Back to Top

Monthly Archives: December 2016

පූර්න බලැති Mobile PC එක 2017 දී…

     Windows 10 පූර්න මෙහෙයුම් පද්ධති හැකියාව මොබයිල් අවකාශය වෙතට පැමිනීම පිලිබදව බලාපොරොත්තු ඇතිවී සෑහෙන කලකි. windows app ධාවනයට පූර්න හැකියාවැති මොබයිල් පරිසරය භාවිතාකරන්නගේ දෙසින්ද සැලකීමේදී මහත් සහයක් වනු ඇත. Microsoft වෙතින් පැවසෙන්නේ Qualcomm’s Snapdragon chips සමන්විත ඉදිරි නිකුතූන්  වින්ඩෝස් 10 සදහා සහය දක්වන පලමු  ARM-based processors  වනු ඇති බවටයි. මේ බව පැහැදිලි කරමින් එම ආයතනය වැඩි දුරටත් පවසන්නේ gigabit LTE connectivity, advanced multimedia support, machine learning මෙන්ම superior hardware security features සමග  thin, fan-less designs හා long battery life වැනි පෙරලිකාර මට්ටමේ ගුනාංග රාශියකින් සමන්විතව මෙම පැමිනීම සිදුවනු ඇති බවයි. Microaoft සමාගමද පවසන්නේ මෙම නව Qualcomm Snapdragon සමග -x86 Win32-සමග  universal Windows apps,  Adobe Photoshop, Microsoft Office මෙන්ම ජනංප්‍රිය Windows games ආදිය ධාවනයට නව අවකාශය සූදානම්ව සිටිනු ඇති බවය. වැඩි දුරටත් Microsoft පවසන්නේ ප්‍රථම වරට මොබයිල් Pc එකක් සමග apps, peripherals හා enterprise capabilities  සමන්විතව අත්විඳීමේ හැකියාව 2017 දෙවන භාගයේදී පමන ලැබෙනු ඇති බවය.  – Pubudu Siriwansa

Blutooth 5 නිවේදනය වීමට සූදානම්….

       පරිගණක උපාංග අතර සබඳතා අවකාශයේ බහුලතම භාවිතාවක් ලෙසට Blutooth හඳුනා ගැනේ. සමිප උපංග අතර පහසුවෙන් දත්ත හුවමාරු කිරීමේදි මෙම තාක්ශනය ලබා දෙන්නේ මහත් සේවාවකි. මේ වන විට මෙම තාක්ශනයේ මීලග සංස්කරනය නිවේදනය වන්නට සූදානම් බවටයි තොරතුරු හෙලිවන්නේ. පැමිනෙමින් ඇති Internet of Things revolution යුගය සදහා වඩාත් සුදුසු වන්නට ඉලක්ක කර ගනිමින් නිර්මානය වී ඇති නව ප්‍රමිතීන් සමග පැවතියාට වඩා හතර ගුනයක අවකාශයකදී සම්බන්ද වීමට හැකියාව ‍රැගෙන, දත්ත හුවමාරු වේගය දෙගුනයක් වෙමින් මෙන්ම අට ගුනයක වැඩි දත්ත ප්‍රමානයක් හුවමාරු හැකියාවක් මෙම නව 5.0 Bluetooth සංස්කරනය ‍රැගෙන එන්නට සූදානම් බවටයි හෙලි වන්නේ. නිවැසක නැතිඅම් යම් ගොඩ නැගිල්ලක වන IoT devices වලට වඩාත් ස්ථාවරව සබඳතාවය ගොඩ නගා ගන්නටත් පවත්වාගෙන යන්නටත් සහය වෙමින් පැමිනෙන නව සංස්කරනය 2017 වසරේ මුල් භාගයේ පැමිනෙනු ඇති බවටයි බලාපොරොත්තුව වන්නේ.

පත්තිනි දෙවියෝ…..

පත්තිනි දෙවියෝ සීතාවක හා කෑගල්ල දිස්ත්‍රික්කය පුරා ජනප්‍රිය දේව වන්දනාවකි. ඉන්දියාවේ දේවත්වයට පත්ව පුද පූජා ලැබූ දේවතාවියකි. ගජබා රජතුමා ඉන්දියාවට ගොස් (ක්‍රි.ව. 112-134) කාලයේ ලංකාවෙන් ගෙන ගිය සිරකරුවන් 12000 හා තවත් ද්‍රවිඩ සිරකරුවන් පිරිසක්ද පත්තිනි සලඹ ද ‍රැගෙන ආවේය. නැව කුනා‍ටුවකින් ගසාගෙන විත් කැළණි ගඟ අසබඩ වර්ථමාන නව ගමුව පත්තිනි දේවාලය පිහිටි ඉස්ථානයේ නැවතින. නාගයන් පත්තිනි සළඹ ‍රැලවල් කල හෙයින් නවගමුවේ පත්තිනි දේවාලය ඉදිකල බව ජනප්‍රවාදයයි.
මතු බුදු බව පතන පත්තිනි දෙවියෝ ලෙඩ දුක් අධ්‍යාපන කටයුතු ‍රැකී රක්ෂා හා වෙළඳ ව්‍යාපාර – ගැබිනි මව්වරුන් හා කුඩා දරුවන් විවාහය ආදී කටයුතු වලදී මවක මෙන් පිහිට වන්නීය. නවගමුව පත්තිනි දේවාලය මායාදුන්නේ රජතුමා ප්‍රථිසංස්කරනය කල අතර රාජසිංහ රජතුමා පත්තිනි දේව වන්දනාව විශාල අනුග්‍රහයක් දැක්වූ රජතුමෙකි. මැදගොඩ දේවාලය සම්බන්ද අද්දැකීම මෙයට හේතුවන්නට ඇත. පිටිහුම දේවාලයේ කපුමහත්මා සතුව ඇති දේවනීතිය නම් පුස්කොල පොතෙහි රාජ සිංහ රජතුමා කරවූ පත්තිනි දේවාල 48ක් පිලිබඳ විස්තර සඳහන්ය. ප්‍රධාන දේවාලයන්ට රනින් කල සළඹ පුජා කර ඇත. මැදගොඩ, කබුලුමුල්ල, මියනවිට, සොලොම්බුව, අමුතිරිගල, උඩුව, හපුගම්මන, අමනාවල, අරුක්ගම්මන, තඹදිය, දියබරාහේන, තැලැල්ලේගම, ගම්බලහේන මෙම දේවාල අතරින් ප්‍රධානය.

සමන් දෙවියෝ

සබරගමුවේ ප්‍රධානතම දේව වන්දනාව වන්නේ සමන් දේව වන්දනාවයි. බුදුන් වහන්සේගේ කල ලංකාවේ සිටි දේව ගෝත්‍රික ජන ප්‍රධානියෙකු බවත් බුදු වහන්සේ මයියන්ගනයට වැඩම කල දිනයේ බන අසා සෝවාන් වූ බවත් තෙවන වර ලංකා ගමනේදී සමනල කඳු මුදුනේ සිරිපා සටහන් පිහි‍ටුවා ගත් බවත් ජාන ප්‍රවාදයයි. සුමන ” සමන් ” මහා සුමන යන නම් වලින්ද හඳුන්වන මෙම දෙවියෝ සුදු ඇතෙකු වාහනය කරගෙන ලොව සැරිසරන  බව සදහන්ය. සුමන සමන් දෙවියෝ භෞතික සැප සම්පත් උදා කර දෙන දෙවි කෙනෙකු වන අතර ශ්‍රීපාද වන්දනාවේ සමන් දෙවිආශිර්වදය බැතිමතුන් බලාපොරොත්තු වේ. මැනික්  පතල් කර්මාන්තයද සමන් දෙවිආශිර්වාදය පිලිබඳ විස්වසය තැබූ කර්මාන්තයකි. සමන් දෙවියන්ගේ [ප්‍රධාන දේවාල හතරකි
1. මයියන්ගනය සමන් දේවාලය
2. රත්නපුර සමන් දේවාලය
3.දැරනිය සමන් දේවාලය
4. බොල්තුබේ සමන් දේවාලය
රන්ත්නපුර සමන් දේවාලයේ ස්වර්ණමය යුගය සීතාවක රාජසිංහ සමයයි. සමන් වෙහෙර අංග සම්පූර්න කල රජතුමා ගම් 22ක් නින්දගම් 48ක් හා පිදවිලි ගම් 360 ඇතුලු විශාල වස්තු සම්භාරයක් පූජාකර ඇත. දෙල්ගමුව වෙහෙරෙන් දළඳා සමිදු රත්නපුර සමන් වෙහෙරට වැඩමවා පෙරහැර 11ක් කරවූ බව ද සදහන්ය. දැරනියගල හා බොල්තුඹේ සමන්දේවාලය රාජසිංහ රජතුමා ඉදිකල බව වංශ කථාවල දැක්වේ.

Posted in History | Leave a reply
× How can I help you?