Monthly Archives: February 2017

චීනය BeiDou satnav network වල ස්ථානය කියවීමේ හැකියාව 1-2 m දක්වා ඉහලට

පෘතුවිතලය මත වන ඔබගේ ස්ථාන ගත වීමක් නිවැරිදිව පවසන්නට EU වල Galileo satellite system වලට ඇති හැකියාව තවමත් මීටර එකක ආසන්න බවක් සමග ඉදිරියෙන්ම සිටී. එම හැකියාව GPS වලදී ආසන්නව මීටර පහක් පමන වන අතර GLONASSවලදී 4.5-7.4m අසන්න අගයක් දැනට ලබා ගන්නට හැක. මේ අතර BeiDou නම් චීන සමාගමක් පවසන්නේ තමන්හට නව දියුනු කිරීම් සමග එම කියවීම් මීටරයත් දෙකත් අතර අසන්න නිවැරදිව කියවීමේ හැකියාව ලබමින් සිටින බවයි. වැඩි දුරටත් BeiDou පවසන්නේ මෑතකදී තමන් අත්පත්කර ගත් සාර්ථක වීම් ඔස්සේ යම් ඉලක්කයක ස්ථානගතවීම් රටාව කියවීමට පෙර ගතවූ තප්පර 30ක කාලය තප්පර තුනක් දක්වා අඩුකර ගැනීමට සමත්විම මෙන්ම “ඔබ දැන් සිටින්නේ මාවතක අයිනට වන්නද නැතිනම් මාවතේ මධ්‍යයේද යන්න පවසන්නට” අවශ්‍ය තාක්ශන හැකියාව තමන් අත්පත්කරගෙන සිටින බවකි.
චීනය පවසන්නේ 2018 වන විට තවත් සැටලයිට 18ක් හා 2020 වන විට බලාපොරොත්තුවන සැටලයිට 30ක ප්‍රමනය ඔස්සේ මුලු පෘතුවියම ආවරනය කරන්නට තමන් සමත්වනු ඇති බවකි.

Facebook වල like හා share ඉල්ලීම් ගැන යලි අනතුරු ඇගවීමක්

සුපුරුදු පරිදිම නැවතත් හදාරන්නන් යෝජනා කර සිටින්නේ ලොව ප්‍රධාන සමාජ ජාලාවක් වන Facebook හරහා ආකර්ෂනිය කුඩා දරුවෙකු ගේ ඡාය අටහනක් යොදා ගනිමින් එම දරුවාට යම් රෝගී තත්වයක් සදහා ප්‍රථිකාර ලබන්නට නැතිනම් ශල්‍යකර්මයක් සදහා සූදානම් වීමට අවශ්‍යව ඇති බැවින් අදාල සටහන like, comment, හෝ share කිරීම් ඔස්සේ සහය දක්වන්නට කෙරෙන ඉල්ලීමක් ඔස්සේ අදාල භාවිතාකරන්නාගේ පෞද්ගලික තොරතුරු සොරාගන්නට, අදාල ගිනුම තම වෙළඳ දැන්වීම් සදහා යොදාගන්නට අවශ්‍ය සැකසුම් ලබා ගන්නට වන උත්සහයන් කිහිපයක් නැවතත් මේ දිනවල දක්නට ලැබෙන බවයි. “like-farming” ආකාරයේ මෙම ව්‍යාජයන් විසින් 2015 කාලයේ සිට හඳුනාගන්නට කටයුතු කර තිබූ අතර විටක මෙම දායකත්වයන් ඔස්සේ Facebook වෙතින් අදාල දරුවාට donation ලබා ගැනිමට සහයල් ලෙසටද හදුන්වාදෙනු දක්නට ලැබෙන බවටත් පැහැදිලි කරනවා.
මෑතකදී පලවූ තවත් සිදුවීමකදී පිලිකා ගනයේ අපහසුවකින් පෙලෙන දරුවෙකු ගේ ඡායාරුවක් භාවිතා වෙමින් තිබූ අවස්ථාවක දී 2.1 million shares හා 300,000 likes ප්‍රමානයක් ගෙන තිබූ මුත් සාමාන්‍ය භාවිතාකරන්නන්ගේ අනුකම්පා සහගත අවධානය යොමු කිරීම ඔස්සේ ෆේස්බුක් හි Terms of Service කඩකිරීම් නිසා ඉවත්කරන්නට කටයුතු කල අවස්ථාවක් ලෙසට පෙන්වා දෙනවා. තවත් විටක BBC ආයතනය කල වාර්ථාවකට අනූව පැවසුනේ chicken pox තත්වයෙන් පෙලෙන දරුවෙකුගේ ඡායාරුවක් අයතා ලෙසට භාවිතාකරමින් මෙසේ දියත්ව තිබූ ව්‍යාපෘතියක් පසුව ඉවත්කරන්නට Facebook ආයතනය කටයුතු කර ඇති බවයි.
ඔවුන් වැඩි දුරටත් පෙන්වා දෙන්නේ මෙවන් ක්‍රියාකම් වල සමහර සංකීර්න අවස්ථාවලදී භාවිතාකරන්නන් Facebook හි සමහර apps සමග සම්බන්ද කර ඇති credit card numbers මෙන්ම අවසර පද වැනි අතිශය පෞද්ගලික තොරතුරු වලට සමීපවීමේ හැකියාවද දුලබම නොවන බවයි.

Meizu වෙතින් එන mCharge technology කැපී පෙනෙන ප්‍රගතියකි

චීන නිපැයුමක් ලෙසට Super mCharge මෙවර Mobile World Congress 2017 වෙතට පැමින තිබූ බැටරි බලගැන්වුම් තාක්ශනයකි.  වරකකට අදික කාලයක දියුනු කිරීමක් ලෙසට සැලකෙන මෙම තාක්ශනය ඔස්සේ 3000mAh මට්ටමේ බැටරියක් 0% සිට100%  දක්වා බල ගන්වන්නට ගතව තිබුනේ මිනිත්තු 18ක් බවට සජීවීව තම ඉදිරිපත්කිරීම තුලදී ඔවුනොප්පුකර සිටින්නට සමත්විය. ඔවුන්ම තම තාක්ශනය පැහැදිලි කරමින් පවසා සිටියේ දැනට පවතින තාක්ශන හැකියාව හා සැසදීමේදී 5.5 මට්ටමක වෙගවත් බවක්  ‍රැගෙන එන්නට තමන් සමත්වන බවකි. තම සජීවී දැක්මේදීම පලමු විනාඩි 8 තුලදී බැටරියේ බල ගැන්වීම් සීමාවෙන් 50%ක් ඉක්මවන්නට සමත් බවටයි ඔවුන් දක්වා සිටියේ. හදාරන්නන් පෙන්වා දෙන්නේ සමාන්තර තරගකාරී තාක්ශනයන් තම බල ගැන්වූම් වලදී -Charge 3.0 technology- 50%ක බල ගැන්වුම් සීමාවට එන්නට විනාඩි 30-40ත් අතර කාලයක් ගන්නා අවකශයකදි මෙම තාක්ශනය කැපී පෙනෙන දියුනු කිරීමක් බවයි. එසේම ඔවුන් ඉදිරිපත් කල දත්ත වාර්ථාවලට අනූව 800 පූර්න charge හා discharge වාර ගනනකට පසුවද තම බල හැකියාවෙන් සියයට 80ක්  දරන්නට එම තාක්ශනය සමත්ව ඇති බව මෙන්ම බැටරියක ආයුකාලය දෑ වසරද ඉක්මවන්නට සමත් බවයි.

You Tube දෛනික නැරඹුම පැය බිලියන 1 ඉක්මවයි…

අන්තර්ජාලය තුල දෛනික භාවිතාවන් අතරින් Youtube.com වෙතට ඇත්තේ ඉහලම ස්ථානයකි. පලවන නවතම ගනන වාර්ථා හෙලි කරන්නේ මේ වන විට youtube වෙතට වන දෛනික භාවිතාව පැය බිලියන එකක් ලෙසට සටහන් වන බවකි. මෙම භාවිතාව එම වෙබ් අඩවිය තුලින් මෙන්ම mobile app සමගද දෛනික භාවිතාව සැලකීමේ දී ලැබෙන එකුතුව ලෙසටයි පැහැදිලි කෙරෙන්නේ. හදාරන්නන් මෙම සක්‍යාව පැහැහිලි කරන්නේ තනි පුදගලයෙක් හැටියට මෙම නැරඹීම සිදුකරන්නේ නම් 100,000 years තරම් දිගුකාලයක් වන බවයි. තවත් ආකාරයකින් සලකන්නේ නම් ඔබ ආලෝකයේ වේගයෙන්  පිටත් වුවහොත් Milky Way වල එක් කෙරවලක සිට අනෙක් කෙරවල දක්වා වන දුරක් යා හැකි බවයි. මෙම භාවිතය ඉහල යාම 2012 statistics වලට අනූව මිලියන 100 යක භාවිතය හා සැසදීමේදී විශාල පිම්මක් ලෙසටයි දැක්වෙන්නේ. අන්තර්ජාල භාවිතාකරන්නන් අතරින් වඩාත්ම පුවත්, ගීත මෙන්ම චිත්‍රපට, වාර්ථා වැඩසටහන් නැරබීමට මෙයින් වන සේවාව වෙතට වන බහුල ඉල්ලීම නිසාම සමහර අන්තර්ජාල සේවා සපයන්නන් තම මොබයිල් සේවාවේදී වෙනම දත්ත පැකේජ සපයන්නට බොහෝ විට දැකිය හැකිව තිබේ. Google ආයතනය තම You Tube සෙවාව වෙතට advertising algorithm ආධාරයෙන් කෙටි වෙළඳ දැන්වීම් ගෙන එන්නට පටන්ගෙන ඇති අතර  විශාල ආදායමකට එම පියවර සහය වෙමින් ඇති බවටයි විස්තර වෙමින් පවතින්නේ.

පහලොස් වන කොටස

එක් උදෑසනක් වෙනදාට වඩා අපූරු බවකින් උද්‍යානය හැඩවී තිබිනි. ‍රැඩිකල් ආකාරයේ නව චිත්‍ර ශෛලයකට නෑකම් කියන ශිල්පියෙකුගේ මනරම් සිතුවම් පෙලකින් එහි එක් පෙදෙසක එලිමහන ඔපවත්ව තිබිනි. පරිගණකය ආශ්‍රිත්වද නිමවන ඔහුගේ සිතුවම් දැක්ම නම්ව තිබුනේ “මම ඔබව නැවත ලියමි” ලෙසටය. සාමාන්‍යයෙන් අප දකින යාන්ත්‍රික බව ඉක්මවන ගැබුරු බවක් ඒවා වෙත ගෙනෙන්නට පරිගණක ඇසුර භාවිතාකර තිබීම කාගේත් සිත් ගන්නක් විය. සමකාලීනව ලොව පුරා නැගෙන නෙක ආකාරයේ මතවාදී නැබුරූන් හදාරමින් එවා සමග තම තම පුද්ගල හැගීම් රටා මුහු කරන්නට ඔහු මනා නිපුනයෙකු බව ඒ හැම සිතුවකින්ම පිලිබිගු විය. එක් සිතුවමකට ඔහු අපූරු ආකාරයේ පූර්විකාවක් පෙල ගස්වා තිබිනි. ” -ස්තුතියි. -ඇයි ඒ. -මම ඔබෙන් ලද ආභාශයට. -මේ මම. – ඔව් හැබැයි මම හොරකම් කලා නම් නෙවෙයි, ඒත් කියන්නට බැරිඋනා.
“සියලු මිනිස් සබදතා හුදු ආර්ථික අර්ථයෙන් පමනක් ගලපන්නට උත්සාහ කරන පරිසරයකදී නැවත ජීවිතයට එන්න කියන්න එයාට ඔනෑ වෙලා තියෙනවා වගේ.” බොහෝ වෙලාවක් නිහඬවම සිතුවම් අතර ඇවිද ගිය ඇය අවසානයේ තම නිශ්ශබ්ද බව අවසන් කලාය. “මටත් එහෙම හිතෙනවා නිමක් නැති ආකාරයට ජීවිතය භෞතිකයන් අතර වලලන්නට තැත්කරන ලෝකයට ඔහු සමහර වෙලාවට කිසිම අනක් ගුනක් නැති මිනිහෙක් වගේ ‍රැඩිකල් විදිහට පහර දෙන අකාරය හරිම අපූරුයි. “හැබෑයි ඒ හැම දේකටම වඩා මගේ සිත් ගත්තේ අර ස්තුතියි.. කියලා පටන් අරන් තිබුනු පූර්විකාවට” මම විවෘත වුනෙමි. “ඇයි ඒ.” ඇය විමසුවාය. “මේ මට ඔබට කියන්න තියෙන්නෙත් ඔය ටිකම තමයි”. ඇය නැවතත් එම සටහන කියවන්නට විය. අවසානයේ “මේ මම නිසා” විමතියට බර මුහුනුවරක දරමින් ඇය මගෙන් විචාලාය. සිතුවම් පෙල අවසානයේ සමුගැනීමේ සටහනක්ද විය. “මා හැම විටම තාක්ශනය පින්සල වන්නට මිස පින්සල් පහර වන්නට ඉඩ නොතැබු වේයැයි විස්වාස කරමි. පැමිනීයට ස්තුතියි”(31)
“මතකය මත්තේ ඔබ මොබ ඇවිද යන්නට ඔනෑවය වඩා හුරු පුරුදු වීම ගැටලුවක් බව මම හිතන්නේ මම මතක්කර දෙන්නට ඔනේ නැහැනේ!” ටිබෙටියානු මිතුරා උදෑසනම මා සොයා පැමින ඇත. “පරිගණකයට බැරි දෙයක් මිනිස්සුන්ට ලැබිලා තියෙන්නේ ඒක හරිම වැදගත් නිසා වෙන්න ඇති මම හිතන්නේ. මම කිව්වේ අමතක වීමේ හැකියාව ගැන” ඔහු පැහැදිලි කර සිටියාය. “ඒත් පුදුමය කියන්නේ කාලය අපිට උදවු වෙන්නේ දේවල් අමතක කර දාන්නට උනාට මෙතැනදී තත්වය සම්පූනයෙන් වෙනස් වෙලා වගේ.” මම යම්තරමක අසරනවීමක් වුවත් විවෘතව පැවසීමි. “ඔබ දන්නවනේ.. ජීවිතක කාලය තුල මොනතරම් විවිධ පරිසරවල මම ගතකරල තියෙනවද කියලා.. ඒත් මෙතැනදී තරම් ඒ මොහොතවල් වලට මාව නැවත නැවත අමතන්නට හැකිවීම ගැන මටම පුදුමයි” පැහැදිලිව විවෘත විය හැකි හොඳම මිතුරා වෙතට එන්නට හැකිවීම මහත් සහනයකි. “හොඳ පැහැදිලි දවසක් නිසා නරකද කඳු මුදුනත දිගේ ගම්මානය පැත්තට ටිකක් ඇවිදින්නට ගියොත් , අපි ගබඩා භාරකාර තුමාගෙන් ආහර ටිකක් ලබා ගෙනම පිටත් වෙමු.” ඔහු නැගී සිටියාය. මමද දෙවරක් නොසිතා ඔහු සමග එක්වීමි.

සීතාවක යුගයේ ආර්ථිකය 2

සීතාවක යුගයේ ආර්ථිකය පිලිබඳව වන හැදෑරීමේදී හදාරන්නන් යෝජනා කරන ආර්ථික භෝග අතර කුරුඳුවලට සැලකිය යුතු තැනක් හිමේ වේ. මාතර, තුන්කෝරලය මෙන්ම කන්ද උඩරටද කුරුඳු සරුවට වැඩුනු අතර පෘතුගීසීන් ලකාවට අවධානය වැඩි යෙන් යොමු වීමටද මෙම ලෝකයේ ස්තරම් කුරුඳු නිපදවන්නෙකු ලෙසට වූ පිලිගැනීම සඳහන්වේ. ඔවුන් පෙන්වා දෙන්නේ ක්‍රි.ව. 1575 වන විට කුරුඳු කුයින්ටල් එකක් සදහා රි. 1980ක වටිනාකමක් වූ බවට පෘතුගීසී වෙළඳ වාර්ථා පැහැදිලි කරන බවයි. මීට අමතරව ලොව ස්ථරම්ම ගම්මිරිස් නිපදවන්නා ලෙසටද ලංකාව ලැබී තිබුනු තැන ද පැහැදිලි කෙරේ. අතුරු භෝගයල් ලෙසට වගා කලද ඒ සදහා වෙළඳ පොලේ ඉහල මිළක් පැවතුන බවටයි පැහැදිලි කරන්නේ. සීතාවක රාජධානියේ ආර්ථිකය සැලකීමේදී ඔවුන් කුරුඳු, ගම්මිරිස් වැනි කුලුබඬු අලවියෙන් හොඳ ආදායමක් ලබන්නට ඇති බවට පවසනවා.
පුවක් වෙළඳාමද පෙන්වා දෙන හදාරන්නන් එකල භාවිතාව ඇනුව පුවක් අමුනු එකක් යනු ගෙඩි 24000කි. අලුත්කූරු, සියනෑ,නුලත්ගම වැනි ප්‍රදේශවලින් බහුලව පුවක් ලබාගන්නට හැකි වූ අතර මේවායේ ප්‍රධාන ගැනුම් කරුවෙකු වූවේ ඉන්දියාව බවටයි සටහන් වන්නේ. පුවක් සමග රෙදි හුවමාරුව වන්නට ඇති බවට පිලිගැනෙන අතර සීතාවක හටන කර්හුවරයාද ඉන්දියාවේ මධුරාපුරයට පුවක් අලවි කිරීම පිලිබඳ තොරතුරු ‍රැසක් ඉදිරිපත් කර තිබේ.
මැණික් සබරගමුවේ බහුලම ඛනිජ සම්පතයි. කුරුවිට, රත්නපුර , නිවිතගල ආදී ප්‍රදේශ ‍රැසක මැණික් අකාර තිබූ බව සීතාවක හටන්කරු තොරතු දක්වයි. අවිස්සාවේල්ලේ මානික්කාවත්ත, තල්දූව මාරඹේ, ගැටහැත්ත, ඇහැලියගොඩ ආදී ප්‍රදේශවලද අදත් මැණික් බහුලය. සීතාවක මැණික් සදහා දේශීය මෙන්ම විදේශීය ඉහල වෙළඳ පොලක් තිබුනි. හලාවත ප්‍රදේශය ලොව හොඳම මුතු සම්පත සදහා ප්‍රසිද්ධය. ක්‍රිව. 1592වන විට හලාවත ප්‍රදේශයද සිතාවක ප්‍රදේශයට අයත්ය. ඒම නිසා සබරගමුවේ මැණික් මෙන්ම හලාවත මුතුවලින්ද සීතාවක ආර්ථිකය පෙහොසත් විය.
ලංකාවේ අලි ඇතුන් රජතුමාට අයත් සම්පතකි. සබරගමුවේ වනාන්තරවල අලි ඇතුන් බහුලය. යුධ කටයුතු හා බර වැඩ සදහා ද අලි ඇතුන් බහුලව යොදා ගත්හ. කොස්ගම අකරවිට ලෙනදොර ඇත්ගාල, කඹුරාපොල අලිකඩුල්ල ආදී ඇත් ගාල් ‍රැසකින් අල්ලා ගත් අලි ඇතුන් මානියම්ගම ඇත්පන්තිය ප්‍රදේශයේදී හීලෑකර ඇත. හීලෑ අලි ඇතුන් මෙන්ම ඇත් ඳල හා ඇත් ඳැල ආශ්‍රිත නිර්මාණ වලටද ඉහල මිළක් හිමි විය. කූරූවේ බද්ද වදයෙන් වෙනම දෙපාර්ථමෙනතුවක්ද රජතුමා යටතේ අලි ඇතුන් ඇල්ලීමට පිහිටවාගෙන තිබුනි.
මේ අනූව සීතාවක ප්‍රදේශය වී ගොවිතැන ප්‍රධාන ජීවනෝපාය කරගත් ජනතාව කෘෂිකාර්මික ආර්ථික ක්‍රමයකට හුරුවී සිටි බවත් පශු සම්පත මුතු මැනික් , කුරුඳු , ගම්මිරිස් පොල් පුවක් මෙන්ම අලි ඇතුන් හා ඇත් ඳළ වෙළඳ ද්‍රව්‍ය කරගත් සීතාවක රාජධානිය යහපත් ආර්ථිකයකට උරුම කම් කියූ බව පැහැදිලිය.

සීතාවක යුගයේ ආර්ථිකය

හදාරන්නන් පවසන්නේ සීතාවක යුගය හැදෑරීමේදී එම යුගයට පමනක් ආවේනික වූ සුවිශේෂීතා ‍රැගත් ආර්ථිකයක් පැහැදිලිව හඳුනාගන්නට නොහැකි බවයි. ඔවුන් පෙන්වා දෙන්නේ සමකාලීව පැවති කෝට්ටේ හා කන්ද උඩරට රාජධානීන්ගේ පැවති ආර්තික රටාවන් වලට සමාන ක්‍රමවේදයන් මෙහිද අනුගමනය කරන්නට ඇති බවකි. වැදගත්ම සාධකයක් ලෙසට යෝජනා කර සිටින්නේ කොළඹ- සබරගමුව හා කොළඹ කන්ද උඩරට මාර්ග එකි නෙක හමුවන ප්‍රධාන නගරය බැවින් වඩාත් ජනකීර්න ප්‍රදෙශයක් ලෙසට වැඩි අවධානයක් ලබන්නට ඇති බවයි.
පහත රට තෙත් කලාපයට අයත් සීතාවක ප්‍රදේශය යලමහ දෙකන්නය හොඳින් වැසි ජලය ලැබුනි. පාලකයන් වැව් අමුනු බඳවා වාරිමාර්ග තැනවූ අතර එමගින් වීගොවිතැන සරුවට පැතිර තිබිනි. කැළණි හ සීතාවක ගංගා නිම්නයන් රන්වක් කරලින් බරවූ කෙත්යායක් වන්නට ඇත. සීතාවක පාලකයෝ ඉදිකල වැව් කිහිපයකම නටඹුන් ගැටහැත්ත, මානියම්ගම, පින්නපොල, ඇස්වත්ත හා පෙතන්ගොඩ ප්‍රදේශයේද දැකගත හැක. සීතාවක නාමය සැදෑමේදීද කෙත්ගම යන අර්තය එහි ඇතුලත් අතර පොලොන්නරු යුගයේද මෙම ප්‍රදේශය ගබඩා ගමක් වශයෙන් පැවතුනු බව වංශ කථාවේ සදහන්ය. අද දක්වාම පවත්වාගෙන එන මානියම්ගම කරල් පෙරහැර මංගල්ලයෙන්ද අතීතයේ කෘෂිකර්මාන්තයේ දියුනුව පෙන්වා දෙයි.
කෘෂිකර්මය පමනක් නොව පශු පාලනයද මෙම ප්‍රදේශයේ වානිජ මට්ටමින් පැවතී ඇත. ප්‍රධාන වශයෙන්ම ගව සම්පතට වැඩි අවධානයක් යොමු විය. කිරි, දීකිරි, මී කිරි, ගිතෙල් ආදී පස්ගෝ රසය සදහා හොඳ වෙළඳ පොලක් හිමි විය. රජ දවස ප්‍රධාන ගව පට්ටියේ සිටියේ අමිතිරිගල , මීතිරිගල ආදී ප්‍රදේශවලය. අමු කිරි ප්‍රධාන වශයෙන් සැපයීම නිසා අමුකිරි ගල පසුව අමිතිරිගල වු බවත් මීකිරි සැපයූ බැවින් මීකිරිගල පසුව මීතිරිගල වූ බවත් , ගව පට්ටිය ප්‍රදේශයේ ඉහල රදවා තිබූ ගම උඩකනු ගාල හෙවත් උඩකනුගල වූ බවත්, පහල ප්‍රදේශය පල්ලේ කනු ගාල හෙවත් පල්ලේකනුගල වූ බවත් ගම්වල නම් විමසීමේදී තොරතුරු හමුවේ.මේ අනූව සීතාවක ප්‍රදේශය අතීතයේ ගව සම්පත ප්‍රධාන කරගත් පශු පාලනය ආථික මට්ටමේ පැවතී ඇත.

Google Assistant තම වපසරි සීමාවාව ඉක්මවයි…..

“make the Assistant available anywhere you need it.” මේ ගූගල් ආයතනය තම Google Assistant අංග වෙතට ලබා දෙන පැහැදිලි කිරීමයි. ආයතනය වෙතින් සිදුවූ මීට පෙර දියුනු කිරීමක් වූ Google Now හා සැසදීමේදී simple questions හෝ search queries මට්ටමින් ඔබ්බට ගොස් natural conversational interaction මට්ටමක් වෙතට දියුනු කරමින් සිටින මෙම සහය මෘදුකංගය Android 6.0 හා ඉහල සංස්කරන ධාවනයවන සියලු උපාංග සදහා විවෘත වන බවටයි මේ වන විට Google නිවේදනය කර සිටින්නේ. Pixel handset, Google Home, හා Android Wear වැනි සීමිත භාවිතාවක් සදහා පමනක් විවෘත වූ මෙම හැකියාව සියලුමandroid සදහා විවෘත වීම පලමුව ඇමරිකානු English-speaking අවකාශයේ සිට ක්‍රමයෙන් මුද අහැරීමටයි එම ආයර්හනය සැලසුම් කරමින් සිටින්නේ.එලබෙන සතියක සිට සිදුවන මෙම මුදා හැරීම පිලිබඳ අදහස් දක්වන එම ආයර්හනය පවසන්නේ May 2016 වල සිට සැලකීමේදී තම මුල් පරමාර්ත ඉක්මවවින් දියුනු කර තිබෙනවා සේම සමාන්තර තවත් සේවාවන් කිහිපයක් සමග සහයෝගයෙන් කටයුතු කරන්නටද සූදානම් බවටයි පැහැදිලි කරන්නේ. උදාහරනයක් ලෙසට Sony වල home control වැනි හැකියාවන් වල සිට නව සේවා කිහිපයක් වෙතට අවධානය යොමුකරමින් සිටිනවා. එලබෙන යුගයේදී Google ආයතනයේ නෙක ආකාරගත් උපංග අවකාශය වෙතට පැමින වඩාත් ආකර්ශනීය මෙන්ම තරගකරී ස්ථාවරයක් වෙතට යන්නට තමන් සැලසුම් කරමින් සිටින බවටයි පැහැදිලි කරන්නේ.

අනාගත Wndows වලදී app store වලට සීමා වීම….

Windows 10 Cloud පිලිබඳව මුල් හෝඩුවාව කථාබහට පැමින ගත්ව ඇත්තේ මාසයකට අඩු කාලයකි. Windows RT වලට සමාන නිවැමුමක් ‍රැගෙන එනු ඇති බවට හෙලිවන මෙම නිකුතුව සමග භාවිතාකරන්නා හට Windows Store වලින් පමනක් පැමිනෙන app වලට පමනක් සහය දක්වන Windows 10 Pro වලට අවශ්‍ය නම් උස්තල ගැනිවීම -upgrade- හැකියාව සමග පැමිනෙන්නක් ලෙසට දැනට තොරතුරු හෙලිව තිබෙනවා. දැනට හෙලිව ඇති සංස්කරන හදාරන්නන් පෙන්වා දෙන්නේ මෙම නිකුතුව Windows Edge වැනි නිකුතුවකට සීමා වීම එය වඩාත් කොඳ බ්‍රවුසරයක් ලෙසට පැමිනෙන උපදෙසකින් වැනි ස්වරූපයක් ගනු ඇති බවය.
එසේම එලබෙන අප්‍රේල් වලට නියමිත Creators Update වලදීද වඩාත් ආරක්ශිත භාවිතාවක් සදහා Windows Store වලින් පමනක් apps සීමා කර ගැනීමේ තේරීමක් windows 10 සදහාද සංයුත්ත්ව පැමිනීමේ අවස්ථාවක් මේ වන විට කථා බහට ලක්වෙමින් තිබෙනවා. හදාරන්නන් පෙන්වා දෙන්නේ viruses හා අනෙකුත් malware වලින් ආරක්ශාවීම ප්‍රමුක කොට ගෙන මෙම තොරා ගැනීම සම්පූර්නයෙන් භාවිතාකරන්නා වෙතට විවෘත පැමිනීම සිදුවිය හැකි බවක් දැනට දක්නට හැකි බවයි. ආයතනික මට්ටමින් සැලකිමේදී ආරක්ශිත භාවිතාවක්ස් සදහා මෙම තේරීම වඩා සුදුසු වනු ඇති බවට ඔවුන් පෙන්වා දෙනවා.

යලි පැමිනෙන Nokia 3310

මෙවර Mobile World Congress (MWC) 2017 වලදී Nokia වෙතින් නිවේදනය වූ නිකුතූන් අතර, නවීකරනයක් සමග යලි පැමිනීමක් වූ Nokia 3310 කාගේත් අවධානයට ලක් වූවක් වෙනවා. එහිදී එම ආයතනය පැහැදිලි කර සිටියේ පැය 22ක කථා කාලයක් මෙන්ම මාසයක සූදානම් කාලයක්(standby time) ‍රැගෙන එන එම නිකුතුව 2.4-inch QVGA display එකකින් හා 2MP බලැති පසු කැමරාවකින් හා microSD සූදනමක්ද සහිතව මෙන්ම සරල දියුනු කිරීම් කිහිපයකි සමන්විත Snake game එකෙන්ද සමන්විත වන බවයි. වසර 2000 දී පමන පලමු නිකුතුවත් සමග මහත් අවධානයක් ලබා ගත් මෙම දුරකථනයේ මෙම නැවත නිකුතුව – Nokia 3310 –   red, yellow, silver වැනි වර්නවලින් තොරා ගැනීමේ අවස්ථාවද සමග මෙම වසරේ දෙවන කාර්තුවේදී ඩොලර් 52ක මිලකින් යුතුව වෙළඳ පොලට පැමිනෙනු ඇති බවටයි නිවේදනය වන්නේ.