Monthly Archives: August 2016

“ත්‍රස්ථ කටයුතු වලට සහය වනවා”- Twitter වෙතට චෝදනාවක්-

              “Without Twitter, the explosive growth of ISIS over the last few years into the most-feared terrorist group in the world would not have been possible,” the lawsuit said. මාධ්‍ය ලෝකය වෙතට මහත් බලපෑමක් ගෙනෙන්නට සමත් වූ සමාජ ජාලා වෙතට පැමිනෙන ප්‍රධාන චෝදනාවක් ලෙසට මෙම ආකාරයේ චෝදනා බොහෝ දෙනා අතර මෑත කාලයේ නැගෙමින් ඇත. සියලුම පාහේ පාහේ භාවිතාකරන්නන්ද තම කැමැත්තේ ප්‍රමානයට මාධ්‍යවේදීන් වීමේ අවස්ථාව ගෙනෙන බ්ලොග් යුගය පසුකරමින් සමාජජාලා යුගයේදී මේ බව වඩාත් උත්කර්ෂවත් කරමින් ඇත. Twitter වෙතට ISIS ත්‍රස්ථවාදය වඩාත් පැතිරීම සදහා වූ මාධ්‍ය සහයක් වූ බවට චෝදනා කරමින් පැමිනි පෙරකී ත්‍රස්ථවාදී කටයුතු වලින් අගතියට පත් අයෙකු විසින් ඇමරිකන් අධිකරනයකදී කරනලද නෛතික චෝදනාවක් සදහා අධිකරනය විසින් පවසා සිටි බව වාර්ථාවන්නේ ” තම සේවාව තුල සිටින භාවිතාකරන්නන්ගේ කටයුතු වලට එම සේවාවට හැම විටම වගකීමක් දරන්නට නොහැකි වනු ඇති බවයි.” වාර්ථා පවසන්නේ මෙම කාන්තාව වෙතට වෙනස් ආකාරයක චෝදනාවකට ඉඩ තබමින්මෙම තීන්දුව ලබා දී ඇති බවයි. කෙසේ වෙතත් Facebook, Twitter වැනි ආයතනයන් වඩ වඩාත් තම භාවිතාකරන්නන් අතරින් මෙසේ ත්‍රස්ථමය අදහස් පැතිරවිම පැතිරවිම පාලනය කරන්නට කටයුතු කරමින් සිටින අතර පසුගිය කාලයේ ලොවපුරා රටවල් කිහිපයකම සමාජ සිදුවූ සමාජ පෙරලීම් කිහිපයකදීම ද මෙම සමාජජාලා ඔස්සේ සිදුවූ සහය අතිවිශාල බවට පිලි ගැනීමක් පවතී.

Windows 10 දෙවන ප්‍රධාන යාවත්කාලීන 2017දී….

          Microsoft ආයතනය තම ප්‍රධාන මෙහෙයුම් පද්ධතිය වන Windows 10 සදහා වන ප්‍රධාන යාවත්කාලීනය මේ වන විට මුදා හරිමින් සිටිනවා. සමහර භාවිතාකරන්නන් අතරින් ගැටලුකාරී බවක් අත්විඳීමක් පිලිබඳව චෝදනා නැගීමක් සිදුවූ අතර යාවත්කාලීනයක් ඔස්සේ එම ගැටලුව සමනය ව ඇති බවටයි මේ වන විට පෙනෙන්නට ඇත්තේ. “පිරිසිඳු” ආකාරයේ ස්ථාපනයකින් අනතුරුව භාවිතාකරන්නෙකුට දැනෙන ආකාරයක පහසු ගලා යාමක් නව මෙහෙයුම් පද්ධති සංස්කරනය ඔස්සේ විඳින්නට හැකි වන අතර සාමාන්‍ය ආකාරයෙන් සැලකීමේදී ගැටලු වලින් තොර බවක් පෙන්වමින් තිබෙනවා. තවමත් මොබයිල් යාවත්කාලීනය නිකුත්ව නැති අතර එලබෙන නුදුරු කාලය තුල එම නිකුතුවද සිදුවනු ඇති බවට ආයතනය ඉගි පලකොට තිබෙනවා.
මේ වන විට Microsoft වෙතින් පලවන තොරතුරු හෙලිකරන්නේ මෙම වසර තුල තවත් ප්‍රධාන යාවත්කාලීනයක් බලාපොරොත්තු විය නොයුතු බවකි.  දැනට මත් “Redstone 2,” පෙර අත්හදා බැලීම් මට්ටමින් පැමින ඇති අතර වඩාත් සංකීර්න මට්ටමේ ගැටලු සමග උවත් අත්හදා බැලීමට කැමති වන්නන්  සදහා පමනක් ආරාධනා කරන මෙම අත්දැකීම විවෘතව තිබෙන බවටයි එම ආයතනය පැහැදිලි කරන්නේ. 2017 දී පමන නිකුතුවට සැලසුම් වන මෙම මීලග ප්‍රධාන යාවත්කාලීනය මෙහෙයුම් පද්ධතියේ වඩාත් ගැබුරින් වන වෙනස්කම් සමග උපාංග අතර වඩාත් පහසු සබඳතාවක් ගෙනෙනු ඇති බවට මේ වන විට පැහැදිලි කෙරෙමින් තිබෙනවා. PC, tablet, phone, IoT, Hololens හා Xbox අතර භාවිතාවන් වඩා පහසු කරවන සැකසුමක් මූලිකව මෙම නිකුතුව සිදුවනු ඇති බවට බලාපොරොත්තු වනවා.

www.digilk.com

Windows 10 Anniversary ක්‍රමයෙන් භාවිතයට….

          Microsoft සමාගම තම ප්‍රධාන මෙහෙයුම් පද්ධතිය සදහා වන  The Windows 10 Anniversary යාවත්කාලිනය මේ වන විට නිකුත්කර අවසානය. නව මෙහෙයුම් පද්ධතිය නිකුතුවෙන් වසරක් පිරෙන මේ මොහොතේ windows 7, windows 8.1 යන සමීපතම පෙර මෙහෙයුම් පද්ධතිවල සිට නව මෙහෙයුම් පද්ධතිය වෙතට නොමිළේ පිවිසීමෙ අවස්ථාව අවසන් වූ අතර හදාරන්නන් පෙන්වා දෙන්නේ සමහර තත්වයන් යටතේ පමනක් මුදල් ගෙවීමකින් තොරව නව මෙහෙයුම් පද්ධතොය වෙතට පිවිසීමෙ අහැකියාව තවමත් විවෘතව පවතින බවය. නව ප්‍රධාන යාවත්කාලීනය මේ වන විට ක්‍රමයන් භාවිතා කරන්නන්වෙතට පැමිනෙමින් ඇති අතර වඩාත් නම්‍ය මෙන්ම ආරක්ශිත භාවිතාවක් සහතික කරමින් වැඩි දියුනු කිරීම් කිහිපයක් ඇතුලු නවාංග කිහිපයක් ‍රැගෙන එන්නට එය කටයුතු කර ඇති බවටයි පැහැදිලි වන්නේ.
Windows Hello ලෙසට නම්ව  biometric authentication ආකාරයක් Microsoft වෙතින් හඳුන්වා දෙන්නට කටයුතු කරල ලද අතර, භාවිතාකරන්නා තම පරිගකය වෙතට මෙන්ම අන්තර්ජාල සේවා වෙතට පිවිසීමේදී ජීව විද්‍යාත්මක සාධක මත අනන්‍යයතාවය තහවුරු කරගන්නට එය කටයුතු කරමින් වඩාත් විස්වාසනීය ආරක්ශිත බවක් පිලිබදව බලාපොරොත්තු ගෙනෙන ලද අතර නව යාවත්කාලීනය සමග එම අංගය වඩා දියුනුව පැමින ඇති බවටයි පෙනෙන්නට ඇත්තේ. Cortana ලෙසට නම්ව පැමිනෙන digital assistant පහසුව නව සංස්කරනයේදී වඩාත් දියුනු කර භාවිතාකරන්න වෙතට ගෙනැවිත් ඇති අතර පරිගණකය තුලින් මෙන්ම වෙබ් අවකාශයෙන් වැඩි තොරතුරු ප්‍රමානයක් භාවිතාකරමින් වඩා පහසු හා පුලුල් සහයක් ගෙනෙන්නට කටයුතු කර තිබෙනවා. මීට අමතරව Edge බ්‍රවුසරයද වඩාත් ආරක්ශිත හා නම්‍ය බව පලවන දියුනු කිරීම් රාශියකට පත්කොට ඇති අතර internet explora සමග විඳිමින් තිබූ අපහත රාශියක් අවසන් කර දමමින් නව බ්‍රවුසරය පැමින තිබෙනවා.

පස්වන සටහන..

           එම අධ්‍යන ආයතනය සමග එලබතිබූ වසරක එකගතාවය දීර්ඝ කර නොගැනීමට මට සිදුවිය. ලොව වෙනත් කෙරවලක හැදෑරීම් අවකාශයකට යන්නට සිදුවීම කෙදිනකවත් මා නොවිදි අපහසුවක් වන්නාක් සේ මට දැනිනි. අපහසුවෙන් හෝ සමුගෙන යන්නට සිදුව තිබිනි. “අපූර්ව මිතුදම් වලින් සමුගන්නට වීම වඩාත් වේදනා කාරීය. එය හුදු එකිනෙකා මත යැපීමක් හෝ ලාභයක් මත නොව එකිනෙකාට ගරුකිරීම, ප්‍රියකිරීම වැනි සාධක මත ගොඩ නැගෙන නිසාදෝ වඩාත් සිත්පත්ල ආමත්‍රනය වන අවස්ථාවකි”. එම හැගීම එවකට දින සටහනේහි මාතැබූ එක් ආකාරයක් ලෙසට මතකට නැගේ. ඇයගේ සමරු සටහහක් සදහා ආරාධනාවක් ලැබිනි. එම සටහන කඳුලු වසා ගන්නට ගත් අසීරු සටහනක් විය. “අප සමුගෙන යා යුතුය. වඩාත් නැවුම් නැවත හමුවකට නම් සමුගෙන යා යුතුවම ඇත. එම සිදුවීම ඔබට දැනෙන්නේ වේදනාවක් ලෙසටද වඩාත් විවෘත බලාපොරොත්තුවක් ලෙසටද යන්න ඉහත වන තේරීම මත වනු ඇත”. සුපුරුදු අවන්හලෙහි සිකුරාදාවක සැදෑවක් එම අවසන් හමුවට වෙන් වෙමින් පැමින තිබිනි. ඉන්දියානු විස්මිත ස්වර පබදින්නෙකුවූ රවීශන්කර් සංගීත වේදියානන්ගේ දියනියගේ රසවත් තත් හැඬුම් වලින් එම සැංදෑව රසවත්ව තිබිනි. මධ්‍යම රාත්‍රියට ආසන්න වන තුරු අප එහි ‍රැදී සිටියෙමු. රාත්‍රියේ මාගේ නේවාසිකාගාරයේ දොරකඩ අසලමට ඇයගේ රියෙන් මා අරලවා ලන්නට පැමිනිනි. වසරකට ආසන්න කාලයක් පුරාවට පැවති අපේ මිතුදම සදහා විරාමයක් කරා පැමින තිබුනෙමු. මිතිරන් ලෙසට හමුවූ අප මිතුරන් ලෙසටම සමුගෙන යා හැකිව තිබිනි. “ජීවිතය අපූරු අත්දෑකීමකි.” එදින රාත්‍රියේ එම මිතුදම ගැන සංෂිප්ත සටහන වචන දෙක තුනකට ගොනු කර තැබුවෙමි.

                          “මම හිතුවා ඔබතුමා මේ පැත්තටවත් එන්නට ඇතැයි කියලා. සමාවෙන්න ටිකක් ප්‍රමාදවුනා. මම ආවේ ඔබ තුමාගේ ආගන්තුක කුටියත් ලක ලෑස්තිකරලමයි” ගබඩා භාරකරුගේ හඬින් අතීත මතකයන් ඔස්සේ ඇවිද ගිය සක්මන සිතින් ක්ෂනයෙන් මැකී ගියේය. “අපි යමු කාර්යාලය දිසවට” ඔහුගේ ආරාධනයෙන් නැගිට ගත් මම ඔහු සමග එක් විය. “ලොකු ස්වාමීන් වහන්සේ හැන්දෑවේ හමුවීම හැදෑවට වඩාත් සුදුසු වේවි කියලා හිතුවා,එහෙම හොඳද?” ගබඩාකරුගේ කාරුනික වදන් හැසුරුම සිත්ගන්නා සුලුය. කෙනෙකුට මග හැරියද නිහැකි වන සුලුය. වැදගත්ම කාරනය නම් එම වදන් හැසිරවීම කෘතීම එකක් නොව ඔහුගේ මුල් ස්වභාවයෙන් ගලා එන්නක් ලෙසට දැනීමය.

හතර වන සටහන..

          එම අවන්හලද අපූරුම තැනකි. සතියේ එක් දිනම් එනම් සිකුරාදාවන්හි සැදෑව එහිදී අසිරිමත් බවක් ගනී. එදිනට එම අවන්හල ආලෝකමත් වනුයේ විදුලි පහන් එලියෙන් නොවන්නේය. විවිධ ආකාර ගත් විසිතුරු ඉටිපන්දම් එලි වලින් එය ඒකාලෝකමත් කෙරේ. බි‍තෝවන් , mozart වැනි පමනක් නොව රවීශන්කර් වැනි විසිතුරු හඬ රටා මැවුම් කරුවන්ගේ නිර්මාන වලින් පැමිනෙන්නන්ගේ දෙසවන් ප්‍රබෝධමත් කරන්නට ඔවුන් කටයුතු කරයි. තවත් දිනකදී නාට්‍ය නිෂ්පාදකයෙකු තවත් විටක චිත්‍රශිල්පියෙකු එසේත් නැතිනම් මූර්ති කරුවෙකු කැදවා පැමින ඇති අමුත්තන් සමග සංවාදයකට එහි ඉඩ සලසයි. පැමිනෙන්නන් එම දිනය හඳුන්වන්නේ මුදල් ඇත්තන්ට වඩා දැනුම ප්‍රියකරන්නන් සදහා එම ආයතනය වෙන් කරන සෑදෑවක් ලෙසටය.
පෙරකී ඇය සමග මා නොවරදවාම එම සැදෑවට සහභාගිවීම පුරුද්දක් කොට ගෙන තිබුනාය. සෑබෑ මිතුරන් පිලිබදව එක්තරා සාහිත්‍ය සටහනකින් මතකයට රිංගා ගෙන තිබූ කියැවුමක් සත්‍ය බව එහිදී මා හොඳින් පසක් කර ගතිමි. ” සැබෑ මිතුරන් හට හෝරා ගනන් දොඩමලු වන්නට හැකිවා සේම හෝරා ගනන් එකිනෙකා නොදොඩමින් උවත් එකට කාලය ගත කරන්නට හැකිය” යන්නය. විටක අඩ අඳුරු ගන්නා මේසයන් වටා අප වාඩි වී සිටියෙමු. හෝරා ගනන් අප දොඩමලුව සිටියෙමු. නෙක විද්‍යාවන් පමනක් නොව සංගීතය , වේදිකා නාට්‍ය, වනි නෙක මාතෘකා අතර දෙබසින් ඔබ මොබ ඇවිද්දෙමු. එනමුත් කිසිදු කායික ලංවීමකට උත්සාහ නොකලෙමු. ඉඳ හිටක මතුවන එවන් හැගීමක් පවා ඉක්මවන සංහිඳියාවකට අප මිත්‍රත්වය පිවිස තිබිනි.   ජීවිතයේ සමහර දෑ තර්කය ඔස්සේ විමසන්නට තැත්කිරීම මහත් විසුලු ස්වරූපයක් කැදවීමක් වෙ. මිනිස් සබඳතා විෂයෙහි මෙම තත්වය වඩාත් සතයයක්ව හමුවේ. මිනිසෙක් තවත් මිනිසෙකුගේ බුද්ධියට ආදරවීම, චතුර බවට ආදරකිරීම , රසවින්දනයට ආදරයවීම වැනි නෙක පැහැ ඒ ආකාරයට තේරුම් ගැනීමට හරිම අපූරුය. සියලු මිනිස් සබඳතා කිසියම් ආකාරයක ලාබදායී ගනුදෙනුවක් ලෙසට ලඝු කරලන්නට අවශ්‍ය වීම පැහැදිලිව තේරුම් නොගත් වෙළඳ පොල කරනය විචාරයකින් තොරව ජීවිතයට වද්දා ගැනීමට උත්සාහකිරීමකි. “සංහිඳියාව අහිමි කර ගැනීම. ජීවිතයෙන් භාගයක් මරනයට පත්කර ගැනීමකි” ටිබෙටියානු මිතුරා ගේ වචන සටහන් නැවත නැවත ජිවිතයට පැමිනීම විසිතුරු අත්දැකීමකි.