Back to Top

Monthly Archives: April 2017

සීතාවක යුගයේ ජන සංස්කෘතිය -5-

ගෘහ නිර්මාන ශිල්පය-
සීතාව්කා ගෘහ නිර්මාණ ශිල්පය පිලිබඳ වත ගොත සොයන විට අවස්ථා තුනකට අයත් නිදර්ශන ඉදිරිපත් කල හැකිය. ප්‍රථම අවස්ථාව තිඹිරිපොල රජලෙනයි. ස්වාභාවික ගල්ලෙන පිරිසිදුකර, ඇතුලට වතුර ගලා ඒම නැවැත්වීමට කටාරම් කොටා ඝන බිත්ති බැඳ ඇතැම් තැනකට ලී වහලක්ද යොදා භින්ෂූන්ගේ ප්‍රයෝජනය සදහා සඝ සතු කොට පුදා ඇත. මානියම්ගම විහාරය දෙවන අවථාවයි. මෙය ක්‍රමවත්ව ගොඩ නගා තිබුනකි. ආරම්භය වලගම්බා අවදියට අයත්ය. මහනුවර ක්‍රීර්ති ශ්‍රී රාජසිංහ අවධියේදී පිලිසකර කර ඇත. ප්‍රථිමා ගෘහයේ ඇතුල් කාඹරයත් ආලින්දයත් වෙන්වී ඇත්තේ ඝන බිත්තියකිනි. පහලදී බිත්තිය අඩි 6ක් පමන ඝනයය. බිත්තිය හරහා ඇතුල්මාලයට ඇතුල් වීමට දොර‍ටු දෙකකි. ඒවායේ උඩ අර්ධ වෘතකාරය. ඝන දොර පියන් ඇත. ආලින්දයේ ඉහල සොල්දර තට්‍ටුව් අමත පොත්ගුලයි. සංඝාවාසයද ගල්ලෙන යටම වේ. වතුර සපයන උල්පත් ලිඳද ගලයට වේ. පෘතිකා ගෘහයට උඩ පත්තේ පිටතින් කතරගම දේවාලයයි. විෂ්ණු දෙවියන්ට පූජා පැවත්වෙන්නේ ප්‍රථිමා ගෘහය ඇතුලේය.
සීතවක ගෘහ නිර්මාණය පිලිබඳ තෙවන අවස්ථාව බෛරන්ඩි කෝවිලයි. අඩි 120ක් පමන දිග , අඩි 95ක් පලල, අඩි 10ක් පමන උස් වූ පදනමක් මත සලපතර මළුවකි. එහි මැද අඩි 33ක් පමන දිග අඩි 25ක් පලල තවත් අඩි 6ක් පමන උස පදනමක් මත දේවාලයයි. දේවාල කඹරය අඩි 15ක් අඟල් 9, දිග හා පලල සම චතුරශ්‍රයකි.
මනියම්ගම බන්ඩාර වත්තේ පිහිටි රාජසිංහ මාලිගයේ මෙබඳු ක්‍රමවත් ශිල්පීය ක්‍රම තිබුනු බවට කිසිවල් ඉතිරව නැත. එබඳු ගොඩනැගිල්ලක් කරවීමට තරම් මායදුන්නේට වත්, ටිකිරි බන්ඩාරටවත් විවේකී චින්තනයක් නොවීය. බෛරන්ඩි දෙවොල රාජසිංහ අවධියට වඩා පැරනි බව පෙනෙන්නේ මාලිගය සමග සැසදීමෙනි. කෝවිල් පදනම මේ දක්නට ලැබෙන සුවිශේෂ සියුම් ශිල්පීය ක්‍රම ජ්‍යාමිතික දැනීම පොලොන්නරුවේ නටබුන් හා සසදා බලන ලෙස වියතුන්ට ආරාධනා කරමි.
– පොත පත ඇසුරෙනි.

Posted in History | Leave a reply

අරිට්ටකී වෙන්ඩු පෙරුමාල් – මාන්නප්පෙරුම මොහොට්ටි ජයවීර බණ්ඩාර -3-

අවුරුදු 450 පමන කාලයක් තුල ජනවහරෙහි එන මේ කවි කාලයත් සමග වෙනස් වෙන්නට ඇතුවාට සැක නැත. පද සතරට පසුව කියන “ආඬි ගොල්ල එක එකටයි- කොක්කනම් පයිය වෙන වෙමයි” යනුවෙන් කියන ධ්‍රව පදය නැතිවද මේ කවිය ජනවහරේ පවතී. එහෙත් රාජාවලිය කියන වෙන පද කොක්ක නම් කියා යන පඨය හා කොතෙක් දුරට මේ ධ්‍රර පදය ගැල පේදැයි සිතා බලන්න. රාජකපුරු හෙට්ටියා-ඇස්ස සිඟා කාපු වෙදා- රන්තැටියේ පුදා තියා-අළුත් ගෙනා මනමාලී වැනි පද කොතරම් දුරට මානප්පෙරුම මොහොට්ටිගේ අතීත ජීවිතය හා සැසදේ දැයි බලන්න.
මේ සිව් පද ඇසීමෙන් ලැජ්ජවාට පත්වී ගමත් එපා වූ මාන්නප්පෙරුම මොහොට්ටී ගිරා ඉඹුලේ සිට රහසේම අඟුලක නැගී කඩුවෙලට ගොස් කෝට්ටේ ධර්මපාල රජු හමුවිය. බොහෝ කාලයක් සීතාවක රජ්‍ය ජයගැනීමට උත්සාහයක යෙදී සිටි ධර්මපාල රජු හා පෘතුගීසී සේනාව මාන්නප්පෙරුම් මොහොට්ටාල සාදරයෙන් පිලිගෙන “ජයවීර බණ්ඩර” යන පට බැඳි නාමයෙන් පුදනු ලැබීය. මෙතැන් සිට ඔවුහු හැඳින්වූවේ ජයවීර බණ්ඩාර යන නමිනි.
ජයවීර බණ්ඩාරගේ උදවු ඇතිව තෙමසක් පමන වු කෙටි කාලයකදී ධර්මපාල රජුට සීතාවක ජය ගැනීම හැකි විය. ඊලගට ඔහුගේ ඉලක්කය වූයේ කන්ඳ උඩරට ජය ගැනීමයි. ධර්මපල ජයවීර බභ්ඩර හ ප්‍රතිකාල් අනදෙන නිලධාරී යන අයගෙ හමුදාවෝ උඩරට ජය ගැනීමට පිටත් වී “දන්තුරේ” වෙන වෙන්ම වාඩිලා ගත්හ. හමුදාව ප්‍රබල බව දැනගත් උඩරට විමල ධර්ම සූරිය රජු උපායෙන් ජය ගැනීමට කල්පනා කලේය.
හෙට ඉර මුදුන් වීමට පෙර පරංගි හමුදාව අල්ලා දෙනු. පාතරට මම රජකම් කර උඩරටට කප්පං දෙමි. යනු පනිවිඬය ජයවීර බණ්ඩාර විසින් විමලධර්ම සූරිය රජුට ලියන ආකරයට ලියා හේවයෙකු අතට දී පරංගි වාඩිය මැදින් යන්නට සලස්වන ලදී. පරංගි හමුදාවට අසුවූ හේවායා අත තිබූ තල්පත කියවා බලා දුරදිග නොබලා ජයවීර බණ්ඩාර මරන ලදී.
– පොත පත ඇසුරෙනි.

Posted in History | Leave a reply

අරිට්ටකී වෙන්ඩු පෙරුමාල් – මාන්නප්පෙරුම මොහොට්ටි ජයවීර බණ්ඩාර -4-

බුදු සමය යටපත්කර සිව සමය පැතිර වීමට උත්සාහ ගත් අරිට්ඨකී වෙන්ඩු පෙරුමාල් නම් වූ ආඬි ගුරාගේ- සීතාවක රජ්‍යයේ මහ ඇමතිකම් කල මන්නප්පෙරුම මොහොට්ටිගේ – කොට්ටේ රාජ්‍යයේ ධර්මපාල රජතුමාට සේවය කල ජය්වීර බණ්ඩාරගේ අවසානය, අචින්ති තම්පි භවිස්සති යන න්‍යාය ධර්මය ස්ථීර කරමින් මෙසේ සිදුවිය.
සීතාවක රාජ්‍ය සම්බන්ධ ඉතිහාසය චූල වංශයේ කෙටියෙනුත්, රාජවලියේ විස්තර වශයෙනුත් දැක්වේ.රාජාවලියේ කතෘ කරුනු ඉතිරිපත් කිරීමේදී නම් වශයෙන් සදහන් කරන වැදගත් සිදුවීම් වලට අදාල පුද්ගලයින් සම්බන්ද විස්තර කලින් දැක්වින. ඒ හැරුනු විට තවත් කිහිපදෙනෙකුගේ නම් සඳහන් වේ. මේ අයගෙන් වැඩි දෙනෙක් උපතින් බෞද්ධයන් වශයෙන් සිට ක‍තෝලික ආගම වැලදගත් අයයි. තව සමහර අය නැවතත් ආපසු බෞද්ධ ආගම වැලඳ ගත් අය වෙති. මින් සමහර දෙනෙක් ගෝවේ හෝ පෘතුගලයේ හෝ කලක් ජීවත්වූ අය වෙති. මේ නිසා කිහිප දෙනෙකුට නම් දෙකක් හෝ සමහර විට තුනක් හෝ තිබුනු හෙයින් කරුනු වටහා ගැනීමට අපහසු තත්වයක් තිබේ. කිහිපදෙනෙකුගේ විස්තර පෘතුගීසී ලේඛකයන් ගේ වාර්ථා සහ වෙනත් කෘතීන් ඇසුරින් පැහැදිලි කිරීමට ගත් උත්සාහයක් මේ කොටසින් ඉදිරිපත් කෙරේ. සමහර කරුනු සාස්ත්‍රීය විමර්ශනයකින් නිරාකරනය වී නැති නිසා සැකයට හා විවාදයට තුඩුදිය හැකි බවද සැලකිය යුතුය.
– පොත පත ඇසුරෙනි.

Posted in History | Leave a reply

ජයවීර රජු හා කරලියැද්දේ

සේනා සම්මත වික්‍රමබාහුගෙන් පසු උඩරට රජ්‍යයට පත්වූ යේ ඔහු පුත් ජයවීර රජුය. මොහුගෙන් රාජ්‍යකාලය පිලිබඳව මතබද පවතී. මතබේද කොතෙක් තිබුනද මොහුගේ රජ්‍ය කාලය අවසන් වූවේ 1551 හත්වන බුවනෙකබාහු රජුගේ මරනින් පසු බව නම් ස්ථිරය. 1521 දී මායාදුන්නේ කුමරු තමාගේ අයිතිවාසිකම් ලබා ගැනීමට ජයවීර රජුගෙන් උපකාර ඉල්ලන්නට ගියේ දෙදෙනා අතර තිබූ ඥාති සම්බන්දය නිසාය. ජයවීර රජුගේ බිසව වූයේ කීරවැල්ලේ මහරාලහාමිගේ සොහොයුරියයි.                              බුවනෙකබාහු හා මායාදුන්නේ සොහොයුරන් විවාහ කරගෙන සිටියේ කීරවැල්ලේ මහරාලහාමිගේ සොහොයුරියකි. බුවනෙකබාහු , රයිගම් බණ්ඩාර සහ මායාදුන්නේ මේ සහෝදර දෙදෙනාගේ එක බිසවගෙන් උපන් දරුවෝය. එක්පසකින් සීතාවකද අනෙක් පසින් කෝට්ටේ රාජ්‍යයද පිහිටි නිසා මේ රාජ්‍ය දෙකෙන් බලයට පැමිනි කවර හෝ රජ්‍යය කින් උඩරටට තර්ජන එල්ල විය හැකි බව ජවීර රජු. තීරනය කලේය. ඒ නිසා පෘතුගීසීන් ගෙන් ආධාර ලබ ගැනීමට ඔහු උත්සාහ කලේය. පෘතුගීසී ආධාර ලැබීමට නම් උඩරට රජු ක‍තෝලික ආගම වැලඳ ගැනීම උඩරට පෘතුගීසී බඩු ගබඩාවකට ඉඩ දීම, කප්පං ගෙවීම, දියනිය පෘතුගීසීන් අනුමත කරන කුමරෙකුට විවාහ කරදීම වැනි කොන්දේසි ඉ‍ටුකල යුතුයැයි පෘතුගීසීහු කීහ. මේ කොන්දේසි සියල්ලම ඉ‍ටුවූ බවක් නොපෙනේ. එසේ උවත් 1546 දී ජයවීර රජු ක‍තෝලික ආගම වැලඳ ගත්තේය. ජයවීර රජුගේ මේ වෙනස් වීම නිසා උඩරට බෞද්ධ ප්‍රභූවරු ඔහුර විරුද්ධ වූහ. කීරවල්ලේ බිසව මියගිය පසු, ගම්පල කුමරියක් සරන කර ගත් ජයවීර රජු ඇයට උපන් කුමාරයාට රාජය පැවරීමට කටයුතු සැලැස්වීම නිසා කරලියැද්දේ කැරලි ගැසුවේය. පියා පලවා හැර උඩරට රාජ්‍යයේ පාලකයා බවට පත් විය.
ජයවීර රජු ඔ‍ටුන්න හා වෙනත් රාජ්‍ය භාන්ඩ ‍රැගෙන සීතාකට පලා ගියේය. මායාදුන්නේ රජුගේ ආරක්ෂාව පැතීය. මායාදුන්නේ රජ්ජුරුවෝ ජයවීර රජුට බොහෝ ගම්බිම් දී සි‍ටුවා ගත්හ. එහෙත් මේ ගම් බිම් හා පදිංචිවූ ස්ථාන ගැන විස්තරයක් නැත. කෙසේ වුවද, උඩරට රජ්‍ය ලබ ගැනීමට තම පුත්‍රයාට විරුද්ධව සටන් මෙහෙය වූයෙ නැත. ඔහුගේ අවසානයද සීතාවක රාජ්‍ය තුලම සිදු විය.
– පොත පත ඇසුරෙනි

Posted in History | Leave a reply

ජයවීර රජු හා කරලියැද්දේ -2-

ජයවීර රජුගේ දියනිය සරන කර ගැනීමට එක්වන රාජසිංහ කුමරුගේද කැමැත්තක් විය. කරලියැද්දේ මෙයට විරුද්ධ විය. අවසානයේ ඇය කෝට්ටේ ධර්මපාල රජුට විවාහ කර දෙනු ලැබුවාය. මේ සරණ බන්ධනය නිසා රාජසිංහ හා කරලියැද්දේ අතර අමනාපයක් හට ගැනුනි. පැලැඳ නුවරින් පැනගිය වීදියේ බණ්ඩාරට ආරක්ශාව සපයා ආධාර කලේද මේ නිසාය.
1573 කරලියැද්දේගේ සොහොයුරිය වූ ධර්මපාල රජුගේ බිසව මියගියාය. කරලියැද්දේගේ දියනියද නෑදෑකම් වරද්දා ධර්මපල රජුට සරණකර දෙනු ලැබුවාය. මේ වන විට කරලියැද්දේ දොන් ජෝන් නමින් බෞතීස්ම ලැබ සිටියේය. ඇගේ දියනිය දෝන මාර්ගරීධා නමින් බෞතීස්ම ලැබුවාය. කරලියැද්දේ (දොන් ජෝන්) ක‍තෝලිකයෙකු වීම නිසා උඩරට රදලයන්ගේ අප්‍රසාධයට ලක්විය. එක්වන රාජසිංහ රජුද මේ අවස්තාවේන් ප්‍රයෝජන ගත්තේය. වීරසුන්දර බණ්ඩාරගේ සහයෝගය ඇතිව කරලියැද්දේ පලවා හැරියේය. 1582 ඒ රජුගේ (කරලියැද්දේගේ) කුමරයාත්, බෑනාත් සෝවි කුමාරිකාවත් තමාගේ බිහෝ අදහසිනුත් තමා පිරිවරත් යාපා ප‍ටුනට කිට්‍ටුව ක‍ටුපත හෙලිකර ගෙන හුන්හ යනුවෙන් ඔහු පලාගිය අයුරු රාජාවලිය විස්තර කරයි. කරලියැද්දේ සමග, බිසව, පුතුන් දෙදෙනෙක්, දියනිය හා බෑනා පලා ගිය බව රාජාවලි විස්තරයෙන් පැහැදිලිය. කුමාරයෝ දෙදෙනා කන්ද උඩරට අල්ලන්න ගොසින් වන්නි පත්තුවට ගොසින් මලාහ. යාපනේ රජුගේ තර්ජන නිසා පෘතුගීසීන්ගේ ‍රැකවරන පැතීමට සිදුවිය. කරලියැද්දේ හා බිසව ත්‍රිකුනාමලයේදී මියගියහ. දෝන කතිරිනා නම් දියනියද බෑනා වූ යමසිංහ ද පෘතුගිසී ‍රැකවරන යටතේ මන්නරාමේ සිටියහ. පසුකලකදී ආරක්ශාව සදහා යන සිංහ හා දෝනකතිරිනා කුමරිය පෘතුගීසීහු කොලඹට කැඳවා ගත්හ.
– පොත පත ඇසුරෙනි

Posted in History | Leave a reply

අරිට්ටකී වෙන්ඩු පෙරුමාල් – මාන්නප්පෙරුම මොහොට්ටි ජයවීර බණ්ඩාර -2-

රාජසිංහ රජුගේ මරනින් පසු රාජසූරිය කුමාරයාට රජකම පැවරුවේ මොහුය. ඔහුගේ අනාචාර ක්‍රියා පිලිවෙතට අකමැති වූ ඔහු රාජසූරිය කුමාරයා මරා කලක් වීදීයේ බණඩාරගේ දේ විය වශයෙන් සිටි බිසෝ අදහසින් ගේ පස් හැවරිදි කුමරයා රජකමෙහි පිහිටෙව්වෙත් මොහුය. මේ කුමාරයා රජවීමෙන් පසු සීතාවක රාජ්‍යයේ ප්‍රධාන බලදරයාත් ආරක්ෂකයත් අරිට්ඨකී වෙන්ඩු පෙරුමාල් හේවත් මාන්නප්පෙරුම මොහොට්ටාල විය. මාන්නප්පෙරුම මොහොට්ටාල මෙසේ බලයට පත් වෙත්මසිංහල ප්‍රධානීගේ අප්‍රසාධයද වඩ වඩා දියුනු විය. කුමන්ත්‍රනයක් කර ඔහු පලවා හරිනවාට වඩා උපහාසයට හා අපකීර්තියට පත්කිරීමෙන් මාන්නප්පෙරුම කොන් කිරීමට කටයුතු සැලසිනි. මේ සදහා මුල්වී කටයුතු කලේ මහ පත්තුවේ දොලොස් හමුදාව භාර අතපත්තු ආරච්චිනම් නිලධරයාය. මාන්නප්පෙරුම මොහොට්ටිගේ අතීත ආඬි ජිවිකාවෘතිය සදහන් කර අපහාසාත්මකව කවි පද බැඳසීතාවක නගරය පුරාම කියවීමට සලස්වන ලදී. මේ අපහාස වලට මුහුන දීමට අපොහොසත්වූ මාන්නප්පෙරුම මොහොට්ටාල මොරවත්තේ පදිංචියට ගියේය. බිසෝ අදහසින්ගේ බලවත් ඉල්ලීම පිට ආපසු සීතාවකට ආවත් තත්වය පෙර සේම විය. අපහාසත්මක කවි සීතාවක නගරය පුරාම ‍රැව් පිලි ‍රැව් දෙන්නට විය. මානප්පෙරුම මොහොට්ටාල එවර ගියේ ගිරා ඉඹුලේ කො‍ටුවටය. මහ ඇමතිට ගමරට එපා වීමට තරම් ප්‍රබල වූ මේ සිව් පද මොනවාද?
සිව භක්තිකයන්ගේ ආගමික ගුරුවරු ආඬි ගුරුහුය. කහරෙඳි පොරවා ගෙන මිනි ගෙඩියක් අතින් ගෙන ඇටමලයක් කරේ ලා සැඩ පලු ගෙතුන ජොන්ඩය ඇතිව අලු භාජනයක් අතින් ගෙන “හරෝ හරා” හඬ නගමින් කෝවිල් කරවන ද්‍රවිඩ පූජකවරු අඬි ගුරු වශයෙන් හඳුන්වනු ලබති. අත පත්තුආරච්චි පබඳින ලද සිව් පද වලට මානප්පෙරුම මොහොට්ටාල ආඬි ගුරෙකු ලෙස සිටි කාලයේ විස්තර තොරතුරු ඇතුලත් වන්නට ඇති බව “ඒ ආඬින් එක්ක හිටියාට” යන පාඨයෙන් සිතා ගත හැකිය.
එදා අතපත්තු ආරච්චි ප්‍රබන්ද කල සිව් පද ග්‍රන්ථා රූඩ වී ඇති නම් බලවත් පාඩුවකි. එහෙත් ඒ සිව්පද වලින් කොට්සක් අද අප අතර ජනකවි බවට පත්ව තිබීම තරමක හෝ සැනසිමකි. මේ ඉන් එක් පැඳියකි.
අතුරු මිතුරු දඹදිවතුරු – රාජ කපුරු හෙට්ටියා
වරා ගහක් දුට්ටින් බොලන්- වරා ගහට ගිහින් බොලන්
අඬි ගොල්ල එක එකටයි
කොක්ක නම් පයිය වෙන වෙන මයි..
– පොත පත ඇසුරෙනි.

Posted in History | Leave a reply

දත්ත ලෝකය විසින් අර්ථ දක්වන මිනිසා

……දත්ත ලෝකය විසින් අර්ථ දක්වන මිනිසා කෙමෙන් රූපවාහිනිය ප්‍රමුක පෙර මාධ්‍ය විසින් නිර්මානය කරන ලද මිනිසාව අභිබවමින් සිටී. ගෙනවිත් ඇති සුවපහසුව අපමනකි. ගැටලුව වන්නේ එම සුව පහසුව සදහා හුවමාරුකර ගන්නට වන්නේ ඔබගේ සැබෑ ජීවිතය ආශ්‍රිත දත්තයන් වීමය. තවත් වැදගත් සාධයක්ද ඇත. එහි බොහෝ සේවාවන් ‍රැගෙන එන්නේ වෙළඳ ආයතනයන් වීමය. ඒවා විසින්ද තම වෙළඳ අරමුනු වෙනුවෙන් දත්ත ‍රැස්කර තබා ගැනීම ඒවා භාවිතාකිරීම සම්පූනයෙන් කිසි දිනක අවසන් නොකරනු ඇති බවය. තවත් සාධකයක් වන්නේ මේ සුවිසල් අවකාශයේ සාමය බිඳින්නන්ගෙන්ද අඩුවක් නොවීමය. විවිධ අරමුනු වෙනුවෙන් එහි සාමය බිඳින්නට නිරන්තරයෙන් කටයුතු කරමින් සිටී. ගෙනවිත් ඇති නව අවකාශ ආකෘතිය සාම්ප්‍රදායික වෙනත් ආකෘති සමගද නිරන්තරයෙන් ගැටමින් ඇත. දේශපාලනික යාන්ත්‍රන එයින් මුල් තැනක් ගනී. දත්ත අවකාශය ගෙනවිත් ඇති නිදහස් ආකෘතිය හුදකලාවක් නොවේ. දේශපාලනික ආකෘතිය නොරුස්සන බොහෝ නිදහස එයට කරදරයක් වන අවස්ථා ඔවුන් සමනය කර ගන්නේ එය පාලනය කිරීමෙනි……
…..ජාති ආගම් බොහෝ වටිනා පෘතුවිය මතට අපූර්ව විසිතුරු බවක් ‍රැගෙන එන කාරනා බව සත්‍යයකි.එහෙත් මේ කාරනා ඉක්මවා සිටින මිනිස් සංකෘතිය තවදුරටත් අවිඥානිකව නොතිබිය හැකි තරමේ ක්ශනික විවර කිරීමක් තොරතුරු ලෝකය මිනිස් භාවිතවට ගෙනවිත් අහවරය. දුර හා කාලය මිනිස් වර්ගයාගේ පාලන සාධකයක් වීම සැහෙන දුරකට එය අවසන් කොට ඇත. තම රට හෝ ජාතිය තවකෙකුට එරෙහි කිරීම අවාසනාවන්ත කුඩා මනෝ භාවයක් බවට සාමන්‍ය දැනුම ඇත්තෙකුට පවා තව දුරටත් විහිලුවක් නොවී තිබිය නොහැකි තරම්ය. දකුනත , වම් අත නැතිනම් දකුනුපය, වම්පය ලෙසට බෙදා ගන්නවාට වඩා සමස්ථ මිනිස් වර්ගයා හමුවේ ඇති අභියෝග බොහොමයකි. අහස් කුස , පොලව අභ්‍යන්තරය පමනක් නොව සුලි කුනා‍ටුවක් , භූචලනයක් වැනි දහසකුත් ස්වභාදහමේ අභියෝග ඉදිරියේ ඔවුන් තාම අගු‍ටු මිට්ටන් ලෙසට අසරනව කදුලු සලන්නට වන තරමේ ජීවින් කොටසකි……
-Siriwansa
– www.siriwansa.life

Posted in Tech | Leave a reply

ඔබට වඩා වන “ඔබව” නිර්මාණය වෙමින්..

ඔවුන් උත්සාහ කරමින් සිටින “දෙය” මෙසේ පැහැදිලි කරන්නට හැකියි. එනම් “ඔබ” මතට “නැවත නිර්මාණිත” ඔබව ‍රැගන් ඒම ලෙසට. මම හිතන්නේ මේ හැරවුම මිනිස් කථාන්දරයේ තවත් තීරනාත්මක ඉසව්වකට පිවිසීමක් වේවි. සියලු සාම්ප්‍රධයික අවකාශ නැවත අභියෝගයකට ලක් කරන මොහොතක් වේවි. දේශපාලනික, අර්ථික, සංස්කෘතික සියලු අර්ථ සදහා නැවත විවරනයන් ඉල්ල සිටින අවස්ථාවෙක් වේවි. අපි දන්නවා සියලුම පාහේ තොරතුරු අවකාශයේ පෙර ගමන්කාර සමාගම් වලට අවශ්‍ය වෙලා තියෙනවා ඔබ මතට වඩාත් පෞද්ගලික වෙමින් ඔබ සදහා වඩාත් සැසදෙන වර්චුවල් “ඔබව” නිර්මාණය කරන්නට. තවත් දෙසකින් පවසන්නේ නම් ඔබ වෙනුවට තවත් “ඔබ” කෙනෙක් වර්චුවලි නිර්මාණය කර ගන්නට. මූලිකවම මේක වෙළඳ කරනවක් බවට කිසිදු තර්කයක් නැහැ. හැබැයි ඒහා සමාන්තරවම ඔවුන් දක්ශ වෙමින් තිබෙනවා ප්‍රාථමික වෙළඳ ස්වභාවය ඉක්මවන ස්වරූපයේ අනන්‍යතාවයකින් මේ අවකාශය නිර්මාණය කරන්නට.
ඔවුන් ක්‍රමයෙන් කරමින් සිටින්නේ අනාගතයේ ඔබගේ සමාජජාලා සර්වරයේ නිර්මාණය වන “වර්චුවල්” ඔබව නිර්මාණය කිරීමයි. ඔබගේ දත්ත අනන්‍යතා සර්වරයේ “ඔබව නියෝජනය වන වර්චුවල් ඔබව” නිර්මාණය කර තැබීමයි. මේ වර්චුවල් ඔබට සැබෑ ඔබගේ සිතුම් පැතුම්, අවශ්‍යතා “අධි ඔබ කෙනෙකු” ඔස්සේ ඉ‍ටුකර දෙන්නට හැකි වේවි. මේක සංකීර්න අවස්ථාවක් වනවා නිසකවම. දේශපාලනික මෙන්ම සංස්කෘතික විතැන්වීම් පරිධියේ කෙරවල අවකාශයන්ට විශාල ගැටලුවක් වේවි. හැබැයි මේක භ්‍යානක තත්වයක්ශ නැතිනම් ආශිර්වාදයක්ද යන්න ප්‍රයෝගිකව නිර්වචනය කරන්නට දැනට අප සතුවන ආර්ථික දේශපාලනික අර්ථයන්ට හැකිවේවිද යන්න ප්‍රශ්නයක්. ඒකට හේතුව මේ විෂයන් නොවෑඩෙන හරිම සාම්ප්‍රධායික සීමා වල තවමත් සිටීම.
– Pubudu Siriwansa

Posted in Digital life styles |

VISTA සම්පූර්නයෙන් සමුගනී…

Vista සදහා වන Microsoft සහය 2012 අප්‍රේල් 10 වන විට Mainstream ආකාරයෙන් අවසන් වුවද extended support f ආකරයෙන් second service pack සදහා සහය තවත් වසර 5ක් ඉදිරියට විනි. Microaoft පවසන්නේ මෙම අප්‍රේල් 11 සිට ඉදිරියට එම මෙහෙයුම් පද්ධතිය සදහා වන සම්පූර්න සහයද අවසන් වන බවය. ඒ අනූව මින් ඉදිරියට hotfixes, security patches ආකාරයේ කිසිදු සහයක් Microsoft වෙතින් Vista වෙතට නොලැබෙන බවටයි නිවේදනය වන්නේ. එසේ වීමේදී OS vulnerable වලට හා මැල්වෙයා වලට පහසු නිරාවරනය වීමක් සිදුවන අතර Internet Explorer 9 ද වඩාත් හානිකරයන්ට නිරාවර්නිත බ්‍රවුසරයක් වන්නු ඇත. හදාරන් නන් පවසන්නේ තවමත් windows XP සමස්ථ භාවිතාවෙන් 7.44% ආසන්නව ලබමින් ඇති මුත් අසාර්ථක මෙහෙයුම් පද්ධතියක් ලෙසට සටහන් වන Vista මේ වන විට ආසන්නව 0.72% තරම් සුලු භාවිතාවක් ලබමින් ඇති බවයි.
January 30, 2007 මුලින්ම භාවිතයට පැමිනි Vista වඩාත් ආකර්ශනීය දෘශ්‍ය (visual style – Aero – ) බවක් ගත් අතර XP සමග සැසදීමේදී හැම ආකාරයටම ආකර්ශනීය මෙහෙයුම් පද්ධතියක් විය. home users, business users, power users වැනි ආකාර ලෙසට සංස්කරන 6 කින් පැමිනි මෙහෙයුම් පද්ධතියක් ලෙසටද නම් කෙකෙරිනි -(Starter, Home Basic, Home Premium, Business, Enterprise, හා Ultimate සංස්කරන ). මෙම මෙහෙයුම් පද්ධතිය ඉල්ලා සිටි දෘඩාංග මට්ටම මෙන්ම සමහර ආරක්ශක සැකසුම්ද භාවිතාකරන්නන් අතර එතරම් ප්‍රසාධයක් දිනා නොගත් අතර අවසානයේ එය අසමත් මෙහෙයුම් පද්ධතියක් ලෙසට පිලිගැනීමක් ඇති විය. Windows Vista Service Pack 2 නිකුතුවක් 2009 දී සිදුවූ අතර මීලග සංස්කරනය වින්ඩොව්ස් 7 ලෙසට පැමින ප්‍රසාධයක් දිනා ගත් මෙහෙයුම් පද්ධතියක් ලෙසට නම් කෙරෙනි.
– siriwansa

Posted in Microsoft, Software, Windows |

මුල්ල හරෝන අඬුව ගේන්න ගිහින්…

මැණික් පතලක වැඩට ගන්නා ආයුධ සහ උපකරනද ගනනාවකි. ඒවා බොහෝ විට මැණික් අඩවියටම ආවේනිකය. පතල් උදැල්ල සහ ඉල්ලම් කූර ඉන් ප්‍රධානය.
පතල් උදැල්ලේ මිට කෙටිය. එහෙත් බාස් උදැල්ල ඊට වෙනස් ය. එහි මිට රියනකට වඩා දිග නැත. වැඩ කිරීමෙන්ම පයටම ගෙවුනු උදලු තලයක් ඊට සවිකර තිබේ. පතලේ බාස්ට පමනක් පැවරෙන සීග්‍ර වැඩ හෙවත් බොහොම ප්‍රවේශමෙන් කල්පනාවෙන් කල යුතු වැඩ සදහා ඔහු මෙම උදැල්ල භාවිතා කරයි. ඇතැම් කලබල අවස්ථාවක කෝ බාසා කොහාට උනාද? යනු වෙන් සොයන්නේ බාස් උදැල්ල මිස පතලේ බාස් උන්නැහේව නොවේ.
ඉල්ලම් කූර සහ කම්මිලි කූර මැණික් පතල් වැඩට නැතුවම බෙරි උපකරන දෙකකි.
ඉල්ලම් කූර කුඩා ගල් ඉන්නක් බඳුය. එහි දිග අඩි තුනක් පමන වේ. එක් පැත්තක් තියුනු උලක් ලෙසද අනික් පැත්ත පැතැලි පෙත්තක් වශයෙන්ද තනා ඈති ඉල්ලම් කූර භාවිතකරන්නේ ඉල්ලම් කැඩීමටය. ඊට අමතරව පතලේ බිත්ති සමතලාව සකස් කර ගැනීමටද ඉල්ලම් කූර භාවිතා කෙරේ.
කම්බිලි කූරද අපූරු උපකරනයකි. දිගිම් අඩි 12ක් වන එය අතේ ඇගිල්ලක් තරම් මහත යකඩ කූරකි. එහි එක් පැත්තක තියුනු උලකි. අනෙක් පැත්තේ යකඩය නමා වලල්ලක් සදා තිබේ. එයින් අල්ලා පොලොව යටට ඇන මැණික් ඉල්ලම් ඇති නැති බව සොයා ගැනීම කම්ම්ලි කූරෙහි රාජකාරියයි.
ඉල්ලම් කූර ඇතැමුන්ට යකඩය. එය ගෙවී කෙටි උන විට යකඩ කොටේය. ඉල්ලම් කූරක් නැති ගෙයක් දොරක් මැනික් අඩවියේ නැත. ලන්ඩේ යනු පතල වලදී පොලොව විඳීම සදහා භාවිතාකරන විශාල ප්‍රමනයේ ගල් ඉන්නකි.
කුඩා ප්‍රමානයේ වේවැල් කූඩ ඉනි බස්සන අත කොලුව වැනි උපකරනද මැණික් පතල් වැඩට ඇතිවම බැරිය.
නවකයන් වැඩ කරන පතල් වල භාවිතාවන තවත් උඅපකරනයක් වේ. ඒ මුල්ල හරවන අඬුවයි. පලපුරුදු පතල් කරුවෝ ඒහා පතලට ගිහින් මුල්ල හරවන අඬුව අරන් වරෙන් යැයි නවක පතල් කරුවන් එහා පතලට යවති. අපේ එකත් එකා පතලට ගෙනිච්චා යයි කියා ඒ පතලේ අය නවකයා අනික් පතලට යවති. ඒ පතලේදී ඔහුට ලැබෙන්නේ එවැනිම පිලිතුරකි. පතල් පොලේ සෑම පතලකටම ගියත් නවකයාට මුල්ල හරවන අඬුවක්නම් ලැබෙන්නේ නැත. මෙය විහිලුවක් මිස එබඳු අඩුවක් නැති බව නවකයාට වැටහෙන්නේ පතල් පොල වටේටම ගිය පසුව ය.
මැණික් පතල් වල ඇති තවත් ජනප්‍රිය විහිලුවක් වන්නේ තෙත්තියන් ඉල්ලාගෙන එන්නට පතලෙන් පතලට යැවීමය. කොතෙක් ගියද ඔහුට කිසිදු පතලෞයකින් තෙත්තියන් නොලැබේ.
තත්තියන් ඉල්ලන ඇතැමෙකුට ඇතැම් වැඩි හිටියෙකුගෙන් ලැබ්න්නේ තමුසෙට පයිත්තියන්ද වැනි ක‍ටුක පිලිතුරකි.
තත්තියන් තියනවා යැයි කියන්නේ කපන කොටන ආයුධවලට මුවහත තැබීමටය. එසේ වුවත් පතල් පොලවල් ආශ්‍රිතව මේ වචනය වෙනත් ගුප්ත අසැබි අරුත්ද පට බැඳ ගෙන තිබේ.
– පොත පත ඇසුරෙනි

Posted in Gems | Leave a reply

තොරතුරු යුගයේ පසු භාගයකදී සම්ප්‍රදායික කම්කරුවා අස්ථාන ගත වීම

තොරතුරු යුගයේ පසු භාගයකදී සම්ප්‍රදායික කම්කරුවා අස්ථාන ගත වීම සාමාන්‍ය කාරනාවකි. කාර්මික යුගයේදී පැමිනි එම උත්කෘෂ්ටය තොරතුරු යුගයේ මැද භාගයේදී බහුලවන “යාන්ත්‍රික බව හා තොරතුරු බවේ මිශ්‍රිත උත්කෘෂ්ඨය” ගිල ගැනීම අනිවාර්යය. සාම්ප්‍රධායික දේශපාලකයා මෙන්ම ප්‍රාග්ධන හිමිකරුවා කොතරම් අකමැති වුවද ක්‍රමයෙන් මෙම පරිවර්ථනය සිදු වීම අනිවාර්ය වනු ඇත. දේශපාලන කෝනයෙන් සැලකීමේදී සාම්ප්‍රධායික හා පහසු අමුද්‍රව්‍යය තමන් වෙතට අහිමි වීම ඔවුනට ගැටලුවක් වීමේ වේදනාව කොතරම් උත්සාහකලද ක්‍රමයෙන් සිදුවිය යුතු එම පරිවර්ථනය අනිවාර්යය.
එය නව යුගයක් වීම ධනාත්මක බලපොරොත්තුවකි. බොහෝ සාම්ප්‍රධායික විෂයන් අභියෝගයට ලක්වීම එහිදී අනිවාර්යය. මිනිසුන් පාලනය කල බොහෝ සීමාවන් යලි විමසන්නට සිදුවීම මිනිසෙකුට තම ධාරිතාව සමාජය මත නිදහසේ දියත්කරවන්නට වැඩි වැඩියෙන් අවකාශදෙනු ඇත. සාම්ප්‍රධායික දේශපාලන මෙන්ම ආර්ථික රටාවන් ක්‍රමයෙන් බිඳ වැටමින් නිර්මානශීලී මිනිසා පාලනය කල බොහෝ සාම්ප්‍රධායික සාධක අඩපන වීම ඔස්සේ පැමිනෙන මෙම නව යුගයක් ගැන බලපොරොත්තු තබන්නට මෙන්ම වඩාත් විධිමත්ව අත්පත්කර ගන්නට උත්සාහ කිරීම අපගේ වග කීමක්ද වනු ඇත.
– siriwansa

Posted in Tech | Leave a reply

එය ඩිජිටල් තොරතුරු පරිසරයට ඔබින මිනිසා සදහා වන පරිනාමයක් ලෙසට නම් කරන්නට හැක…

ඔබ පිවිසෙන්නේ ප්‍රධාන මාවතින් ඔබගේ ගෙවත්තටය. ඔබගේ පලමු මට්ටමේ පෞද්ගලිකත්වය ඇරබෙන්නට පටන් ගනී. දැන් ඔබ පිවිසෙන්නේ නිවසේ මැද සාලයට වන විට ඔබගේ නිවසේ සාමාජිකයන්ට පමනක්ම සීමාවන පෞද්ගලික බව ඔබ වෙතට එනු ඇත. දැන් ඔබ පිවිසෙන්නේ ඔබගේ නිවසේ ඔබ වෙනුවෙන් වෙන්ව ඇති ඔබගේ කාබරයටය. සාමාන්‍යයෙන් මිනිස���කුට ලැබිය හැකි උපරිම පෞද්ගලික බවවින් මේ වන විට ආරක්ශිතය. ගිමන් නිවීමකින් අනතුරුව ඔබ දැන් පිවිසෙන්නේ ඔබගේ පරිගණක …කාබරයටය. එය අන්තර්ජාලයට සම්බදවී සෙවුමකට හෝ බෙදා ගැනීමකට දැන් ඔබ සහභාගී වෙමින් සිටී. පරිගණකයක් සමග හුදකලාව ගනුදෙනු කරමින් සිටින ඔබ වෙනත් තලයකදී දැන් ලොවට විවෘතවී ඇත. ඔබ භාවිතාකරමින් සිටින apps, මෙන්ම බ්‍රවුසරය ඇතුලු එහි ක්‍රියාත්මක වන නෙක ආකාරයේ මෘදුකාංග ඔස්සේ විවිධ මට්ටමින් ඔබව හදාරමින් සිටින්නේ සමහර විටක ඔබ කිසිසේත්ම නොදැනුවත්වය.
තවත් දෙසකින් තත්වය විග්‍රහ කෙරෙනුයේ වෙනස් ආකාරයකටය. ඔවුන් යෝජනා කරන්නේ තව දුරටත් පෞද්ගලිකත්වය සාර්ථක සංකල්පයක් නොවන බවකි. ඔබ කරන කියන, අසන බලන දෑ සගවන්නට උත්සාහ කරන්නේ ඇයි දැයි ඔවුන් විමසා සිටී. තවත්වය දැන් වඩාත් සංකීර්නය. තොරතුරු බව බරපතල Desktop පරිසරයට පමනක් තව දුරටත් සිරවී නැත. ස්මාර්ට් දුරකථනය ඔස්සේ එය ප්‍රථමයෙන් හා ඉතා හොඳින් ජංගම වී ඇත. දැන් පහසුවෙන් ඔබ යනෙන, ගනු දෙනු කෙරෙන ආකාරය විවෘත වී ඇත. වරක් වාර්ථා වැඩ සටහනක් මෙහෙවමින් අයෙකු ජනාකීර්න වීදියක් මධ්‍යයේදී පවසා සිටියේ තම ජංගම උපාංගය Wi-Fi ජාල හත්කට පමන විවරව ඇති බවකි. උපාංගයේ IP ලිපිනය ඔස්සේ ප්‍රමුකව ඔබව හදාරාගන්නට අන්තර්ජාලයට ඇති හැකියාව අති විශාල බව ඔහු පැහැදිලි කර සිටියාය.
එක් දෙසකින් වඩාත් සුරක්ශිත සෙවුමකට ආරක්ශිත බ්‍රවුසර පැමිනෙයි. තවත් විටක අමතර මෘදුකාංග ඔස්සේ ඔබගේ වෙබ් සැරිය සුරක්ශිත කර දෙන්නට ඔවුන් පොරොන්දුවෙයි. තවත් විටක වඩාත් සාර්ථක තාක්ශනයන් ඔස්සේ ඔබගේ දත්ත හුවමාරුව කලහැකි ක්‍රමවේද දියුනු කරමින් සිටී. වඩාත් දියුනු මිනිසෙකු වඩාත් නිවැරදි පිලිතුර වනු ඇති බවට මම විස්වාස කරමි. විටක ඔබ නොදැනුවත්වද එය සිදුවෙමින් පවතී. එය ඩිජිටල් තොරතුරු පරිසරයට ඔබින මිනිසා සදහා වන පරිනාමයක් ලෙසට නම් කරන්නට හැක. එය බොහෝ දුර ඉලක්කයක් වන මුත් වඩාත් සාර්ථක විසදුම එයම පමනක් වනු ඇත. එවිට ඒ මිනිසා ගෙන් සැදෙන ආයතනික මෙන්ම පෞද්ගලික මට්ටමේ තොරතුරු හුවමාරු පරිසරයන් වඩාත් සැහැල්ලු සහනශීලී එකක් වනු ඇති බවට විස්වාසය තැබිය හැක. තවමත් ලොව බහුල නීති පද්ධති වල මේ ආකාරයේ සිදුවන අපරාධ සදහා ඒ සදහා වඩාත් ඉලක්කවන නිතිරීතීන් පැමින නැත. මැතකදී ප්‍රධාන පෙලේ රටක් කෙටි පනිවිඬයක් මගින් කෙරෙන තර්ජනයක් සදහා වසර කිහිපයක් දක්වා දඩුවම් ගෙනෙන නීති පරිසරයක් නිර්මානය කරන්නට කටයුතු කල අතර ඒ දක්වා එවන් ගැටලුවකදී නීති සහනය පැමිනියේ ඒ ආශ්‍රිත තත්වය සදහා වන නීති කෙ‍ටුම් පත්වලින් වීම විටක නිවැරදිව අදාල වරද අර්ථ දක්වා ගන්නට මෙන්ම ඔප්පු කිරීමේ ක්‍රම වෙද වලට අපහසුකම් තිබිනි.
පැන වෙන නීති රීති මෙන්ම සමාජීයව පිලි ගැනෙන සිරිත් විරිත් වැනි බොහෝ දිශාවන් ඔස්සේ පෙර කී තොරතුරු තාක්ශන පරිසරය හිතැති මිනිසා නිර්මානය වීමට අවශ්‍ය වට පිටාව නිර්මානය කෙරෙනු ඇත. ඔහු දැනට අප දකින ආකාරයේ මහත් සේ යාන්ත්‍රික වූ මිනිසෙකුට වඩා තාක්ශනය වඩාත් විනයවත්ව තම ජීවිතයට කැදවා ගත් මිනිසෙකු වනු ඇත.
– siriwansa

Posted in Tech | Leave a reply