Back to Top

Monthly Archives: January 2018

නිසි අවධානයට ලක් නොවූ පුරවරය “සීතාවක රාජධානිය”

අවිස්සවේල්ල සීතාවක ඉතිහාසය සොයා බලන්නන් අතර ඉමහත්ම අවධානය ලබ ගන්නා ස්ථානයක් වන්නේ ඓතිහසික මානියන්ගම රජ මහා විහාරයයි. සිතාවක රජධානියක් ලෙසට ස්ථාපනය වන්නටද වැදගත්ම සාධකයක් වන්නට ඇතැයි ලෙසට සැලකෙන එම පූජා භූමිය සීතාවක රාජධානී යුගයෙන්ද ඔබ්බට විහිදෙන්නෙකි. වලගම්බා රජතුමන් තම සතුරු සේනාවන්ට එරෙහිව සංවිධනය වන්නට වූ කාලයේ සැඟව සිටි ස්ථානයක් ලෙසට සැලකෙන මෙහි ඉන් අනතුරුව තම නැවත රාජාභිශේකයෙන් පසුව මෙහි පුදබිමක් ලෙසට නැංවූ බවත් පසුව මහනුවර සමයේදී වඩාත් ක්‍රමවත්කර දැනට පවතින පුරාන විහාරස්ථානය කල බවටත් සැලකේ. මෙහි එන එක් පුරාවෘතයකට අනූව රාජසිංහ රජතුමන් මෙන්ම මයාදුන්නේ රජතුමන්ගේද ගෞරවාදරයට පත්වූ මෙහි එකල විසූ ප්‍රධාන ස්වාමීන්වහන්සේ මෙම නරවිරුවන් දෙදෙනාගේම වේලපත්කඩ සකසන්නට දායක වීම හා ගුප්ත ශාස්ත්‍රයේ මනා නිපුනත්වයට පත්ව සිටීම එයට ප්‍රධාන සාධයකයක් වන්නට ඇති බවට විස්වාස කෙරේ.
නොකඩවා පවත්වා ගෙන එනු ලබන මානියම්ගම කරල් පෙරහැර මේ වන විට 200 වාරයද ඉක්මවා පැවැත්වෙන අතර ලංකවේ පැවැත්වෙන එකම කරල් පෙරහැර බවටද කියැවේ. විහාරස්ථානය පි‍ටු පසින් දිවෙන කඳුයාය ප්‍රධාන මුදුනත් තුනකින් නම් වන අතර රජදවස සිටම ඒවා අශ්‍රිතව පැවතෙන ජනංප්‍රවාදද රාශියකි.ප්‍රාග් ඓතිහාසික යුගයටද නෑකම් කියන “බෙලිලෙනක්” පිලිබඳවද මෙම කඳු වැටිය ආශ්‍රිතව කියැවෙන අතර පොලොන්නරු, අනුරාධපුර යුග වලදී රචිත ග්‍රන්ථවලද මෙම සරුසාර භූමි භාගය පසුකරමින් රටේ අන් දෙසට ගිය පිරිස් විසින් දු‍ටු සංශ්‍රීක බව විස්තර කර තිබේ.
සීතාවක ඉතිහාසය ගැන හදාරන්නන් හා උනන්දුවක් දක්වනන් අතර කථා බහේදී නිතරම පැවසෙන කරුනක් වන්නේ ඉතාම අවාසනාවන්ත ලෙසට මෙම කාලපරිච්චේදය පිලිබඳව කරුබු සොයා බැලීම් , ගවේශනයන් ඉතාම අවම මට්ටමක වන බවයි. බොහෝ ඓතිහාසික ස්ථාන අනාරක්ෂිතව පවතින බවක් පැවසෙන අතර කැනීම් වැනි කටයුතු අවම මට්ටමක වන බව ඔවුන්ගේ අදහසයි. ලක් ඉතිහාසයේ තීරනත්මක සටහනක් තැබූ සීතාවක රාජ්‍ය සමය ආශ්‍රිත තොරතුරු පිලිබඳව මීටවඩා වැඩි අවධානයක් යොමු වේවායි ප්‍රාර්ථනා කරමු.
www.avissawella.com

Posted in History | Leave a reply

512GB microSD එකක් සූදානම්!!!!

මෙගා බයිට් ප්‍රමානයක මතක හැකියාව සහිත උපාංගයක් කර්මාන්ත ශාලාවේ සිට ප්‍රවාහනය සදහා බරපතල ප්‍රවාහන පහසුකම් අවශ්‍ය වූ කාලයක්ද තිබිනි. උපංග මෙන්ම මෙහෙයුම් පද්ධති වල ඉදිරි පියවරයන් සදහා අවශ්‍ය වන තොරතුරු ගබඩා හැකියවන් වැඩිපුර අවශ්‍ය වීම සමහර අවස්ථාවලදී තීරනාත්මකව බලපානද ලදී. වේගයෙන් වැඩෙන විෂයක් ලෙසට තොරතුරු තාක්ෂනය අත්පත් කරගන්නා දියුනුවේ ස්වභාවය තොරතුරු ගබඩා හැකියාව වෙතට නැවත සටහන් වීමක් “512GB microSDXC V10, UHS-I U1” ලෙසට මේ වන විට සටහන් වීමට සූදානම් බවට වර්ථා වෙමින් තිබෙනවා. Integral පවසන්නේ තමන් 512GB microSD නිකුතුව වෙළඳ පොලට පැමිනීම එලබෙන මාසයට නියමිත වෙමින් තිබෙන බවයි. දැනට පැවසෙන තොරතුරු වලට අනූව තප්පරයකට මෙගා බයිට් 80 ක දත්ත හුවමාරු හැකියාවක් සහිත මෙම නිකුතුවෙහි මිළ ගනන් තවමත් නිවේදනය වී නැති මුත් ඩොලර් 300 කට ආසන්නව පවතිනු ඇති බවට බලාපොරොත්‍ටු වෙනවා.
Pubudu Siriwansa

Posted in New Technology |

Microsoft OS අවකාශය Polaris සමග පොඳු තැනකට….

නෙක වෙළඳ හා තාක්ෂන පදනම් ඔස්සේ පැමිනෙන වෙනස් කම් එලබෙන යුගයේ තොරතුරු අවකාශයේ භාවිතාකරන්නන් හට වඩාත් ගැටලුකාරී වීම හඳුනා ගෙන ඇති ගැටලුවකි. එක් දෙසකින් භාවිතාකරන්නාගේ ජීවිත තුලට තොරතුරු අවකාශය හුදු තොරතුරු ‍රැගෙන එන්නෙක්ම පමනක් නොව තම දෛනික ජීවිතය සමග සංක්‍රියව සම්බඳ වුනු භාවිතාවක් වීම මෙන්ම එක් භාවිතා කරන්නෙකු තම අවශ්‍යතාවයන් අනූව උපාංග කිහිපයක් භාවිතාකිරීම මේවාට උදාහරනය. කලක සිට Microsoft ආයතනයද තම මෙහෙයුම් පද්ධති සමග පෙර කී platforms හා form factors සමග සැසදෙන ‘One Windows’ නැතිනම් ‘OneCore’ වැනි සංකල්ප වලට අවධානය යොමුකර තිබිනි. ඔවුන් මෙම ‘Windows Core OS’ ලෙසට නම් කල උත්සාහය මොබයිල් අවකාශය සමග තරමක දුරට අත්හදා තිබුනද පලවන නවතම පුවත් පවසන්නේ Pc අවකාශය සමගද අත්හදා බලන්නට මේ වන විට සූදානම් වෙමින් සිටින බවකි. ඔවුන් පැහැදිලි කරන්නේ Polaris සමග අත්හදා බැලෙන්නේ සාම්ප්‍රධායික PC form factors, එනම් desktops, laptops හා 2-in-1 වැනි අවකාශයන්ට වන අතර මෙම නව මෙහෙයුම් පද්ධතියේදී windows 10 සමග වන සමහර අංගයන් ඉවත්වන්නේ වඩාත් පොදු භාවිතාවකට අවකශ සලසා ගැනීමට බවටයි පැහැදිලි වන්නේ. මෙම Polaris වල නිකුතුවක් පිලිබඳ බලාපොරොත්තුව 2019ට මේ වන අනුමාන වෙමින් තිබෙනවා.
Pubudu Siriwansa

Posted in Microsoft, Windows 10 |

දත්ත මිනිසා…..

@@@@@@@@හෙට දිනක බිහිවෙතැයි “මනස් චිත්‍රනය” කරනලද සැබෑ මිනිස් දත්යන්ගෙන් සුසැදි දත්ත මිනිසා පිලිබදව අඳිනලද වචන සිත්තමේ පෙර සංස්කරනය කියවන්නට එන්න යැයි කෙරෙන ගෞරවනීය ආරාධනාවයි මේ.. @@@@@@@
නෙක වර්ණ ගැන්වී ඇති වලකුලු පොදිවලින් ගැවස ගත් සැදෑ අහසට ඔහු මහත්සේ ප්‍රිය කලාය.සක්මන් මලුව කෙරව ඇති කුඩ ගල් ආසනය මත වාඩිවී ඒ අපූරු සොබා චිත්‍රයේ රස විදින්නට කවදත් ඔහු ප්‍රිය කලාය. තම ආශ්‍රම ජීවිතයට දෙවසරක් පිරී ඇති බව දහවල් කාර්යාල අඩහෝරාවේදී ටීටා පරිගණකය දැන්වූ විට එකවරම පිලිගැනීමට නොහැකි තරම් විය. ඔහු අවසන් වරට තම කාර්යාලයට භෞතිකව ගොඩවී වසර දෙකක් ගෙවී අවසන්ය. එතැන්සිට ඔහුගේ සියලු රාජකාරී කටයුතු මනාව ඉ‍ටුකරන තම “දත්ත ප්‍රතිරූපය” මොනතරම් පහසුවක් තම ජීවිතයට ගෙනවිත ඇත්දැයි සිතන විට මහත් සතුටක් දැනින.තම උසස් අධ්‍යාපන කාලයෙන් පසුව ‍රැකියාවට බැදී තෙවසර සම්පූර්න වනවාත් සමග තම “දත්ත ප්‍රතිරූපය” නිර්මානය හා පුහුනු වසර තුල නිරන්තරයෙන් තම රාජකාරී කාලයතුල “බීටා පරිගණකය” පැලද සිටින්නට සිදුවීම ගැන ඇතිවී තිබු නොරිස්සුම් ස්වභාවය ගැන අද වන විට මහත් කනගා‍ටුවක් දැනෙන්නට විය.

කාල අපගමන යන්ත්‍රනය ඔස්සේ යම් වැරදීමකින් මෙම සටහන වසර දෙදහස් දහය වැනි කාලයකට ගියහොත් වියහැකි ආකූලත්වය සලකා යම් පැහැදිලි කිරීමකට යායුතු යැයි සිතෙන නිසාම දත්ත මිනිසා මෙසේ පැහැදිලි කල හැක. වසර දෙදහස් පහලොව පමන වන විට පරිගනකය සම්පූර්නයෙන් ජංගම උපකරනයක් බවට පත්විය. තවත් අතකින් පරිගණකය අන්තර්ජාලය සම්බන්ද කරන උපකරනයක් බවට පමනක් ඌනනය විය. වලාකුලු තාක්ශනය නැතිනම් ක්ලවුඩ් තාක්ශනය ඉතිරි සියල්ල බාරගන්නට ඉදිරිපත්විය. ක්‍රමයෙන් ඊලග වසර පහ හය සමග පරිගණකය තවත් පරිනාමය……
Pubudu Siriwansa

 

එලබෙමින් ඇත්තේ “personal area network” යුගයයි….

පලඳින පරිගණක යුගය තොරතුරු ලෝකයේ මීලග ප්‍රධාන හැරවුමක් ලෙසට සටහන් වනු ඇති බව හදාරන්නන්ගේ මතයයි.අප සාමන්‍යයෙන් සිතන ආකාරයේ උපාංග වෙළඳ පොලෙහි තවත් උපාය මර්ගයක් ලෙසට එය තේරුම් ගැනීම එතරම්ම සාර්ථක උපකල්පනයක් නොවනු ඇති බව සරල හැදෑරීමකදී පවා තේරුම් ගත හැකි කාරනාවකි. සැබවිනම එය පරිගණකයට හා අන්තර්ජාලයට ඔබේ සැබැදියාවේ වෙනසක් ගෙන එන්නෙකි.
හදාරන්නන් යෝජනා කරන්නේ ඔබ අන්තිම වශයෙන් සලකන Home network නැතිනම් නිවෙස් ජාලයෙන් තවත් මදක් ඔබ්බට චලනය වෙමින් “personal area network” නැතිනම් පුද්ගල ජාලයට පිවිසීමකි. සැබවින්ම එය Bluetooth, Wi-Fi හෝ NFC වැනි සබදතාවයක් ඔස්සේ පැමිනෙන wireless PAN එකක් ලෙසට නම් කරන්නට ඔවුන් කැමති වෙති. පැරනි LAN ඔස්සේ පැමිනි සබදතාවයට Wi-Fi ඔස්සේ වන ලැප්ටොප් උපාංගය සබදවීමේ යුගයේ සිට ඔබගේ ස්මාර්ට් දුරකතනය Internet-connected server බවට පත්වන යුගය එය ‍රැගෙන විත් ඇත.විශේෂයෙන්ම ඔවුන් සදහන් කරන්නේ වඩාත් අඩු බැටරි බලයක් භාවිතකරන Bluetooth 4.0 වැනි තාක්ශනයන් මෙම නව යුයේ ප්‍රවර්ධනයට මහත් සහයක් දෙමින් සිටින බවයි.හදාරන්නන් පවසන්නේ 2017 වන විට 70 million ක් පලදින ආකාරයේ උපාංග වෙළඳ පොලට ඉල්ලා සිටිනු ඇති බවයි.
Pubudu Siriwansa

Posted in Digital life styles |

දැනුම තව දුරටත් අගමික කාරනාවක් නොවීම සේම….

දැනුම තව දුරටත් අගමික කාරනාවක් නොවීම සේම පසුකාලීන භුක්තිවිඳි දේශපාලනික ස්වභාවයේ නොවීමද මග හැරිය නොහැකි ඇත්තකි. එය වෙළඳ පොලට විත් ඇති සේවාවක් පමනි. මෙවන් පරිසරයකදී රජයකට හැකිවන්නේ ඒවායේ ප්‍රමිතිය ‍රැකීම හා අනෙකුත් නෛතික හා සදහාචාරාත්මක වටිනාකම් පවත්වාගෙන යාම පමනක් වීම පැහැදිලිය. ගැටලු පැමිනෙන්නේ එම යුතුකම් නිසිලෙස ඉ‍ටු කරන්නට රජයන් අසමත්වීමෙන්ම පමනක්ම නොවේ. පෙර කී ව්‍යුහතුල තත්වයන් පවත්වාගෙන යාම පදනම් ව නීමාණය වී ඇති සමජ, ආර්ථික හා සංස්කෘතික අවකාශයන්ගේ විරෝධතවයන්ද ප්‍රබල වීමය. ඔවුන් තම සංස්ථාවල මතවාදී හා ක්‍රමවේදවලට අවශ්‍ය යාවත්කාලීනයන් නිර්මාණය කරගන්නවා වෙනුවට පහසු ආවේගශීලී විරෝධතාවයන්ට පිවිසේ. එක දෙසකින් දැනුම යාන්ත්‍රික වීම මෙන්ම ඒවායේ භාවිතාවේ ප්‍රවීන බවත් වෙගයෙන් යාන්ත්‍රික වෙමින් ඇති අතරම අනෙක් දෙසින් පෙර වටිනාකම් මත පැවතීම ඉල්ලා සිටිම වඩාත් මාරාන්තික වෙමින් තිබේ.
– Pubudu Siriwansa

Facebook.com වල ‘Today In’ අංගය…..

Facebook.com පවසන්නේ තමන්ගේ නව අංගයක් ‘Today In’ ලෙසට US වල තොරාගත් නගර 6 කින් අත්හදා බලන්නට කටයුතු ඇරබූ බවයි. ඔවුන් පැහැදිලි කරන්නේ මෙම නව අංගය සමග භාවිතාකරන්නන්ගේ community අතර පහසුවෙන් news සහ information බෙදා හදා ගැනිමට හැකියාව ලැබෙනු ඇති බවයි. පි‍ටුවේ නවම අංගයක් ලෙසට සැලසුම් වන මෙහිදී භාවිතාකරන්නෙකු ගේ geographic area අනූව එම තොරතුරු වල ප්‍රමුකතවය හදුනාගෙන අනෙකුත් භාවිතාකරන්නන් සමග බෙදා හදා ගැනීම ඔස්සේ භාවිතාකරන්නන් වඩාත් තම අවකාශය වෙතට සමීප කරවා ගන්නට කටයුතු කරන බවක් පෙනෙන අතර හුදු මිතුරු මිතුරි ඇසුර ඉක්මවන දෛනික ජීවිතය හා බැ‍ඳෙන විසල් තොරතුරු වපසරියක් ආවරනය කර ගැනීමේ නව සැලසුමක් ලෙසට හදාරන්නන් පෙන්වා දෙනවා.
Pubudu Siriwansa

Posted in Social | Leave a reply

Dr Dharmasena Pathiraja

ලාංකීය සිනමාවේ ප්‍රතිරාජයා අද උදෑසන මිය ගියේ ය. ලාංකීය සිනමාවේ රාජයා  ආචාර්ය ධර්මසේන පතිරාජාම මිස අන් කවරෙකු හෝ නොවේ.  පතිරාජා ගේ ආචාර්ය උපාධිය “ නිදහස් බෙංගාලි සිනමාවේ ජාතිය සහ ආගම අතර දයලෙක්තිකය“ ගැන බෙංගාලි විශිෂ්ඨ සිනමා කරුවන් වූ සත්‍යජිත් රායි, මිර්නාල් සෙන් සහ රික්වික් ඝටක් තිදෙනාගේ සිනමා කෘති අධ්‍යයනයෙන් ලියන ලද නිබන්ධනයට හිමි වූවකි. එය පිරිනැමුවේ ඕස්ට්‍රේලියාවේ මොනෑෂ් විශ්වවිද්‍යාලය මගිනි. ඒ අතින් සලකා බලන කල සිනමාව පිලිබඳ විධිමත් ආයතනික පශ්චාත් අධ්‍යාපනය මගින්ද සිනමාවට සහ රුපවාහිනියට දායාද කළ විශිෂ්ඨ නිර්මාණ මගින්ද ශ්‍රී ලංකාවට සිටි ‘එකම රාජයා‘ ධර්මසේන පතිරාජාම වන්නේ ය. (ලංකා ඊ නිව්ස් – 2018.ජන.28, ප.ව‍‍‍‍‍‍‍‍‍‍.8.10)

Posted in News, Social | Leave a reply

Google ඔබටත් වඩා ඔබ ගැන “දැනුවත්” බවයි.

අන්තර්ජාල යුගයේ සිදුවන පරිවර්ථන අතර ප්‍රමුකතමයක් ලෙසට හඳුනා ගන්නේ “සාම්ප්‍රධායික පෞද්ගලිකත්වය” අවසන් වන යුගයක් ලෙසටය. ඔබට වන ප්‍රධානතම තේරීම් අවස්ථාවන් දෙකකි. අන්තර්ජාල භාවිතාවේ ප්‍රාථමික යුගයේදී මෙන් හුඳු තොරතුරු ලබා ගන්නා එනම් එක් දිසාවකට පමනක් ක්‍රියාත්මක වන අන්තර්ජාල භවිතාකරන්නෙකුලෙසට පමනක් සීමා වීම හෝ අන්තර්ජාල දෙවන යුගයේදී ආරාධනා කරන අන්තර්ක්‍රියා භාවිතාකරන්නෙකුගේ තත්වයට පිවිසීමය. අද වන විට ඔබ වෙළඳපොලෙන් මිළදී ගන්නා ස්මාර්ට් දුරකථනයක් පැමින්නේ දෙවන භාවිතාවට මුල්ස්වභාවයෙන් සූදානම්වය. තව දුරටත් ඔබට Location History වැනි තොරතුරු විමසන app විවෘත කිරීමක් අවශ්‍ය නොවන්නේ බොහෝ ජනංප්‍රිය app භාවිතාවන්වලදී මෙවැනි විවෘතවීම් ස්වංක්‍රීයව සූදානම් නිසාය. හදාරන්නන් පවසන්නේ Google ඔබටත් වඩා ඔබ ගැන “දැනුවත්” බවයි.
Digital Assistant හැකියාව මේ වන විට සියලුම පාහේ මෙහෙයුම් පද්ධති සමග ක්‍රියාත්මකය. මේවාට ඵලදායී සහයක් සපයන්නට නම් ඔබගේ පෞද්ගලිකත්ව තොරතුරු බෙදා හදා ගන්නට සිදුවේ. සරලව පවසන්නේ නම් ඔබ මේ මොහොතේ සිටින ස්ථානය ඔබ සතු දත්ත උපාංගයේ app හරහා එම ආයතනයන්ගේ සර්වර දැනුවත් වන තරමට වඩාත් ආසන්නට සාර්ථක මෙහෙයවීමක් ලබා දෙන්නට ඒවා කටයුතු කරනු ඇත. ප්‍රශ්නය වඩාත් පුළුල්ව සැලකීමේදී පැහැදිලි වන්නේ ඔබ සිටින ස්ථානය, බොහෝ කරන කියන දේවල් පෙර යුගයේදී මෙන් පෞද්ගලිකත්වය ලෙසට නොසලකන ජීවිත එලබෙන පරම්පරා වලින් ක්‍රමයෙන් ප්‍රකට වෙමින් තිබෙන බවයි.
Pubudu Siriwansa

Posted in Digital life styles |

හානිකර Chrome Extensions හතරක් නම් කෙරේ….

ICEBRG ආයතනය පවසනවා තමන් Google Chrome සදහා වන හානිකර browser extensions හතරක් හඳුනාගෙන ඇති බව.  HTTP Request Header, Nyoogle, Stickies සහ Lite Bookmarks ලෙසට නම් කරන මෙම හනිකරයන් හඳුනා ගත් විගස Chrome Web Store වෙතින් ඉවත් කරන්නට කටයුතු කර ඇති මුත් ඒ වන විටත් බාගතකිරීම් 500,000 ද ඉක්මවා තිබූ බවටයි පැහැදිලි කර සිටින්නේ. ඔවුන් වැඩි දුරටත් පැහැදිලි කරන්නේ මේවායේ හැනිකර හැසිරීම් අතර JavaScript injection, browser proxying වැනි කටයුතු දක්නට ලැබෙන බවයි. හදාරන්නන් උපදෙස් දෙන්නේ භාවිතාකරන්නන් අතරින් යමෙක් මෙම හානිකර Chrome extensions තවමත් භාවිතා කරමින් සිටිනවා නම් වහාම තම පරිගණකයෙන් ඒවා අස්ථාපනයට කටයුතු කිරීම වැදගත් බවයි.
Pubudu Siriwansa

Posted in Tech | Leave a reply

එලබෙන්නේ අන්තර්ජල සාමාන්‍ය වේගය 100 Mbps වන යුගයයි.

බ්‍රිතාන්‍ය මූලික BT ආයතනය පවසන්නේ මේ වන විට තමන් 84 Mbps සිට 314 Mbps දක්වා වන fiber internet connection packages සේවාවන් සදහා සූදානම් බවත්, අවම වේගය 100 Mbps ලෙසට සහතික වන්නටත් සූදානම් බවකි. මෙම fibre-to-the-cabinet (FTTC) වලදී 7 WiFi antennas සමග dual-band WiFi, USB 3.0, Wave 2 802.11ac WiFi, සහ 4 ethernet ports ( wired internet connection ) සමන්විතව එන බවටද පවසනවා.
හුඳු පරිගණකයක් සදහා වන දත්ත සබන්දතාවයක සිට IoT වැනි සංකීර්න උපාංග බහුල දත්ත භාවිතාවක් ක්‍රමයෙන් එලබෙමින් ඇති අතර 8K video සහය මොනිටර භාවිතාවද ක්‍රමයෙන් පැමිනෙමින් සිටිනවා සේම වර්චුවල් රියැලිටි අවකශයේදී මෙවන් දත්ත වේගයක් සාමන්‍ය වීම සිදුවනු ඇති අතර භාවිතාකරන්නන්ගේ දෛනික ජීවිතය තුලද දත්ත භාවිතාවන් මත යැපීම වේගයෙන් ඉහලට පැමිනෙමින් තිබෙන බවට හැදෑරීම් වාර්ථා පෙන්නුම් කරමින් සිටිනවා.
Pubudu Siriwansa

Posted in Tech | Leave a reply

Microsoft හි AI වල natural language processing හැකියාව මිනිස් මට්ටමට…

Microsoft පවසන්නේ තමන් මේ වන විට තම digital assistant දියුනු කිරීම වන Cortana සමග ලිපියක් ආශ්‍රිතව විමසීම් වලට පිලිතුරු සැපයීමේදී මිනිස් මට්ටමින් කටයුතු කරන්නට හැකි අකාරයේ දියුනුවක් ලබමින් සිටින බවයි. 2018 “year of AI” ලෙසට නම් කරන්නට කැමති වන ඔවුන් පවසන්නේ Wikipedia articles සමග කල අත්හදා බැලිමේදී මිනිස් නියෝජනය 82.304 ලෙසට තම හැකියාව සටහන් කරද්දී Microsoft වල AI හැකියාව 82.650 ලෙසට ඇගයීම ලබා ගත් බවයි. ඔවුන් පැහැදිලි කරන්නේ එකම කරුනක් සදහා එක් ආකාරයකට වන සටහනක් ගැන වෙනත් ආකාරයට විමසීමේදී ඒබව තේරුම් ගෙන නිවැරදිව පිලිතුරු සපයන්නට හා වඩාත් සංකීර්න ආකාරයේ ගැටලු ලෙසට වන නීති සටහන් නැතිනම් වාහනයක උපදෙස් සටහන් වැනි කරුනු සමගද කටයුතු කරන්නට තම දියුනු කිරීම සමත් වෙමින් සිටින බවයි. මෙසේ වන natural language processing හැකියාවේ පෙර සංස්කරනයක් Bing search engine සමගද මේ වන විට කටයුතු කරමින් සිටින බවටත් පවසා සිටිනවා.
Pubudu Siriwansa

Posted in Tech | Leave a reply
× How can I help you?