Back to Top

Monthly Archives: July 2015

Android games දෙකක් ගැන අනතුරු ඇගවේ!

  ESET හි හදාරන්නන් පිරිසක් පෙන්වා දෙන්නේ Google Play store වල වන Cowboy Adventure title ආකාරයේ Android game එකක් ඔස්සේ භාවිතාකරන්නන්ගේ Facebook credentials මෙන්ම friends lists වෙතට පිවිස ඒවා අවභවිතාවේ යෙදෙන්නට කරටයුතු කරන බව තමන් හඳුන අගෙන ඇති බවකි. වැඩි දුරටත් ඔවුන් පෙන්වා දෙන්නේ million ගනනක බාගතකිරීම් සහිත මෙම හානිකරය Facebook තොරතුරු ඔස්සේ අනෙකුත් භාවිතාකරන්නන් වෙතට පැතිරයාමේ හැකියාවකින්ද යුත්ත බවකි. ක්‍රිඩාව අතරතුර පැමිනෙන ව්‍යාජ Facebook login screen ඔස්සේ භාවිතාකරන්නාගේ තොරතුරු ලබා ගන්නට කටයුතු කරන අතර භාවිතාකරන්නා එම තොරතුරු ලබා දුනහොත් දුරස්ථ සර්වරයක් වෙතට HTTPS connection ඔසේ එම තොරතුරු ලබා දීමට කටයුතු කරන බවට පැහැදිලි කෙරෙනවා. මේ ආකාරයටම හානිකර යක් ලෙසට හඳුනා ගෙන ඇති Jump Chess නම් ඇන්ඩ්‍රොයිඩ් app එකද geolocation ඔස්සේ භාවිතාකරන්නාගේ තොරතුරු ලබා ගන්නට කටයුතු කරන බවට හෙලිවිමෙන් අනතුරුව Play Store වෙතින් ඒවා ඉවත්කරන්නට කටයුතු කර ඇති මුත් දැනට සිදුව ඇති බාගතකර ගැනීම් පිලිබදව අවධාරනය කර සිටිනවා.  – Pubudu Siriwansa

Posted in Android, Facebook |

Intel වෙතින් එන 10nm Chip 2017දී..

   Intel ආයතනය පවසන්නේ තමන් 2017 පමන වන විට 10nm Chip නිෂ්පාදනය වෙතට සැලසුම් කරමින් සිටින බවකි. මෙම “10-nanometer” ඉලක්කය බොහෝ විට එලබෙනවසරේ දී පැමිනීමේ ඉඩකඩද බොහෝ බවටයි වැඩිදුරටත් අනුමානය වන්නේ. ප්‍රකට Moore’s Law ඉක්මවන ප්‍රවනතාවක් පෙන්වන මෙම දියුනු කිරීම “tick tock tock” ලෙසින් සංකේථාත්මක හැදින්වීමකට ඔවුන් පෙලබ සිටිනවා. ක්‍රමයෙන් දියුනු වන තාක්ශනයන් තුනක් මෙම නාමය ඔස්සේ කියවනු ලැබෙනවා. ආයතනය ඊලග වසර දෙක තුලදී 7 nanometers වෙතට පිවිසීමේ අභියෝගාත්මක අත්හදා බැලීමේ මට්ටමට පැමිනීමක් පිලිබදවද ඉගිකරමින් සිටින අතර ද්‍රව්‍ය තාක්ශනය පිලිබදව සීමාමාත්මක මෙම මට්ටම පිල්බදව තවමත් වැඩි දුර විස්තර හෙලිවෙන්නේ නැත. එම සංකේථානය නිර්මානය වන ආකාරය 14nm process-tick, Skylake microarchitecture – tock, Kaby Lake – tock. ලෙසටයි හදාරන්නන් පැහැදිලි කර සිටින්නේ. වේගයෙන් කුඩා වෙමින් ඇති උපාංග ලෝකයේ මෙන්ම වඩාත් වේගවත් වීමේ අවශ්‍යතාවය විසින් තොරතුරු තාක්ශනය මෙලෙස තීරනාත්මක ලෙසට ඉදිරියට තල්ලුකරමින් සිටීමයි හදාරන්නන්ගේ වැඩි දුරටත් වන පැහැදිලි කිරීම වන්නේ.

Posted in Intel |

Windows 10 නවතම තොරතුරු…

        නිල නිකුතුවෙන් පැය 24ක් ගතවන විට Windows 10 මෙහෙයුම් පද්ධතිය ලොවපුරා පරිගණක මිලියන 14කට අදික ප්‍රමානයක ධාවනය වෙමින් ඇති බවට Microsoft නිවේදනය කර සිටිනවා.  මෙම පිරිස අතර මිලියන පහකට අධික පෙර අත්හදා බලන්නට පැමිනි Insidersලා මිලියන පහක් ද වන අතර එසේමුත්  මිලියන 9ක් පමන මෙම කාලය තුල ප්‍රථම වතාවට Windows 10 අත්විඳිමින් සිටින බවටයි පිලි ගැනෙන්නේ. දල ලෙසට සැලකීමේදී තප්පරයකට 162 ක බාගත කරගැනීම් වේගයක් ලබමින් නව මෙහෙයුම් පද්ධතිය ඉදිරියට පැමිනෙමින් සිටින බවටයි ගනනය වන්නේ. සරල මට්ටමේ ගැටලු කිහිපයක් වෙතත් සමස්ථයක් ලෙසට නව මෙහෙයුම් පද්ධතිය සාර්ථක බවට භාවිතාකරන්නන් දෙසින්ද වාර්ථා වෙමින් ඇති අතර Cortana සදහා සහය දක්වන ‘Cortana Button’යක් ඩොලර් 23ක මිලකට පැමිනීමක් පිලිබදව තොරතුරු පැවසෙනවා. PC හෝ phone සමග ක්‍රියාත්මක විය හැකි මෙම උපාංගය Bluetooth 4.0 LE (low energy) ආකාරයට ප්‍රධාන උපාංගය ආසන්නව අඩි 40ක පමන දුරක් දක්වා සිට පරිගණකය සමග සම්බන්ද වන්නට සූදානම්ව පැමිනෙනු ඇති බවටයි වාර්ථා වන්නේ.  මීට අමතරව Microsoft ආයතනය නිවේදනය කර සිටින්නේ Windows 10 Enterprise  සංස්කරනය දින 90ක කාලයක් සදහා අත්හදා බැලීමේ ආකරයට ලබා ගන්නටද මේ වන විට හැකිව ඇති බවයි.

Posted in Windows 10 |

ඔබව ආපසු අනාගතයට කැඳවන Windows 10

    වඩාත් පූර්න සැකසුමක් ක්‍රියාකාරීත්වයක් ‍රැගෙන එන්නට Windows 10 සූදානම්ය. සාපේක්ෂව සැලකීමේදී ලොවපූරා බිලියන ප්‍රමානයක අත්හදා බලන්නන් අතින් වඩාත් හැඩවූ නිවැරදි වූ මෙම මෙහෙයුම් පද්ධතිය Windows 8 සමග ආයතනයෙන් යම් ප්‍රමානයකට ගිලිහී ගිය අවධානය නැවත ගෙනැවිත් ඇත. වඩාත් නම්‍යව හැසිරෙන නව Start මෙනුව Live Tiles වලින් වලින්ද සමන්විතව ඔබගේ කැමැත්ත පරිදි හුරු පුරුදු පැරනි සම්ප්‍රධායික Start Menu වේ සිට නව Start screen දක්වා පරාසයේ සියලුම ක්‍රියාකාරීත්වයන් තොර ගැනීමේ හැකියාව ගෙනැවිත් ඇත. මෙනුවේ ප්‍රමානය පහසුවෙන් හසුරවන්නට, අක්ෂර ඔස්සේ මෙනුවේ අඩංගු දෑ පහසුවෙන් සොයා ගන්නට, Live Tiles ඔස්සේ යාවත්කාලීනයන් පහසුවෙන් ලබා ගන්නට වැනි බොහෝ හැකියාවන් මෙහි වේ. Cortana හැකියාව අසීමිතය. පරිගණකය තුලට, වෙබ් අවකාශයට මෙන්ම ස්කයි ඩ්‍රයිව් වැනි පෞද්ගලික ගොනු ‍රැඳවෙන අවකාශය පාලනයට එය සූදානම්ය. තොරතුරක් සොයා ගන්නට, App එකක් ක්‍රියාත්මක කරවා ගන්නට, Email එකක් සටහන් කර එය යොමුකරවන්නට මෙන්ම දවසේ සැලසුමේ මීලග අංගය මතක කර දෙන්නට පමනක් නොව සුහඳ කථාබහක් ඔස්සේ තොරතුරු ගෙන දෙන්නට එය සූදානම්ය.
Edge පිරිසිදු පැහැදිලි නව සැකසුමක් සමග විත් ඇත. වඩාත් ආරක්ශිත මෙන්ම නම්‍ය ක්‍රියාකාරීත්වයකට එය සූදානම්ය. වෙබ් පි‍ටුවක් තම පෞද්ගලික ආකාරයට සංස්කරනය කර ගන්නට මෙන්ම පසුව එය ලබා ගන්නට හැකිවන ලෙසට මතක තබා ගැනීමේ හැකියාව මෙන්ම Share කිරීමේ හැකියාව සිත්ගන්නා සුලු වනු ඇත.සමස්ත මෙහෙයුම් පද්ධතිය තුලටම කිදා බැස ඇති Cortana ඔස්සේ නව බ්‍රවුසරය වඩාත් නම්‍ය සහයක් භාවිතාකරන්නා වෙතට ගෙනෙන බවට බල පොරොත්තු තබා ගත හැක. භාවිතාකරන්නාගේ වඩාත් ආරජ්ක්ශාව තහවුරු කරන්නට Windows Hello සූදානම්ය. fingerprints නැතිනම් facial recognition ඔස්සේ භාවිතාකරන්නගේ වඩාත් නිවැරදි අනන්‍යතාවය එය තහවුරු කර දෙනු ඇත. ප්‍රධාන මුහුනතෙහි දකුනු කෙරවලින් ටාර්ස්ක් බාරයේ සිට අවදිකරවා ගන්නට හැකි වන නව ‘Action Center’ සමග සමස්ථ උපාංගයේම නව තත්වය හඳුනා ගන්නට පාලනය කරන්නට අවස්ථාව ගෙනැවිත් තිබීම අමතක නොකල යුතුම කාරනාවකි.
මේ සියල්ල සමග Windows 7 හා Windows 8.1 වල සිට නොමිළේ නව මෙහෙයුම් පද්ධතිය වෙතට පැමිනීමෙ හැකියාව වඩාත් වඩාත් ආකර්ශනීයය. එල බෙන 29 යේ සිට මෙම මෙහෙයුම් පද්ධතිය ඉහල නංවන්නන් සදහා අවකාශය ලැබෙන අතර Microsoft ආයතනය බිලියන ගනනකගේ එම අවශ්‍යතාවය සපුරාලන්නට අවශ්‍ය සර්වර පහසුකම් සූදානම් බවට මේ වන විට නිවේදනය කර තිබෙනවා.

Posted in Microsoft, Windows 10 |

Windows 10 සාර්ථක වීමේ අනාවැකි….

     Windows 10 සමග නැවත භාවිතාකරන්නන්ගේ අවධානය තම නවතම මෙහෙයුම් පද්ධතිය වෙතට ගෙනෙන්නට Microsoft සමත්වනු ඇති බවට හදාරන්නන්ගේ අනාවැකි පලවෙමින් තිබෙනු දැයිය හැකි වාතාවරනයක් නිර්මානය වෙමින් ඇත්තේ එහි අවසාන සංස්කරනය පැමිනෙන්නට දින කිහිපයක් පමනක් ඉතිරිව ඇති පරිසරයකදීය. ඉතා සරල මට්ටමේදී Start මෙනුව නැවත පැමිනීම Pc වාතාවරනයකදී නව මෙහෙයුම් පද්ධතිය සාර්ථක විමට පලමු කොන්දේසිය සපයමින් සිටී. පැරනි Start මෙනුව නව Start මෙනුව සමග සුසංයෝජනව තිබීම වැඩි පහසුවක් පමනක් නොව වඩාත් අලංකාර මෙහෙයුම් පද්ධති මුහුනතක් ගෙනැවිත් තිබීම ආකර්ශනීය වනු ඇත. ජම්ප් ලිස්ට් වැනි පැරනි හැකියවන්ද නව Start මෙනුව සමග වීම මේ වෙතට පැමිනෙන්නා වඩාත් ඇද බැද තබා ගනු ඇත. Edege බ්‍රවුසරය වඩාත් නම්‍ය සෙයුමක් ආරක්ෂිතව භාවිතාකරන්නා වෙතට ගෙනෙන්නට කටයුතු කරන අතර Cortana ඩිජිටල් සහකරු පරිගනකය සමග සෙවීම්, මෙහෙයවීම් වඩාත් මිනිස් ස්වභාවයට සමීපකරවා ඇත. “XP සමග හුරු පුරුදු සම්ප්‍රධාය Win 8 සමග පැමිනි නවාංග සමග මනාව සංයෝජනය කරන්නට ඔවුන් සමත්ව තිබීම කැපී පෙනෙන සාර්ථකත්වයකි.”
Universal Apps ගෙනෙන Universal Windows Platform (UWP) ඔස්සේ උපංග කිහිපයක් භාවිතාකරන වර්ථමනයේ එවා අතර විය යුතු මනා නම්‍ය ගලා යාමට පහසුකරවා ඇති අතර තමන් ස්ථාපනය වන උපාංගය අනූව සැකසීමේ හැකියාව භාවිතාකරන්නා හට සංකීර්න වාථාවරනයන් ගෙන ඒම අහවර කර දමා ඇත. ප්‍රදාන පෙලේ සියලුම පාහේ තොරතුරු තාක්ශන උපාංග හා සේවා ආයතනයන් සියල්ලම මේ වන විට Windows 10 සදහා තම අවධානය යොමුකර ඇති අතර XP සමග නතරව ඇති භාවිතාකරන්නන් ඇතුලුව ලොවපුරා වන බිලියන ගනනක තම භාවිතාකරන්නන් නව මෙහෙයුම් පද්ධතිය වෙතට පහසුවෙන් කැදවන්නට සමත්වනු ඇති බවට දැනටමත් පැහැදිලි වෙමින් ඇත.

Posted in Microsoft, Windows 10 |

Microsoft වෙතින් හදිස්සි යාවත්කාලීනයක්!!

සාමන්‍ය රටාවෙන් බැහැරව Microsoft වෙතින් මේ වාන් විට ඔවුන් සහය දක්වන සියලුම මෙහෙයුම් පද්ධති සංස්කරන වලට අදාල වන සේ ආරක්ශක යාවත්කාලීනයක් නිකුත්කර තිබෙනවා. ඔවුන් පැහැදිලි කරන්නේ embedded OpenType font සමන්විත වෙබ් පි‍ටු හෝ document එකක් ඔස්සේ පැමිනිය හැකි මෙම හානිය සමග පහර දෙන්නේකුට remote code execution ආකාරයේ දුර්වලතාවයක් විවරවීම පාලනය කරන්නට මෙම යාවත්කාලීනය වැදගත්වනු ඇති බවටයි. දැනටට ලොවපුරා පරිගනක බිලියන 1.5කට ආසන්න ප්‍රමානයක Windows ධාවනය වෙමින් පවතීන නිසා මෙවන් අකාරයේ අසාදනයකට විවෘත වීම පෞද්ගලික මට්ටමේ මෙන්ම ආයතනික මට්ටමේද මහා පරිමානයේ බලපෑමක් කරන්නට හැකි වීම සැලකීමේදී සාමාන්‍ය පරිපාටියෙන් බැහැරව මෙම නිකුතුව සිදුකරන්නට තීර්නය කර තිබෙනවා.

Posted in Microsoft |

පලමු Google car සම්බන්ද මිනිස් අනතුර….

    රියදුරන් රහිත කාරයක් මාවතට ගෙනෙන Google car ව්‍යාපෘතියේ පලමු මිනිස් අනතුර පසුගියදා වාර්ථා වනු ලැබුවා. මෙම සම්පූර්න අත්හදා බැලීම් කාලය තුලදී අනතුරු 14 වාර්ථාවී තිබෙනවා. 20109 දී ඇරබෙන මෙම වයාපෘතියේදී සිදුවූ එම අනතුරු වලින් 10ක්ම මිනිස් රියදුරන් ඔස්සේ සිදුවූ ඒවා බවටයි වාර්ථා වෙන්නේ. July 1 දා Mountain View වලදී මෙම අනතුර වාර්තා වන අතර ආයතනයේ සේවකයින් තිදෙනෙකු රෝහල වෙතට ගෙනයනු ලැබූ අතර අනතුරට සම්බන්දිත අනෙක් රථයේ රියදුරුද සුලු අපහසුතාවයන් සදහා රෝහල් ගතකර ඇති බවටයි වාර්ථා වන්නේ. වාහන පාලක එලි පුවරුවක් අබියසදී පැයට සැතපුම් 15ක වේගයයක් දරමින් තිබූ රිය පෙලක අවසන් ගූගල් රථය වෙතට පැයට සැතපුම් 17ක වේගයෙන් පැමිනි රථයක් ගැටීමෙන් මෙම අනතුර වූ බවට පැහැදිලි කෙරෙන ලද අතර රිය අනතුරෙහි සම්පූර්න වගකීම එම පසු පසින් පැමිනි රියදුරුගේ වන බවටයි වාර්ථා වන්නේ.මේ වන විට ගූගල් ආයතනය තම රථ ආකෘති 20කින් පමන අත්හදා බැලීම් සිදුකරමින් සිටින අතර සමස්ථ වාර්ථා වලට අනූව වඩාත් ආරක්ශිත මෙම කාර්යක්ෂම සේවාවක් සදහා තම අත්හදා බැලීම සාර්ථක බවටයි ඔවුන් පෙන්වා දෙන්නේ.

Posted in Google, Smart Devices |

Windows 10 ආයතනික සහය කාලය 2025 දක්වාය…

Windows 10 නිල නිකුතුවට දින කිහිපයක් පමනක් ඉතිරිව ඇත. පලමු පෙර නිකුතුවේ සිටම වෙනස් මගක් ගත් Windows 10 වල වේගවත් පෙර නිකුතූන් පෙලක් පැමිනි අතර එම සංස්කරන අත්හදා බලන්නන් ප්‍රධානව කොටස් දෙකක් සමග වඩ වඩාත් සාර්ථකව අත්හදා බලමින් මේ වන විට අවසන් අදියරට පැමිනෙන්නට සූදානම් වෙමින් සිටී. මෘදුකාංග සමාගමක සිට සේවා සමගමක් ලෙසට ආයතනිකවද පරිවර්ථනයක් පසුකරන ලද අතර ඔවුන් පවසා සිටියේ Windows 10 යනු භාවිතාකරන්නන් මිළඳී ගනු ලබන Windows අවසන් සංස්කරනය වනු ඇති බවය. මේ වන විට හෙලි වෙමින් ඇති නවතම තොරතුරුද සමග සැලකීමේදී Windows 10 සදහා ආයතනයේ සමස්ථ සහය(support cycle) කාලය 2025 දක්වා පවතිනු ඇත. ඉන් පලමු වසර 5(mainstream support) නැතිනම් නව දියුනු කිරිම් ද සමග වන දුර්වලතා සැකසීම් ආදී සියලු සේවාවාවන් ලබන කාලය වන මුත් ඉතිරි වසර 5 දුර්වලතා සැකසීම් සදහා පමනක් සහය දක්වන කාලය වනු ඇත. සමස්ථ වගකීම් කාලය October 14, 2025 වන විට අවසන් වන බවටයි මේ අනූව පැහැදිලි කෙරෙන්නේ. තවමත් ඊලගට පැමිනෙන සංස්කරනයක් පිලිබදව පැහැදිලි කිරීමක් එම ආයතනයෙන් නිකුතුව නැති අතර වැඩි දුරටත් කිය වෙන්නේ Windows 10 වෙතට සියලු උපාංග සම්පූර්නයෙන් සහය නොදක්වනු ඇති බවය. පැමිනෙන යාවත්කාලීන සදහාද මෙම තත්වය විටක හමුවිය හැකි වනු ඇති බවටයි පැහැදිලි කෙරෙන්නේ.

Posted in Microsoft, Windows 10 |

Moneypenny නම් Facebook වල virtual assistant…

    Virtual Assistant දත්ත ලොකයේ හෙට දවස විය හැකිය. මිනිසා සතු වඩාත්ම නම්‍ය හැසිරවීම් උපාංගය වන කට හඬ භාවිතයෙන් උපාංගය තුල වන මෙන්ම අන්තර්ජාලය මත වන අපමන අවකාශය හැසිරවන්නට, තොරතුරු සොයා ගන්නට සහයවන මෙම පැමිනීම සියලුම පාහේ ප්‍රධාන ආයතනයන් මේ වන විටත් සටහන් කොට හමාරය. Cortana, Google Now, Siri හා Echo ආදී නෙක නාමයන්ගෙන් පැමින ඇති හා වේගයෙන් දියුනු වෙමින් ඇති අනාගත උපංග හා මිනිසාගේ මෙහෙයවීම් යා කරන මෙම හැකියා අවකාශය වෙතට පිවිසෙන්නට Facebook ආයතනයද තීර්නය කර තිබෙනවා. තවමත් නිල නොවන මට්ටමේ ඇති තොරතුරු හෙලිකරන්නේ Moneypenny නමින් මෙම දියුනු කිරීම සිදුවෙමින් ඇති අතර තොරතුරු සෙවීම් , මිළදී ගැනීම් මෙන්ම තවකෙකුගේ ආධාර ලබා ගන්නට සහය වෙමින් මෙම දියුනු කිරීම Facebook සමග සංයුත්ත වන්නට නියමිත බවකි. Jelly ලෙසට තවකෙකුගේ සහය ලබා ගන්නට මැදිහත්වන දියුනු කිරීමක් මීට පෙර පැමිනි මුත් එය එතරම් සාර්ථක නොවුනු අතර මෙම virtual assistant හැකියාව භාවිතාකරන්නන් අතරට සාර්ථක පැමිනීමක් සටහන් කරනු ඇති බවටයි බලාපොරොත්තුව වන්නේ.

Posted in Facebook |

Microsoft දියුනු කරමින් ඇති “3D Touch”…

    Microsoft සමාගම තම “3D Touch” තාක්ශනය සදහා වන පේටන්ට් බලපත්‍රය සදහා නව ඉල්ලීමක් ඉදිරිපත්කර ඇති බවට තොරතුරු හෙලි වනවා. එම සමාගම වසර කිහිපයකට පෙර සිටම මෙම “3D Touch” තාක්ශනය දියුනු කිරීම සදහා වන ව්‍යාපෘති කිහිපයකටම අවධානය යොමුකර ඇති බවට විටින් විට තොරතුරු හෙලිවූ අතර McLaren ලෙසට වන උපාංගයක් දියුනු කිරීමක් පිලිබදවද පසුගිය කාලයේ තොරතුරු හෙලි වෙනු ලබුවා. සරලව මෙම තාක්ශනය පැහැදිලි කෙරෙන්නේ තිරයට ඉහලින් වන ඇගිලි තුඩුවල චලනය හඳුනා ගැනීමේ හැකියාව වන අතර භාවිතාකරන්නාගේ hovering හඳුනා ගැනීම ඔස්සේ වඩාත් පහසු හා වැඩි වපසරියක මෙහෙයවිම් දත්ත උපාංගය වෙතට ලබා දෙන්නට හැකි වනු ඇත. ඇගිල්ල පැමිනෙන කෝනය අනූව මෙන්ම බහු ඇගිලි හැසිරවීම් හැකියාවටද මෙම තාක්ශනය තුල අවකාශ තිබෙනවා. Windows 10 සමග මෙම හැකියාව පැමිනීමේ ඉඩක් බලාපොරොත්තුවන මුත් ඉදිරියෙට යෙදෙන Lumia උපාංගයක නිකුතුවකට සංයුත්තව මෙම පැමිනීම බලපොරොත්තුවනවා.

Windows 10 එන්නේ එලබෙන 29දාය….

   Microsoft සමාගම තම නවතම මෙහෙයුම් පද්ධතිය වන Windows 10 නිකුතුව ජූලි 29ට මේ වන විට සැලසුම්ව අවසන්ය. මෙතෙක් පැවති Microsoft සම්ප්‍රධාය වෙනස් කරමින් මෙම මෙහෙයුම් පද්ධතිය සදහා පෙර අත්හදා බැලීම් සංස්කරන පෙලක්ම වේගවත් නිකුතූන් ලෙසට පසුගිය කාලයේ පැමිනි අතර එයද අත්හදා බැලීමේ මට්ටමින් භාවිතාකරන්නන් දෙකොටසක් අතර ලොව පුරාවට විමසා බලන්නට කටයුතු කෙරුනා. වින්ඩෝස් දුරකතන මෙහෙයුම් පද්ධතියේ සිට ඩෙස්ක් ටොප් මෙහෙයුම් පද්ධතිය දක්වාම නව පහසුකම් ‍රැසක සමග වඩාත් නම්‍ය සුවපහසු මෙහෙයුම් පද්ධතියක ගෙන එන්නට වන පොරොන්දුව සාර්ථක මට්ටමින් පවතින බව ලොවපුරා අත්හදා බලන්නන්ගේ අදහස් පලවෙමින් ඇති අතර Windows 7 වෙතින් පැමිනෙන්නට වඩාත් ආකර්ශනීය මෙහෙයුම් පද්ධතියක් වන බවට පැහැදිලි වෙමින් තිබෙනවා. Windows 8 භාවිතාකරමින් සිටින්නන් සදහා නොමිළේ භාවිතාවට පිවිසිය හැකි මෙහෙයුම් පද්ධතියක් වන බවට පොරොන්දුවන මෙය උපාංග අතර පහසුවෙන් භාවිතාකරන්නාට සරන්නට සහය මෙන්ම පොදු Apps සමග නම්‍ය භාවිතාවකට සහයවන මෙහෙයුම් පද්ධතියක් වනු ඇති බවට පැහැදිලි කෙරෙනවා.

Posted in Windows 10 |

Swiss Post වෙතින් drones භාවිතාව….

   Drones භාවිතාව පිලිබදව අනාගතය දෙසට ඇත්තේ මහත් බලාපොරොත්තු ‍රැසකි. පහසු වේගවත් සැහැල්ලු සැපයීම් බොහොමයක් සදහා මෙහි පැමිනීම බලාපොරොත්තු වන අතර මේ වන විටත් Swiss Post තම පස් වසරක අත්හදා බැලීම් අවසානයේ ජූලි අගදී මෙම සේවාවේ පෙර ක්‍රියත්මකවීමකට සැලසුම් කරමින් සිටිනවා. එක් ගෙවීමක් යටතේ කිලෝ ග්‍රැම් 1ක packageයක් කිලෝ මීටර 10 ක දුරක සීමාවක් යටතේ ගෙන ගොස් ලබාදීමේ හැකියාවක් මෙම සේවාවට අයත්වනු ඇති බවටයි පැහැදිලි කරන්නේ. මීට සමාන සේවාවක් Amazon වෙතින්ද මීට පෙර නිවේදනය වූ අතර එහිදි පැහැදිලි කර තිබුනේ ඇනවුම් කර අඩ හෝරාවක් තුලදී පාර්සලයක් ලබන්නා වෙතට ගෙන ගොස් දීමේ සේවාවක් තමන් අරබන්නට සූදානම් බව මුත් ආරක්ශාව පිලිබදව ගැටලු සමග එම සැලසුම් තවමත් පසුවෙමින් තිබෙනවා. Swiss Post පවසන්නේ මෙම ආකාරයේ සේවාවන් ඉදිරි පස්වසර තුලදී සාමාන්‍ය භාවිතාවක් බවට පත්වීමේ බොහෝ ඉඩකඩක් පවතින බවයි.

Posted in Digital life styles |