන අප්‍රසන්නව සිටි වික්‍රමසිංහ මේ අවස්ථාවේ ප්‍රයෝජන ගෙන සෙනවි රත්න මුදලිට හඳි කිරීමට සිතා, ධර්මපල රජුට රහස් පනිවිඩයක් යවා තමාගේ වාඩිය මැදින් ගොස් සෙනවි රත්න මුදලිගේ වාඩියට පහර දීමට කටයුතු සැලැස්වීය. ධර්මපාල රජුගේ සේනාව සෙනවිරත්න මුදලිගේ වාඩියට පහරදීමට පටන්ගත් විට තුවාල ලැබූ සෙනවිරත්න මුදලි වාඩියෙන් පැන දෙමටගොඩ කදවුරට ගොස් සියල්ල තත්වූ පරිද්දෙන් රාජසිංහ රජුට දැන්වීය. රජුගේ කෝපය නිම්හිම් නැතිවිය. එහෙත් කෝපය මැඬ ගත් රජ අරගලය සංසිඳවා වික්‍රමසිංහ සිතාවක පාලනය සදහා පිටත් කර එවීය. සීතාවක හමුදාව කොළඹ වටලා සිටින බවත් සීතාවක හමුදාව ඉතා ප්‍රබල බවත් ගෝවේ ප්‍රථිරාජයාට දන්වා ආධාර          උපකාර ලබා ද්න ලෙස පෘතුගීසී සෙන්පතියා ඉල්ලා සිටියේය.
වීරස්න්දර බණ්ඩාරගේ උපායෙන් මරණයට පත්කල විට, ඔහුගේ පුත් කොනප්පු බණ්ඩාර ආරක්ෂාව පතා පෘතුගීසී හමුදාවට එකතු වී කොළඹට ගොස් ටික දිනක් එහි සිට ගෝවට ගියේය. ගෝවේ සිටි කොනප්පු බණ්ඩාරට මේ ප්‍රවෘතිය දැනගන්නට ලෑබී පෘතුගීසී හමුදාව සමග මන්නාරම් කො‍ටුවට ගොඩ බැස කන්ද උඩරට ආරවුල් ඇති කලේය. පිය උරුමයෙන් කන්ද උඩරට පාලනය කිරීමට කොනප්පු බණඩාරට අයිතිය තිබූ නිසා උඩරට වැසියන්ගේ සහයෝගය නොවඩුව ලැබුනි. කැ‍රැල්ල ඉතා ඉක්මනින් පැතිර ගිය නිසා එක්වන රාජසිංහ රජු සිතාවකට පැමින කැ‍රැල්ල සංසිඳවීමට සේනා සංවිඳානය කලේය. බොරළුගොඩ සිද්ධියේදී සැකයට භාජනය වී සිටි වික්‍රමසිංහ මුදලි කෙරෙහි තවදුරටත් සැල කල රාජසිංහ රජු වෛද්‍ය වරයා ලවා වසදී වික්‍රමසිංහ මුදලී මරණයට පත්කලේය. අරිට්ථකී ව්න්ඩු පෙරුමාල් නැමැති ආඬි ගුරුට මාන්නප්පෙරුම මොහොට්ටිකම් දී මහ ඇමති කම පවරන ලදී.
– පොත පත ඇසුරෙනි