Back to Top

Yearly Archives: 2022

Lenagala Rajamaha Viharaya

අනුරාධපුර මුල් යුගයට අදාලව ඉතිහාස ගතව ඇති වට්ටගාමිණි අභය නැතිනම් වලගම්බාහු රජතුමන්ට ((89-77 BC) සම්බන්දිතව ලියවෙන සීතාවක රාජධානියට අසන්නව පිහිටන අදවන විට පුදබිමක් ලෙසට ගරුබුහුමන් ලබන ස්ථානයකි දැදිගම ලෙනගල රජමහා විහාරය (Lenagala Rajamaha Viharaya in Dedigama). විශාල බ්‍රහමී අක්ෂර 47කින් සමන්විත පලමු අක්ෂර පෙලත් මෙන්ම දෙවන අක්ෂර පෙලකින් සමන්විත සටහනක් මෙම විශාල ගල් ලෙණෙහි ඉහලින් කොටා ඇති අතර මේවා අගල් 7 උස මෙන්ම අගලක් ගැබුරට වන සේ කොටා ඇති බව හදාරන්නන් පෙන්වා දේ. එසේම ඔවුන් පෙන්වා දෙන්නේ මෙම ස්ථානය අවසන් වරට උඩරට රජ දවස විසූ ප්‍රකට Satara Korale Lewke Dissawe විසින් ප්‍රථිසංස්කරනය කරවන ලද බවයි.

Google ලාගේ Privacy Sandbox project එක app අවකාශය වෙතටත්.

Google ආයතනය මීට පෙර පවසා සිටියේ තමන් Chrome browser ඔස්සේ භාවිතාකරන්නන්ගේ දත්ත ‍රැස් කිරීම සදහා වඩා මධ්‍යස්ථ ස්ථාවරයකට යන්නට සැලසුම් කරන බවකි. Privacy Sandbox project යටතේ කල මෙම ප්‍රකාශයට අනූව භාවිතාකරන්නන්ගේ පෞද්ගලිකත්වයට අවම හානියක් වෙමින් වෙළඳ දැන්වීම් සදහා අවශ්‍ය දත්ත පරිසරය ඔවුන් නිර්මාණය කරන්නට කටයුතු කරන බව පැවසුනි. ඔවුන්ගේ ප්‍රධාන තරගකරුවා වන Apple ද පසුගියදා පවසා සිටියේ තම app developers විසින් ඒවා භාවිතාකරන්නන් tracking වලට පෙර අදාල permission ලබා ගත යුතු බවකි. මේ වන විට Google ද පවසන්නේ පෙර කී තම බ්‍රවුසර සදහා ගත් භාවිතාකරන්නන්ගේ දත්ත සමග කටයුතු කල යුතු ප්‍රමිතීන් තම Apps සදහාද ගෙනෙන්නට තමන් තීර්නය කර ඇති බවක් වන අතර හදාරන්නන් පෙන්වා දෙන්නේ Meta වැනි ආයතනයන් සලිත කරවන්නට මෙම තීර්ණ බලපාමින් ඇති බවකි.
දැනට සැලසුම්ව ඇති ආකාරය අනූව 2023 වන විට browsing history වැනි දත්ත ඉලක්කවන Third-party cookies වැනි භාවිතාවන් සම්පූර්නයෙන් භාවිතයෙන් ඉවත්කරන්නට Google සුදානම් වෙමින් සිටින අතර දැනට පවතින ads privacy වලින් ඔබ්බට ගොස් නව ප්‍රමිතීන් මත කටයුතු කරන්නට සූදානම් වෙමින් සිටිනවා.
Pubudu Siriwansa

Posted in Google | Tagged , |

Google Maps ඔස්සේ Location Sharing කිරීම.

සංකීර්න හා කාර්යබහුල ලෝකය තුල තම සගයෙකුගේ live location එක පහසුවෙන් හුවමාරු කර ගන්නට හැකි වීම ඉතා වැදගත්ය. එසේම යමෙකුගේ අවසරයකින් තොරව Tracking කිරීමද සදාචාර සම්පන්න නොවන කාරනාවක් පමනක් නොව නීතිවීරෝධී දෙයක්ද විය හැක. පහත දැක්වෙන්නේ පහත දැක්වෙන්නේ යමෙකු සමග iPhone / iPad භාවිතාවකන් හා Google Maps සහයෙන් Google Maps location එක බෙදා හදා ගැනිමට ගත යුතු සරල පියවරවල් කිහිපයයි. මෙම ක්‍රියවලිය සදහා පලමුව ඔබ සහ අදාල share කිරීමට බලපොරොත්තු වන අයගේ Google accounts ගූගල් Contacts යටතේ එකි නෙක යාවී තිබීම වැදගත් වේ. අනතුරුව ඔබගේ device එකේ Google Maps විවෘත කර profile picture හරහා Location Sharing තොරා ගැනීමට සිදුවනවා. අනතුරුව Add People ඔස්සේ අදාල අය හෝ අයවලුන් සමග your location කිරීමට බලා පොරොත්තු වන වෙලාව ‍තෝරා ගැනීම හා ඒ අදාල අය හෝ අය වලුන් තොරා ගන්නට කටයුතු කල යුතුයි. අවසානයේ permission ලබා දීමකින් එම ක්‍රියාවලිය අරබන්නට ඔබට හැකි වනු ඇත. යම් හෙයකින් Google account නොමැති අයැක් සදහා නම් ඉහතදී හමුවන Add People ඔස්සේ location link එක iMessage හෝ වෙනත් app එකක් ඔස්සේ බෙදා හදාගන්නට හැකිවනු ඇත. Android සදහාද ඉහත ක්‍රියාවලිය වලංගුවේ.
Pubudu Siriwansa

යුද්ධය හා තාක්ෂණය

යුද්ධය සුන්දර අත්දැකීමක් නොවන බව පැහැදිලිය. කොතැනක කිනම් හේතුවක් මත වුවද එකිනෙකා විනාශකර ගැනීම සමස්ථ මිනිස් කථාන්දරයටම කරන අවමානයකි. තත්වය එසේ වුවද විටින් ටිට තවමත් තැනින් තැන ගැ‍ටුම් ඇතිවීම සිදුවේ. මෑතකාලීන අර්බුධයදක් කෙමෙන් මෝරමින් තිබේ. අද වන විට ඔනෑම ගැටළුවක තීරනාත්මක සාධකයක් නොවන්නට තොරතුරු තාක්ෂණයට තව දුරටත් නොහැකිය. එය එතරම් ජීවිත මට්ටමේ සිට රාජ්‍ය අර්ථ දක්වාම පැතිර සිටී. මේ නිසාම Russian / Ukraine ගැටළුවේදීද නෙක ආකාරයෙන් එය මැදිහත් වන ආකාරය වාර්ථා වෙමින් ඇත. විටක සමහ සේවා ආයතනයන් තම සේවාවන් අඩ්ගාල රටවලට නතරකර දමන බව නිවේදනය කරන්නේ එම සේවා ඔස්සේ තව කෙකුගේ ඉලක්ක පැහැදිලි කරගැනීම සදහා සහය වන නිසාය. තවත් විටක සමහර සේවාවන් නතර කරන බවට නිවේදනය කරන්නේ අනෙකාට එරෙහිව වැරදි මත පතුරන්නට ඒවා භාවිතාකරන නිසා වෙනි. කෙසේ වෙතත් වැදගත්ම සත්‍යයයක් හෙලි වෙමින් ඇත. එලබෙන යුගයේ මිනිස් ගැටළු ඔවුන්ගේ තොරතුරු තාක්ෂණ භාවිතාවන් වෙතට තීරනාත්මක ලෙසටම ඌනනය වෙමින් තිබෙන බවය. අන්තර්ජාලයේ සිට චන්ද්‍රිකාව දක්වා නෙක තාක්ෂණයන් විටින් විට මාතෘකා වෙමින් මිනිස් වර්ගයාට දෙමින් සිටින පණිවිඬය නම් වසර සිය දහසකට පෙර මෙන් එකිනෙකා අතර ගැ‍ටුම කුඩා ප්‍රදේශයකට සීමාවන කුඩා පිරිසකට සීමාවන තීරනාත්මක කාරනාවකට වඩා විටක සමස්ථ මානව වර්ගයාටම බලපාන ක්ෂණික මෙන්ම තීරනාත්මක එකක් වීම දිනෙන් දින පැහැදිලි වෙමින් ඇති බවය. එපමනක් නොව ප්‍රාථමික මිනිසා මෙන් නොව බලසම්පන්න මිනිසා ගැටළු විසදා ගැනීමේදී සිහිබුද්ධියට මීටවඩා ඉඩ දීම වැදගත් වනු ඇති බවය.
Pubudu Siriwansa

Samsung වෙතින් නව monitors තුනක් …

Samsung ආයතනය CES 2022 සදහා තම නිපැයුම් ලෙසට නව monitors 3 ක් පිලිබඳව මේ වන විට නිවේදනය කර තිබෙනවා. ඒවා නම් Odyssey Neo G8, Smart Monitor M8, සහ High Resolution Monitor S8 ලෙසන නම් වන අතර අවසාන මොඩලය 27” හා 32” ලෙසට පැමිනෙන බව පවසා සිටිනවා.
Odyssey Neo G8 පිලිබඳව පැහැදිලි කෙරෙන්නේ 32” 1000R curved display / 4K resolution (3,840 x 2,160) ලෙසට වන අතර Smart Monitor M8 පිලිබඳව පැහැදිලි කෙරෙන්නේ 32” display / ultra-slim thickness of 11.4 mm. ලෙසටයි. මෙම උපාංග පරිගණක සමග භාවිතාවකරවා සේම සංයුත්තව පැමිනෙන Smart TV හා productivity apps භාවිතාව මෙන්ම movable magnetic SlimFit Cam සමග VoIP භාවිතාවටද සූදානම් බව කියවෙනවා.
අවසානයේ Samsung High Resolution Monitor S8 ගැන පැවසෙන්නේ creators හා designers ලා ඉලක්ක වන එකක් බවයි. කාර්යාල පරිසරයකට වඩාත් උචිත මෙය ලොව පලමු Underwriter Laboratories-verified Glare Free monitor එකක් ලෙසට නම් වන අතර පරිසරයට වඩා උචිත කරගත හැකි නම්‍යතා රාශියක් මෙම මොඩලය සමග වන බවට ප්‍රකාශ වනවා.
Pubudu Siriwansa

පසු කොරෝනා යුගය …

පසු කොරෝනා යුගය කෙබඳු වේවිද? ක්‍රමයෙන් මතවාදී කරලිය ආක්‍රමනය කරමින් ඇති නවතම සංවාදයව ඇත. පොඳුවේ ගත් කල පෙර කොරෝනා සමයේදී ලොව තුල භාවිතාවූ ජීවිත ආකෘති නැවත හමු නොවන ලෙසට වෙනස්කම් වලට භාජනය වී හමාර බව එම හදාරන්නන්ගේ මතය වෙමින් තිබේ. “සමහර සාම්ප්‍රධායික සංස්කෘතික අර්ථ මේ වන විට ජීවිත භාවිතාවලින් ගිලිහී ගොස් ඇති ආකාරය හරිම පුදුම සහගතයි. ඒත් ඒක එහෙම වෙලා තියෙනවා”. ඔවුන් තත්වය පැහැදිලි කරමින් සිටිනවා. “ඒක පුද්ගල්ක අර්ථ වල සිට සමස්ථ රාජ්‍ය අර්ථ දක්වාම විනිද යනවා දකින්නට පුලුවන්” ඔවුන් වැඩි දුරටත් පැහැදිලි කරනවා. තවමත් හෙට දවස ගැන විස්වාසනීය අර්ථයකට යන්න කාලය ඉක්මන් වැඩියි. කිසියම් උකටලි බවක් එක්ක කාරනා වෙනස් වෙමින් තිබෙනවා. ඔවුන් විචාරන මනස එලස් විවෘතව තබන්නට උත්සාහ කරමින් සිටිනවා.
Pubudu Siriwansa

2021 දී TikTok පලමු වෙබ් අඩවිය වේ.

Cloudflare පසුගියදා පවසා සිටියේ තම වාර්ථා අනූව 2021 වසර සදහා වඩාත් භාවිතාවක් ගන්නා ඩොමේනය වන්නේ TikTok බවයි. TikTok යනු video ඉලක්කගත social media වෙබ් අඩවියක් වන අතර එය Chinese company යක් වන ByteDance යටතේ ක්‍රියාත්මක වන්නකි. මෙම ඉහලට පැමිනීම ඔවුන් වාර්ථාකරන්නේ February 17, 2021 දින දවසේ බහුල භාවිතාව වූ මෙම අඩවිය මාර්තු මැයි වන විට ක්‍රමයෙන් ස්ථාවර වූ බවත් Aug. 10 වාන් විට යලිත් පෙන්වූ ඉහල ප්‍රවනතාවය October , November වන විට ස්ථාවරම වූ බවයි. එම නව පෙල ගැස්ම තුල Facebook දෙවන ස්ථානයේ සිට තුන්වන ස්ථානයටත් Microsoft හතර වැනි තැනටත් Apple පස්වන තැනටත් පත් මෙන්ම පිලිවලින් Amazon හා Netflix මීලග ස්ථානයන්ටත් පත්ව සිටින බව ප්‍රකාශ වනවා. එසේම 2021 වසරේ ජනංප්‍රියතම වෙබ් අඩවි පෙලෙහි YouTube අට වන තැනටත් Twitte අඩවිය නමවන තැනටත් WhatsApp දසවන තැනටත් පත්වන අතර Instagram අඩවිය Top 10 අතරින් ගිලිහ තිබෙන බවටයි පැවසෙන්නේ. කෙසේ වෙතත් Cloudfare ට අනූව තවමත් TikTok වැඩිම traffic එකක් ලැබුවද ලොව වැඩිම භාවිතාකරන්නන් සිටින වෙබ් අඩවිය වන්නේ Facebook වන බවයි.
Pubudu Siriwansa

Posted in Social Networks, web site | Tagged |

Hybrid workplace

කොරෝනාව විසින් සංශෝධනය කරන ලද නව ලෝකයේ හැඩය වෙනස් බව හදාරන්නන්ගේ පැසසුමට ලක්වන ලක්ෂණවලින්ද පිරී නැතුවාම නොවේ. Hybrid workplace මේ අතර වැඩිම අවධානයක් දිනා ගන්නා බව පෙනෙන්නට ඇත. පසුගිය දෑවසර තුල මේ සදහා නෙක ආකාරවලින් නව අවකාශ බිහිවෙමින් පහසුකම් සලසමින් තිබේ. බොහෝ විධිමත් සමාජ යාන්ත්‍රන සදහා වැදගත් වන workflow, project planning, හා communication වැනි තීරනාත්මක ක්‍රියාකාරකම් සදහා පැමින ඇති සහය ටූලයන් විසින් සාර්ථකව පැරණි සාම්ප්‍රධායික අවකාශ වල තැන අත්පත්කරගනිමින් සිටින බව හැම අතින්ම දැකිය හැකිය.
තවත් අතකින් තත්වය පැහැදිලි කෙරෙන්නේ “office-centric” වල සිට “human-centric” දක්වා තත්වය වෙනස් වෙමින් වීම ලෙසටය. ලොව පුරා වන නව වැඩ කරන රටා පිලිබඳ හදෑරීම් පවසමින් සිටින්නේ බොහෝ අවස්ථාවලදී තත්වය ධනාත්මක බවයි. නැතිනම් වර්ධනාත්මක බවයි. ඔවුන් පෙනවා දෙන්නේ නව ආකෘතිය වඩාත් මිනිස් සංක්‍යතාවයක් නිදහස් කරවන්නට සමත්ව තිබෙන බවයි. සාර්ථක අසාර්ථක අවස්තා හදාරන ඔවුන් බොහෝ දෙනා පවසන්නේ කෙසේ වෙතත් දෑ වසරකට පෙර අත්විඳි සමාජ ආකෘති ගොහොමයක් නැවත නොපැමිනෙන බවට සහතික බවයි.
Pubudu Siriwansa

× How can I help you?