Monthly Archives: February 2018

ග්‍රාම නිලධාරී තනතුර හා එහි විකාශය -1

මහාවංශයේ තොරතුරු වලට අනූව විජයාගමනයත් සමගින් මෙරටේ මහවැලි ගඟ ආශ්‍රිතව අර්ය ජනාවාස ඇති විය. මෙම ජනාවාස “ගම” නමින් හැඳින්වූ අතර ගම්ප්‍රධානියා ලෙස සැලකූ අයගේ නමින් එම ගම නම් කරතිබූ බවද පෙනේ. රජුගේ පාලනය ව්‍යාප්තවීමත් සමග රජුයටතේ පැවති ගම්මාන වල ආරක්ෂාව, යුත්තිය පසඳලීම,ආදායම් එකතු කිරීම, පොදු හා අගමික කටයුතු පවත්වාගෙන යෑම මෙන්ම රජුගේ යුධ හමුදාවට අවශ්‍ය භටයන් ලබාදීම ගම්ප්‍රධානියාට පැවරී තිබූ බව පෙනේ. ඒ අනූව “ගම් ප්‍රධානී” තනතුර ඈත ඉතිහාසය දක්වාම පැවති බව කිව හැකිය. පසුකාලීනව “ගමරී” , “දකපති”, “භෝජක්‍යතිකාර”, “පරුමක”, “ගාපිණි”, “ගටික”, ග්‍රාමභෝජක”, “ගාමිණී”, “ගම්ලද්දා”, “ගම්රාල”, “ගමරාල”, “රාල”, “ආරච්චිරාල”, “ආරච්චිල”, “ගම්මුලාදෑනි”, “ග්‍රාමසේවක”, “රාලහාමි”, “ග්‍රාමසේවා නිළධාරී”, “ග්‍රාමනිලධාරී” යන නම් වලින් හැදින්වූයේ මෙම ගම් ප්‍රධානීන්ගේ තනතුරු නාම වේ. කලින් කලට මෙම “ගම් ප්‍රධානී” ගේ බලතල අඩු වැඩි වෙමින් රජුගේ හෝ රජයේ අවශ්‍යතාවන්ට ගැලපෙන ලෙසින් විකාශයට පත්වූ බවද ඓතිහාසික තොරතුරු වලින් සනාත වේ,
— පොතපත ඇසුරිනි.

රජයේ නව අමාත්‍ය මණ්ඩල සංශෝධනය

රජයේ නව අමාත්‍ය මණ්ඩල සංශෝධනය අද (25 ) සිදු කෙරිණි. නව කැබිනට් සංශෝධනය ජනාධිපති මාධ්‍ය ඒකකයේ ට්විටර් (twitter/PMDNews ) අඩවිය වාර්තා කරයි.

අග්‍රාමාත්‍ය රනිල් වික්‍රමසිංහ මහතා වෙත නීතිය හා සාමය අමාත්‍ය ධූරය දී තිබේ.

අමාත්‍ය ලක්ෂ්මන් කිරිඇල්ල මහතා- රාජ්‍ය ව්‍යවසාය හා කඳුරට සංවර්ධන අමාත්‍ය

අමාත්‍ය කබීර් හෂීම් මහතා- උසස් අධ්‍යාපන හා මහාමාර්ග අමාත්‍ය

රාජ්‍ය අමාත්‍ය පියසේන ගමගේ මහතා- තරුණ කටයුතු හා දක්ෂිණ සංවර්ධන රාජ්‍ය අමාත්‍ය

අමාත්‍ය රවින්ද්‍ර සමරවික්‍රම මහතා -වනජීවී හ තිරසර සංවර්ධන අමාත්‍ය

අමාත්‍ය හරීන් ප්‍රනාන්දු මහතා – ඩිජිටල් යටිතල පහසුකම් හා විදේශ රැකියා අමාත්‍ය

අමාත්‍ය සාගල රත්නායක මහතා – තරුණ කටයුතු හා දක්ෂිණ සංවර්ධන අමාත්‍ය

නියෝජ්‍ය අමාත්‍ය අජිත් පී පෙරේරා මහතා- බන්ධනාගාර හා පුනරුත්ථාපන රාජ්‍ය අමාත්‍ය

පාර්ලිමේන්තු මන්ත්‍රී ජේ සී. අලවතුවල මහතා – ස්වදේශ කටයුතු නියෝජ්‍ය අමාත්‍ය

නියෝජ්‍ය අමාත්‍ය ආචාර්ය හර්ෂ ද සිල්වා මහතා- ජාතික ප්‍රතිපත්ති හා ආර්ථික කටයුතු රාජ්‍ය අමාත්‍ය ලෙස පත්වීම් සිදු කර තිබේ

එක්සත් ජනතා නිදහස් සන්ධානයේ පාර්ශවයේ සිදුවන ඇමැති සංශෝධන සති දෙකකින් සිදුකරන බව පැවසේ.

රත්නපුර පදවිය හා දේව ජනතාව

රත්නපුර පදවිය ලංකාවේ මෙතෙක් ඉදිවී ඇති කොළඹ, හලාවත, යාපනය, මන්නාරම, අනුරාධපුරය, මඩකලපුව, අනුරාධපුර, ත්‍රිකුනමලය, ගාල්ල, මහනුවර, බදුල්ල, කුරුනෑගල ආදී සියලුම පදවි වලට වඩා වැඉ ජාතික ඓතිහාසික, ස්වභාවික, සංස්කෘතික ස්ථාන වලින් සමන්විතය. රත්නපුරය ප්‍රදේශයේ මීට වසර 25000 කට වැඩි කාලයට පෙර පටන් මනුෂ්‍ය වාසය පැවති බැව් සනාථ වේ. ක්‍රි.පූ. 25000 පමන පැරනි පොසීල යුගය හා ඉන් පසුව ඇතිව ප්‍රාග් ඓතිහාසික යුගයේ සිට නූතන යුගය දක්වා සම්බන්දතවයක් තිබේ. රත්නපුර ඇලෝසියුස් විදුහල 1880 ආරම්භ කරන ලදී එවකට රත්නපුර මීසමේ සිටියේ පියරි බෝලින් පියතුමාය. පැල්මඩුල්ල, රජමහා විහාරය පෙරදිග භාෂා පඬිවරුන් බිහිකල අධ්‍යාපන පීඨයකි. ශ්‍රී විජයරාජසිංහ රජතුමාගේ (ක්‍රි.ව. 1739-1747) රාජ්‍ය අනුග්‍රහය ලැබී කුළුනු 16ක් මත ඉදිකර ඇති ටැම්පිට විහාරය අවුරුදු 400 කට වඩා පැරනිය. පන්සලේ බිතුසිතුවම් වල ඇති අටවිසි බුද්ධරූප බෞද්ධ සිද්ධීන් චිත්‍රගත කර ඇත. කන්‍යාමරියතුමීගේ රූපය හා ක්‍රිස්තු චරිතයේ ඇතැම් සිද්ධීන් බෞද්ධ විහාරයක දැකගත හැකි දුර්ලභ වටිනාකමක් එහි ඇත.
– පොත පතින් උපුටා ගන්නා ලදී.

රට අසරණ වීම….

රටක පලනය රජෙකුගෙන් රජයකට මාරුවීම ප්‍රායෝගික කියවීමකදී වසඟයෙන් තර්කයට මරුවීම ලෙසට වටහා ගත හැක. මෙවන් පරිවර්ථනයකින් අනතුරුව තව දුරටත් පුරවැසියෙකුට පෙරදී මෙන් වඩාත් වසඟකරවන ආමන්ත්‍රනයේ සිට සංකේතීය ගරුබුහුමන් දක්වා අවකාශය අනවශ්‍ය වීම පෙර කී පරිවර්ථනයේ සාර්ථක බව පෙන්වන්නකි. ගරුකල මුත් එය වසඟය දක්වා දිගුවීම නව ප්‍රසූතිය පෙකිනි වැල ද සමග ජීවත් වන්නට උත්සාහ කිරීම වැන්නකි. යටත්විජිතකරනයේ සංස්කරනයෙන් පසුව සමහර රටවල් නව සංස්කරනය සමග සිටින්නද, තව ත් රටවල් වැඩි පැවැත්මේ කොටසක් ලෙසට පෙර සංස්කරනයට ආපසු යන්නටත් සමත් වූ අතර අප අසමබර ද්වීකරනයක සිරකරුවන් ව සිටින බව පැහැදිලිය, භෞතිකව අපගේ මංමාවත් වලින් බරකරත්තය ඉවත්කර දියුනු නවීන වාහන වලට යාමට හැකි වුවද මානසික තලයේදී දියුනු නව සම්ප්‍රධායන් වෙතට සාර්ථකව පිවිසෙන්නට හෝ සෙසු නවීන වටපීටාව හා සැසදෙන විකල්ප නිර්මාණය කරගන්නට අසමත්ව සිටිමු. රටවැසියාගේ සිට රටේ නායකත්ව්ය දක්වාම මේ අර්බුදයෙන් පීඩවට පත්ව සිටීම අප පැහැදිලි කරගත යුතු කාරනාවකි.
– Pubudu Siriwansa

අප ජාතිය ආගම වැනි සංකල්ප සමහර තැන්වලදී ඉක්මවා යා යුත්තේ.. -දත්ත මිනිසා-

ප්‍රධාන මාවතේ දෙපසට විහිදෙන අතුරු මාවත් වැටී තිබුනේ තැනින් තැන පිහිටි විශාල තුරු ගොමු සෙවනේ ඉදිකොට තිබූ දැවමය කවාකාර මේසයන් හා ඒවායෙන්ම නිමකර තිබූ අසුන් වෙතටය.ආගිය තොරතුරු වලින් පිරුනු උනුසුන් හදුනා ගැනීම් වලින් යුත් අඩ හොරාවක් පමන ගතව යන්නට ඇත.මේ වන විට විවිධ ජාතීන් අතර අගන්තුකයන් හමුවකදී පවා පෙර කල මෙන් මුල්ම හමුවකදී වුවත් මහත් අපහසුවක් දැනෙන ආගන්තුක බවකින් තොර වූවාය. ලොකය මත මීට පෙර යුගයේ මහත් වලංගුව පැවති දුර හා කාලය පිලිබද සීමාවන් ටීටාවට පෙර පරම්පරාව සාර්තක ලෙස අවසන්කර තිබිනි. ලොව අන්කෙරවලේ සිටි අයෙකු පවා සජීවීව ත්‍රිමානව තමන් ලගට කැදවාගන්නට අවශ්‍ය වූවේ සරල හා සුලු වටිනා කමක් ඇති තාක්ශනයක් පමන වීම සාමාන්‍ය දෙයක් විය.කොටින්ම දරුවෙකු තම පෙර පාසැල් වියේදීම තමන් මූලිකව ලෝක පුර වැසියෙකු බවත් දෙවනුව තෙවනුව රට ජාතිය වැනි සංකල්ප වැදගත්වන බවත් තේරුම් ගන්නට අවශ්‍ය පරිසරය නිර්මානයවී තිබිනි.
ඉන්දියානු මිතුරිය තම වසර දස දහසක් පැරනි අතීත උරුමයේ වූ වටිනාකම් ලෝක ප්‍රවනතා සමග ගලපා ගනිමින් වර්ථාමානයට ගැලපෙන ලෙසට සාර්ථකව නිර්මානය කරගෙන ඇති අයුරු විස්තර කලාය.විවිධ වූ ආගමික සම්ප්‍රදයාන් පසු පස තිබූ සර්ව මිනිස් සත්‍යයන් හොදින් හදුනා ගමින් විද්‍යත්මක මානයන්ගෙන් යලිත් මැන බලමින් සාම්ප්‍රධායික ඉන්දියානුවා සාර්තක පෘතුවි වැසියෙකු ලෙසට දියුනු වූ ආකාරය පැහැදිලි කරන විට ඉතිරි අප සියල්ලෝ දැහැනකට සමවැදී මෙන් සවන්දෙනට වූවාය . රුසියානු තරුනිය අපූරු වදන් පෙලකින් තම මතය හකුලවා දැක්වූවාය. අප ජාතිය ආගම වැනි සංකල්ප සමහර තැන්වලදී ඉක්මවා යා යුත්තේ තම සමාජය තුල තවත් අතරමං වන්නට නොව වඩාත් යහපත් දියුනු භාවිතාවන් ජීවිතය තුලට කැදවා ගැනීම සදහයි. පාසැලේ දැන්වීම් පුවරුවක සටහන් කර තිබූ පාථයක් ඇය මෙලෙස පැවසුවාය.ලෝක පුරවැසියෙකු වන්නට ඔබ සූදානම් විය යුතුය.වසර දසදහසක් පුරා එකම තලය වූ මිනිස් වර්ගයා එකි නෙකා ගෙන් වෙන් කරන්නට සමත්වූ මහත් බාදකයන්වූ, පසුකරන්නට මහත් කාලයක් ගත වන විශාල සාගර බිහිසුනු කදුහෙල් තවදුරටත් අප එකි නෙකාට බාදා කරන යථාර්තයන් නොවේ…….
– Pubudu Siriwansa
Wednesday, July 04, 2012

නිර්මාණය වෙමින් ඇති දත්ත මිනිසා……..

එය හුදු භෞතික උපාංග මතට සිරවී සිටි කාලය අවසන්වීමට සැරසෙන බව වින්8 මතින් කියවෙන වැදගත්ම කාරනය සේ සැලකිය හැකිය.අනිත් අතින් උපාංග විවිධත්වය විසින් ගෙන එනු ලැබ තිබූ සීමා පවුරු අතාර්කික කරන්නට සූදානම් විය යුතු බව පවසමින් සිටී. ලත් සැහැල්ලුව පොදුබව මතින් දත්ත අවකාශය වලාකුලක්ව නිදහස්ව ඇත.තවත් අතකින් සලකන විට භාවිතා කරන උපාංගයේ අන්‍යතාවය භාවිතාකරන්නාගේ අනන්‍යතාවය බවට පත්ව භාවිතාකරන්නා නිදහස් කොට දමා ඇත.
මෙය තොරතුරු අවකාශයේ නව යුගයක සමාරම්භය ලෙසින් බොහෝ විද්වතුන් සටහන් කරමින් සිටී. තොරතුරු අවකාශය මිනිසාගේ තවත් මූලික අවශ්‍යතාවයක් බව පිලිගැනීමට සිදුවන වටපිටාව සැකසෙමින් ඇත. සරල උපකරනයක් සමග තම අනන්‍යතාවය ‍රැගෙන වීදියට පිවිසෙන මිනිසා ගේ දත්ත සබැදියාව පසුකරමින් යන පහන් කනුවක්, වෙළද ප්‍රදර්ශනාගාරයක ආවරන වීදුරු මුහුනතක්, පොදු වාහනයක ඉදිරි අසුනේ පසු මුහුනත හෝ පැති වීදුරුවක් මත සැගවෙන දත්ත සැබදියාවන් ඔස්සේ ඔහුව ලුහු බැද එන යුගය අරබෙමින් ඇත.ප්‍රායෝගික ගැටලු කිහිපයක්ම ‍රැගෙන එමින් සිටින ආර්ථික සංකේතයන් වූ මුදල් නෝට්‍ටු හෝ වේවා , දිනෙන් දින ව්‍යසන මුහුනුවර කිහිපයක් සමග පෘතුවිය ලුහුබැද එන කඩදාසි භාවිතය වේවා , බල ශක්ති අරබුදයේ ප්‍රධාන භූමිකාවක වී සිටින කාර්යාල අධ්‍යාපනික වැනි ආයතන විසින් ඉල්ලා සිටින විශාල පිරිස් එකට ‍රැස් වියයුතු බවේ කොන්දේසි වෙවා, සියල්ල දත්ත වලාකුලක් බවට ඌනනයවී යාම තුලින් සමාජ උපාංග බහුතරයකටම නව සංස්කරනයක් ‍රැගන එන්නට එය පොරොන්දු වෙමින් ඇත.
– Pubudu Siriwansa
Tuesday, March 13, 2012

අප යුග අන්තරයක් පසුකරමින් සිටින්නෝ වෙමු

එය මදක් වෙහෙසකාරී කාරනාවක් බව සැබෑමුත් කාලය හා දුර සංකල්පයන් තීරනාත්මක නොවන සාධකයක් ලෙස ගනන් ගැනෙන මීලග මිනිස් යුගයේ පෙර ගමන් කරුවන් වීමේ වාසනාව ලද්දෝ වෙමු. ලෝක ව්‍යාප්ත ජාලය මෙම ක්‍රියාවලිය දෙයක් ලෙස හදුනා ගත්විට දී ඇති නාමයවේ. මීට වසර 25කට පමන පෙර “.කොම්” ලෙස ලෝකයේ ප්‍රතම පෞද්ගලික ආයතන අන්තර්ජාලය තුල ස්ථාන ගත වන විට නොසිතූ තරමේ සාර්ථකතවයක් අද වනවිට අත්පත් කරගෙන ඇත. අදවන විට ඩොමේනයන් මිලියන 200 කට වඩා අන්තර්ජාලයතුල ස්ථානගත වීමෙන්ම එය සනාතවේ.
අන්තර්ජාලය සංනිවේදනය උඩු යටිකුරු කර ඇත. පුවත් ප්‍රචාරනය , වෙළද කටයුතු, තම සාම්ප්‍රධායික සීමා ඉක්මවා යන්නේ හදිසියේම ත‍ටු ලැබුනාක් මෙනි. පැරනි සම්ප්‍රධායික පුවත් ගලන වේගය මත තම ස්ථාවරයන් සකසාගෙන සිටි බොහෝ නායකයින් තම පරම හතුරා ලෙස අන්තර්ජාලය දෙස බලන්නට පුරුදු වී ඇත්තේ මේ නිසා විය යුතුය. පසුගිය කාලයතුල ලොව විවිධ දෙසින් වාර්ථා වූ සමාජ සෙලවීම් වලදී සමාජ ජාලා ප්‍රමුඛ භූමිකාවක් නිරූපනය වනු දැකිය හැකි විය.
– Pubudu Siriwansa

ඔහු විද්‍යාව කලාව හා තාක්ශනය එකට මුසුකොට…

බොහෝ අයවලුන්ට වසර 5600 කාලයක් ලැබුනද කරන්නට තබා සිතන්නටත් නොහැකි තරමේ සොදුරු දායාදයන් කිහිපයක්ම ලෝකයට උරුමකල ඔහු වසර 56ක කෙටි ජීවන සංචාරය පසුගියදාක අවසන් කලාය. ඇපල් ආයතනයේ නිර්මාතෘතුමන් හට තම ගෞරවය පලකරමින් ලොව සිවු දෙසින් ඩිජිටල් පනිවිඩ මිලියනයකට වඩා තමන් වෙත ලැබී ඇති බවටයි ආයතනය පවසන්නේ. සියලුම ඇපල් හා සම්බන්දිත ආයතන පසුගියදා පැය කිහිපයකට වසා දමමින් එවායේ සියලුම සේවකයින්ට එතුමන්හට ගෞරවකරන්නට අවස්තාව සැලසූ බවටත් පුවත් පලවෙනවා. එතුමන්ගේ ජීවිත කාර්ය අගයමින් එන් අයෙක් යොමුකර තිබූ පනිවිඩයකින් කියවුනේ, ” ඔහු විද්‍යාව කලාව හා තාක්ශනය එකට මුසුකොට නිශ්පාදනයක් බවට පත්කලාය.එය සජීවි අංගයක් බවට පත්කර අපගේ එදිනෙදා ජීවිතවලට එකතුකලාය…” වැනි තේරුමකි.
– Pubudu Siriwansa

පෘතුවිය මත ශිෂ්ඨ මිනිස් ඉතිහාසයේ කවරදාවත් අත්නොවිදි තරමේ නිදහස් නිර්මානශීලී මිනිසා…

සමහර විට අතීත්යේ නම් මෙම කාරනාව අදාලවන්නට ඇත්තේ ජීව විද්‍යාවට වන්නට ඇත. තව දුරටත් මිනිස් ජාන තාක්ශනය ඔස්සේ දක්ශ යැයි සම්මත වූ මිනිසුන්ගේ පිටපත් සොයා යාමේ ගමන අඩාලවන්නට බීටා පරිගනක පද්ධතියේ සපැමිනීම තීරනාත්මකම කාරනාව විය.දත්ත මිනිස් තාක්ශනය ඔස්සේ වසරක පුහුනු කාලයක අවසානයේ ලෝකය පවත්වාගෙන යාමේ ව්‍යුහයට අවැසි තනතුරුවලට අදාල බුද්ධි රටා වලින් සමන්විත දත්ත මිනිසුන්ව නිර්මානය කරගන්නට හැකිවිය. මුලදී නිර්මාපකයින් එරෙහි වුවද මිනිස් ස්වභාවයන්වූ නිදිමත කම්මැලිකම වැනි මිනිස් ස්වභාවයන් හට පසුකාලීනව එකගවූවේ මිනිස් විවිධත්වය විචිත්‍ර ශිෂ්ථාචාර නිර්මානය වීමේ පදනම බව වටහා ගැනීමත් සමගය. ලෝකය පුරා ස්ථාන පහක පමන පිහිටා ඇති විසල් දත්ත ගබඩා වල මෙම මිනිස් දත්ත පිටපත් තැන්පත් කර තැබුවේ එහි හිමිකරුගේ සම්පූර්න නෛතික හා සදාචාරත්මක අයිතියට යටත්වය.ලෝකයේම මිනිස්ශ්‍රම අවශ්‍යතාවෙන් අතිමහත් ප්‍රතිශතයක්ම ස්වංක්‍රීය උපකරන වලට භාරවීමත් සමග පෘතුවිය මත ශිෂ්ඨ මිනිස් ඉතිහාසයේ කවරදාවත් අත්නොවිදි තරමේ නිදහස් නිර්මානශීලී මිනිසා බිහිවිය.
– Pubudu Siriwansa

ජීවිත ඩිජිටල් කරනය………

පුරුදු අත්හැරීම යනු සරල කාරනාවක් නොවන බව පැහැදිලිය. එනමුත් බොහෝ පිරිස් අදවන විට සරල හා පහසුවෙන් කරගත හැකි බොහෝ කාරනා සදහා සුපුරුදු අපහසු පරන මවත ඔස්සේම යමින් තම කාලයත් ශක්තියත් වැයකරගන්නා ආකාරය දකින විට සමහර තවකෙකුට අපහසුතාවයක් ඇතිනොවන්නේම නොවේ.ඔබ සතුව පරිගණකයක් ඇත්නම් එය භාවිතයෙන් ජීවිතයට ලංකරගත හැකි පහසුකම් කිහිපයක් ගැන සලකා බලන්නට අප උත්සාහකරමු යැයි මම ඔබට ආරාධනා කරනු කැමැත්තෙමි.
ඩිජිටල්කරනය ඔබේ ජීවිතයට බොහෝ පහසුකම් ‍රැගෙන එන්නට සූදානම්ව සිටී. සරල උදාහරනයකින් මෙසේ අරබමු. ඡායාරූප ගත කරන ලද අතීත මතක සටහන් සමග නැවත අතීතය වෙත පියනැගීම කාලයකට වතාවක් හෝ බොහෝ දෙනෙකුගේ පුරුද්දකි. වඩාත් රසවත්ව හා පහසුවෙන් එවැනි අතීත මතකයක කිමිදෙන්නට ඔබේ පරිගනකය සුදානමින් සිටී. ස්කෑනරයක් සමගින් ඔබේ ඡායාරූපවල මෘදු පිටපත් පරිගනකයට ගත හැක. මයික්‍රොසොෆ්ට් වෙබ් අඩවියෙන් නොමිලේම බාගතකල හැකි කුඩා මෘදුකාංගයක් වන “මූවි මේකර්” මගින් ඔබකැමති පිලිවලකට මෙම ඡායාරූප පෙල ගස්වාගැනීම සදහා සරල පරිගණක භාවිත දැනුම සෑහෙන බව ඔබටම මද උත්සාහයක් තුලින් වැටහෙනු ඇත. එම අතීත සිදුවීමට ගැලපෙන නාද රටාවක්ද එක්කිරීමෙන් අපූරු චලන රූ පටයක් නිර්මානය කරගැනීමෙන් වැඩි වින්දනයක් ඔබවෙත ලගා කර ගන්නට හැකිවනු ඇත.එසේම “ලයිව් පොටෝ ගැලරි” තුලින්ද ඔබට කැමති අයුරකින් මෙවා පෙලගස්වා ගත හැක.සීඩී හෝ ඩීවීඩී තැටියකට මෙම සැමරුම් පිටපත් කර ගැනීමෙන් රූපවාහිනී යන්ත්‍රයෙන් පසසුවෙන් පවුලේ සියල්ලන්ටම එකවර රසවිදින්නට අවස්තාව උදා වෙනු ඇත.
සමහරුන් සති අන්ත පුවත් මිලදී ගන්නේම එලබෙන සතියේ රූපවාහිනි වැඩසටහන් පෙල ලබා ගැනීම සදහාය. එනමුත් සැම රූපවාහිනී නාලිකාවකම වෙබ් අඩවි වලට පිවිසීමෙන් පහසුවෙන් වැඩසටහන් පෙල ගැස්ම ලබා ගත හැකිවා මෙන්ම හදිස්සියේ සිදුවන සංශෝදනයන්ද සහිතව ඒවා ලබා ගත හැකිවනු ඇත. කලකට වතාවක් නිවසේ භාවිතාකරන උපකරන වෙනස් කරන්නෙක් නම් ඒවායි අමතර ලාභයක් ලබා ගන්නට පුවත්පත් වලට දැන්වීම් සකසමින් හා භාරදෙමින් වෙහෙසනවා වෙනුවට අන්තර්ජාලයට පිවිස ලුහුඬු දැන්වීම් නොමිලේ පලකරන වෙබ් අඩවියක පහසුවෙන් ඇතුලත් කල හැකිය.සමහර විටක ඔබ වැරදි තීරනයක ඉන්නවා විය හැක. එනම් ඔබ සිතනවාට වඩා පිරිසක් මේ වනවිටත් අන්තර්ජාලය භාවිතා කරනවා සේම දෛනිකව විශාල පිරිසක් අන්තර්ජාල භාවිතයට පිවිසෙමින් සිටින සිටින බවයි ඒ. දුර බැහැර සිටින හිතවතෙකුට දුරකතන ඇමතුමක් ඔස්සේ ලගාවෙන්නට ඔබ වැයකරන ඉතිරිකර දෙන්නට “ස්කයිප්” හෝ “වින්ඩෝස් ලයිව්” ඔබට උපකාරී වනු ඇත.
– Pubudu Siriwansa