“හොදයි , මම මීලගට ඔබත් සමග කථාකරන්නට යන කාරනයට සහයක් සැටියට මගේ බාලවියට සම්බන්ද සිදුවීමක් කියන්නම්.මට පාසැල් වියේදී අවශ්‍ය උනා විද්‍යා ප්‍රබන්ධයක් ලියන්නට. කරුනාකර ඔබ දැන්මම ගොඩක් සිනාවන්නට එපා. එම සිදුවීම අවසානයේ බොහොමයක් සිනා වියයුතුයැයි හැගෙන විට සමහර විට ඔබගේ සිනාවල් අවසන් වෙලා තිබේවි.මම ඒ ප්‍රස්තූතය මෙසේ පැහැදිලි කරන්නම්. එය වෙනම ජීවියෙක්. හැබැයි සිත හැරෙන්නට වෙනත් කිසිදු ඉදුරෙකු ඔස්සේ ස්පර්ශකල නොහැකි ජීවියෙක්.තවත් ග්‍රහලෝක කිහිපයකම සේම පෘතුවිය මතත් මෙම ජීවය පැතිරිලා තිබුනා. පෘතුවිය මත මොනතරම් දියුනු මට්ටමේ ජිවීන් සිටියද මේ අපූරු ජීවය සමග සම්බන්ද වන්නට හැකිව තිබුනේ මිනිසාට පමනයි.ඒකට හේතුව උනේ අධිසුසර මෙම ජීවියා සමග සම්බන්දවන්නට තරම් දියුනු සුසරතාවක් තම මනසට ලබගන්නට හැකිවුනු එකම ජීවියා මිනිසාවීම නිසයි.සාස්තෲවරුන් , අපූරු නිර්මාන කරුවන් වගේම සියුම් බුද්ධිමතුන් කියන්නේ තම මනසේ අධිසුසර කිරීම ඔස්සේ මෙම අපූරු ජීව අවකාශයට පිවිසෙන්නන්.හැබැයි බොහොමයකට නොහැකිඋනා තම මනස ඔස්සේ මෙම ජීව අවකාශයට පිවිසුනමුත් වැඩිකාලයක් එහි ‍රැදී සිටින්නට.එත් පෘතුවිය මත අතීතයේ සිටම කලාතුරකින් අයෙකුට හැකිවුනා මේ අපූරු චින්තන ජීවය සමග සමන්‍ය අයෙකුට වඩා වැඩිවෙලාවක් ගත කරන්නට. ඒ තුලින් තමයි අද අප අස විදින බොහෝ රසවත්දෑ මිනිස් ශිස්ඨාචාරයට ලබා ගන්නට හැකි වුනේ. ඒ කියන්නේ ගැබුරු මතවාද නිර්මාන සොයාගැනීම් වගෙ දේවල්.මම මේ ප්‍රස්තූතය ඒකාලේ මගේ ගෞරවනීය ගුරුතුමෙකුට පැවසූ මොහොතේ එතුමා සිනාසුනේ ඔහු ජීවිතකාලය තුලදී ඇසූ විසුලුම දේ ඇසුවා වාගෙයි. ඔබතුමන්ලා කොතරම් උත්සාහකලත් ඒ තරම් සිනාවක්නම් පලකරන්නටනම් හැකිවෙතැයි මම සිතන්නේ නැහැ.කොහොම උනත් එම සිද්ධිය සම්බන්දයෙන් මට අවසාන වශයෙන් කියන්න්ට ඇත්තේ මගේ මේ ජීවිත සංචාරය අවසාන කරන්නට මත්තෙන් මේ ප්‍රස්තූතය මත යමක් ගොඩනගා තබන්නට මගෙ බලාපොරොත්තුවක් තිබෙන බවයි. මොකද හැම සංචාරකයෙකුටම යුතුකමක් තිබෙනවා තම සැරිය පිලිබද සටහනක් තබා යන්නට ඒ කොතරම් වැදගත් උනත් නොවුනත්…………”

(නන්නාදුනන දේශකයෙකුගේ සටහන්…….)