රට අසරණ වීම….

රටක පලනය රජෙකුගෙන් රජයකට මාරුවීම ප්‍රායෝගික කියවීමකදී වසඟයෙන් තර්කයට මරුවීම ලෙසට වටහා ගත හැක. මෙවන් පරිවර්ථනයකින් අනතුරුව තව දුරටත් පුරවැසියෙකුට පෙරදී මෙන් වඩාත් වසඟකරවන ආමන්ත්‍රනයේ සිට සංකේතීය ගරුබුහුමන් දක්වා අවකාශය අනවශ්‍ය වීම පෙර කී පරිවර්ථනයේ සාර්ථක බව පෙන්වන්නකි. ගරුකල මුත් එය වසඟය දක්වා දිගුවීම නව ප්‍රසූතිය පෙකිනි වැල ද සමග ජීවත් වන්නට උත්සාහ කිරීම වැන්නකි. යටත්විජිතකරනයේ සංස්කරනයෙන් පසුව සමහර රටවල් නව සංස්කරනය සමග සිටින්නද, තව ත් රටවල් වැඩි පැවැත්මේ කොටසක් ලෙසට පෙර සංස්කරනයට ආපසු යන්නටත් සමත් වූ අතර අප අසමබර ද්වීකරනයක සිරකරුවන් ව සිටින බව පැහැදිලිය, භෞතිකව අපගේ මංමාවත් වලින් බරකරත්තය ඉවත්කර දියුනු නවීන වාහන වලට යාමට හැකි වුවද මානසික තලයේදී දියුනු නව සම්ප්‍රධායන් වෙතට සාර්ථකව පිවිසෙන්නට හෝ සෙසු නවීන වටපීටාව හා සැසදෙන විකල්ප නිර්මාණය කරගන්නට අසමත්ව සිටිමු. රටවැසියාගේ සිට රටේ නායකත්ව්ය දක්වාම මේ අර්බුදයෙන් පීඩවට පත්ව සිටීම අප පැහැදිලි කරගත යුතු කාරනාවකි.
– Pubudu Siriwansa

අප ජාතිය ආගම වැනි සංකල්ප සමහර තැන්වලදී ඉක්මවා යා යුත්තේ.. -දත්ත මිනිසා-

ප්‍රධාන මාවතේ දෙපසට විහිදෙන අතුරු මාවත් වැටී තිබුනේ තැනින් තැන පිහිටි විශාල තුරු ගොමු සෙවනේ ඉදිකොට තිබූ දැවමය කවාකාර මේසයන් හා ඒවායෙන්ම නිමකර තිබූ අසුන් වෙතටය.ආගිය තොරතුරු වලින් පිරුනු උනුසුන් හදුනා ගැනීම් වලින් යුත් අඩ හොරාවක් පමන ගතව යන්නට ඇත.මේ වන විට විවිධ ජාතීන් අතර අගන්තුකයන් හමුවකදී පවා පෙර කල මෙන් මුල්ම හමුවකදී වුවත් මහත් අපහසුවක් දැනෙන ආගන්තුක බවකින් තොර වූවාය. ලොකය මත මීට පෙර යුගයේ මහත් වලංගුව පැවති දුර හා කාලය පිලිබද සීමාවන් ටීටාවට පෙර පරම්පරාව සාර්තක ලෙස අවසන්කර තිබිනි. ලොව අන්කෙරවලේ සිටි අයෙකු පවා සජීවීව ත්‍රිමානව තමන් ලගට කැදවාගන්නට අවශ්‍ය වූවේ සරල හා සුලු වටිනා කමක් ඇති තාක්ශනයක් පමන වීම සාමාන්‍ය දෙයක් විය.කොටින්ම දරුවෙකු තම පෙර පාසැල් වියේදීම තමන් මූලිකව ලෝක පුර වැසියෙකු බවත් දෙවනුව තෙවනුව රට ජාතිය වැනි සංකල්ප වැදගත්වන බවත් තේරුම් ගන්නට අවශ්‍ය පරිසරය නිර්මානයවී තිබිනි.
ඉන්දියානු මිතුරිය තම වසර දස දහසක් පැරනි අතීත උරුමයේ වූ වටිනාකම් ලෝක ප්‍රවනතා සමග ගලපා ගනිමින් වර්ථාමානයට ගැලපෙන ලෙසට සාර්ථකව නිර්මානය කරගෙන ඇති අයුරු විස්තර කලාය.විවිධ වූ ආගමික සම්ප්‍රදයාන් පසු පස තිබූ සර්ව මිනිස් සත්‍යයන් හොදින් හදුනා ගමින් විද්‍යත්මක මානයන්ගෙන් යලිත් මැන බලමින් සාම්ප්‍රධායික ඉන්දියානුවා සාර්තක පෘතුවි වැසියෙකු ලෙසට දියුනු වූ ආකාරය පැහැදිලි කරන විට ඉතිරි අප සියල්ලෝ දැහැනකට සමවැදී මෙන් සවන්දෙනට වූවාය . රුසියානු තරුනිය අපූරු වදන් පෙලකින් තම මතය හකුලවා දැක්වූවාය. අප ජාතිය ආගම වැනි සංකල්ප සමහර තැන්වලදී ඉක්මවා යා යුත්තේ තම සමාජය තුල තවත් අතරමං වන්නට නොව වඩාත් යහපත් දියුනු භාවිතාවන් ජීවිතය තුලට කැදවා ගැනීම සදහයි. පාසැලේ දැන්වීම් පුවරුවක සටහන් කර තිබූ පාථයක් ඇය මෙලෙස පැවසුවාය.ලෝක පුරවැසියෙකු වන්නට ඔබ සූදානම් විය යුතුය.වසර දසදහසක් පුරා එකම තලය වූ මිනිස් වර්ගයා එකි නෙකා ගෙන් වෙන් කරන්නට සමත්වූ මහත් බාදකයන්වූ, පසුකරන්නට මහත් කාලයක් ගත වන විශාල සාගර බිහිසුනු කදුහෙල් තවදුරටත් අප එකි නෙකාට බාදා කරන යථාර්තයන් නොවේ…….
– Pubudu Siriwansa
Wednesday, July 04, 2012

නිර්මාණය වෙමින් ඇති දත්ත මිනිසා……..

එය හුදු භෞතික උපාංග මතට සිරවී සිටි කාලය අවසන්වීමට සැරසෙන බව වින්8 මතින් කියවෙන වැදගත්ම කාරනය සේ සැලකිය හැකිය.අනිත් අතින් උපාංග විවිධත්වය විසින් ගෙන එනු ලැබ තිබූ සීමා පවුරු අතාර්කික කරන්නට සූදානම් විය යුතු බව පවසමින් සිටී. ලත් සැහැල්ලුව පොදුබව මතින් දත්ත අවකාශය වලාකුලක්ව නිදහස්ව ඇත.තවත් අතකින් සලකන විට භාවිතා කරන උපාංගයේ අන්‍යතාවය භාවිතාකරන්නාගේ අනන්‍යතාවය බවට පත්ව භාවිතාකරන්නා නිදහස් කොට දමා ඇත.
මෙය තොරතුරු අවකාශයේ නව යුගයක සමාරම්භය ලෙසින් බොහෝ විද්වතුන් සටහන් කරමින් සිටී. තොරතුරු අවකාශය මිනිසාගේ තවත් මූලික අවශ්‍යතාවයක් බව පිලිගැනීමට සිදුවන වටපිටාව සැකසෙමින් ඇත. සරල උපකරනයක් සමග තම අනන්‍යතාවය ‍රැගෙන වීදියට පිවිසෙන මිනිසා ගේ දත්ත සබැදියාව පසුකරමින් යන පහන් කනුවක්, වෙළද ප්‍රදර්ශනාගාරයක ආවරන වීදුරු මුහුනතක්, පොදු වාහනයක ඉදිරි අසුනේ පසු මුහුනත හෝ පැති වීදුරුවක් මත සැගවෙන දත්ත සැබදියාවන් ඔස්සේ ඔහුව ලුහු බැද එන යුගය අරබෙමින් ඇත.ප්‍රායෝගික ගැටලු කිහිපයක්ම ‍රැගෙන එමින් සිටින ආර්ථික සංකේතයන් වූ මුදල් නෝට්‍ටු හෝ වේවා , දිනෙන් දින ව්‍යසන මුහුනුවර කිහිපයක් සමග පෘතුවිය ලුහුබැද එන කඩදාසි භාවිතය වේවා , බල ශක්ති අරබුදයේ ප්‍රධාන භූමිකාවක වී සිටින කාර්යාල අධ්‍යාපනික වැනි ආයතන විසින් ඉල්ලා සිටින විශාල පිරිස් එකට ‍රැස් වියයුතු බවේ කොන්දේසි වෙවා, සියල්ල දත්ත වලාකුලක් බවට ඌනනයවී යාම තුලින් සමාජ උපාංග බහුතරයකටම නව සංස්කරනයක් ‍රැගන එන්නට එය පොරොන්දු වෙමින් ඇත.
– Pubudu Siriwansa
Tuesday, March 13, 2012

අප යුග අන්තරයක් පසුකරමින් සිටින්නෝ වෙමු

එය මදක් වෙහෙසකාරී කාරනාවක් බව සැබෑමුත් කාලය හා දුර සංකල්පයන් තීරනාත්මක නොවන සාධකයක් ලෙස ගනන් ගැනෙන මීලග මිනිස් යුගයේ පෙර ගමන් කරුවන් වීමේ වාසනාව ලද්දෝ වෙමු. ලෝක ව්‍යාප්ත ජාලය මෙම ක්‍රියාවලිය දෙයක් ලෙස හදුනා ගත්විට දී ඇති නාමයවේ. මීට වසර 25කට පමන පෙර “.කොම්” ලෙස ලෝකයේ ප්‍රතම පෞද්ගලික ආයතන අන්තර්ජාලය තුල ස්ථාන ගත වන විට නොසිතූ තරමේ සාර්ථකතවයක් අද වනවිට අත්පත් කරගෙන ඇත. අදවන විට ඩොමේනයන් මිලියන 200 කට වඩා අන්තර්ජාලයතුල ස්ථානගත වීමෙන්ම එය සනාතවේ.
අන්තර්ජාලය සංනිවේදනය උඩු යටිකුරු කර ඇත. පුවත් ප්‍රචාරනය , වෙළද කටයුතු, තම සාම්ප්‍රධායික සීමා ඉක්මවා යන්නේ හදිසියේම ත‍ටු ලැබුනාක් මෙනි. පැරනි සම්ප්‍රධායික පුවත් ගලන වේගය මත තම ස්ථාවරයන් සකසාගෙන සිටි බොහෝ නායකයින් තම පරම හතුරා ලෙස අන්තර්ජාලය දෙස බලන්නට පුරුදු වී ඇත්තේ මේ නිසා විය යුතුය. පසුගිය කාලයතුල ලොව විවිධ දෙසින් වාර්ථා වූ සමාජ සෙලවීම් වලදී සමාජ ජාලා ප්‍රමුඛ භූමිකාවක් නිරූපනය වනු දැකිය හැකි විය.
– Pubudu Siriwansa

ඔහු විද්‍යාව කලාව හා තාක්ශනය එකට මුසුකොට…

බොහෝ අයවලුන්ට වසර 5600 කාලයක් ලැබුනද කරන්නට තබා සිතන්නටත් නොහැකි තරමේ සොදුරු දායාදයන් කිහිපයක්ම ලෝකයට උරුමකල ඔහු වසර 56ක කෙටි ජීවන සංචාරය පසුගියදාක අවසන් කලාය. ඇපල් ආයතනයේ නිර්මාතෘතුමන් හට තම ගෞරවය පලකරමින් ලොව සිවු දෙසින් ඩිජිටල් පනිවිඩ මිලියනයකට වඩා තමන් වෙත ලැබී ඇති බවටයි ආයතනය පවසන්නේ. සියලුම ඇපල් හා සම්බන්දිත ආයතන පසුගියදා පැය කිහිපයකට වසා දමමින් එවායේ සියලුම සේවකයින්ට එතුමන්හට ගෞරවකරන්නට අවස්තාව සැලසූ බවටත් පුවත් පලවෙනවා. එතුමන්ගේ ජීවිත කාර්ය අගයමින් එන් අයෙක් යොමුකර තිබූ පනිවිඩයකින් කියවුනේ, ” ඔහු විද්‍යාව කලාව හා තාක්ශනය එකට මුසුකොට නිශ්පාදනයක් බවට පත්කලාය.එය සජීවි අංගයක් බවට පත්කර අපගේ එදිනෙදා ජීවිතවලට එකතුකලාය…” වැනි තේරුමකි.
– Pubudu Siriwansa

පෘතුවිය මත ශිෂ්ඨ මිනිස් ඉතිහාසයේ කවරදාවත් අත්නොවිදි තරමේ නිදහස් නිර්මානශීලී මිනිසා…

සමහර විට අතීත්යේ නම් මෙම කාරනාව අදාලවන්නට ඇත්තේ ජීව විද්‍යාවට වන්නට ඇත. තව දුරටත් මිනිස් ජාන තාක්ශනය ඔස්සේ දක්ශ යැයි සම්මත වූ මිනිසුන්ගේ පිටපත් සොයා යාමේ ගමන අඩාලවන්නට බීටා පරිගනක පද්ධතියේ සපැමිනීම තීරනාත්මකම කාරනාව විය.දත්ත මිනිස් තාක්ශනය ඔස්සේ වසරක පුහුනු කාලයක අවසානයේ ලෝකය පවත්වාගෙන යාමේ ව්‍යුහයට අවැසි තනතුරුවලට අදාල බුද්ධි රටා වලින් සමන්විත දත්ත මිනිසුන්ව නිර්මානය කරගන්නට හැකිවිය. මුලදී නිර්මාපකයින් එරෙහි වුවද මිනිස් ස්වභාවයන්වූ නිදිමත කම්මැලිකම වැනි මිනිස් ස්වභාවයන් හට පසුකාලීනව එකගවූවේ මිනිස් විවිධත්වය විචිත්‍ර ශිෂ්ථාචාර නිර්මානය වීමේ පදනම බව වටහා ගැනීමත් සමගය. ලෝකය පුරා ස්ථාන පහක පමන පිහිටා ඇති විසල් දත්ත ගබඩා වල මෙම මිනිස් දත්ත පිටපත් තැන්පත් කර තැබුවේ එහි හිමිකරුගේ සම්පූර්න නෛතික හා සදාචාරත්මක අයිතියට යටත්වය.ලෝකයේම මිනිස්ශ්‍රම අවශ්‍යතාවෙන් අතිමහත් ප්‍රතිශතයක්ම ස්වංක්‍රීය උපකරන වලට භාරවීමත් සමග පෘතුවිය මත ශිෂ්ඨ මිනිස් ඉතිහාසයේ කවරදාවත් අත්නොවිදි තරමේ නිදහස් නිර්මානශීලී මිනිසා බිහිවිය.
– Pubudu Siriwansa

ජීවිත ඩිජිටල් කරනය………

පුරුදු අත්හැරීම යනු සරල කාරනාවක් නොවන බව පැහැදිලිය. එනමුත් බොහෝ පිරිස් අදවන විට සරල හා පහසුවෙන් කරගත හැකි බොහෝ කාරනා සදහා සුපුරුදු අපහසු පරන මවත ඔස්සේම යමින් තම කාලයත් ශක්තියත් වැයකරගන්නා ආකාරය දකින විට සමහර තවකෙකුට අපහසුතාවයක් ඇතිනොවන්නේම නොවේ.ඔබ සතුව පරිගණකයක් ඇත්නම් එය භාවිතයෙන් ජීවිතයට ලංකරගත හැකි පහසුකම් කිහිපයක් ගැන සලකා බලන්නට අප උත්සාහකරමු යැයි මම ඔබට ආරාධනා කරනු කැමැත්තෙමි.
ඩිජිටල්කරනය ඔබේ ජීවිතයට බොහෝ පහසුකම් ‍රැගෙන එන්නට සූදානම්ව සිටී. සරල උදාහරනයකින් මෙසේ අරබමු. ඡායාරූප ගත කරන ලද අතීත මතක සටහන් සමග නැවත අතීතය වෙත පියනැගීම කාලයකට වතාවක් හෝ බොහෝ දෙනෙකුගේ පුරුද්දකි. වඩාත් රසවත්ව හා පහසුවෙන් එවැනි අතීත මතකයක කිමිදෙන්නට ඔබේ පරිගනකය සුදානමින් සිටී. ස්කෑනරයක් සමගින් ඔබේ ඡායාරූපවල මෘදු පිටපත් පරිගනකයට ගත හැක. මයික්‍රොසොෆ්ට් වෙබ් අඩවියෙන් නොමිලේම බාගතකල හැකි කුඩා මෘදුකාංගයක් වන “මූවි මේකර්” මගින් ඔබකැමති පිලිවලකට මෙම ඡායාරූප පෙල ගස්වාගැනීම සදහා සරල පරිගණක භාවිත දැනුම සෑහෙන බව ඔබටම මද උත්සාහයක් තුලින් වැටහෙනු ඇත. එම අතීත සිදුවීමට ගැලපෙන නාද රටාවක්ද එක්කිරීමෙන් අපූරු චලන රූ පටයක් නිර්මානය කරගැනීමෙන් වැඩි වින්දනයක් ඔබවෙත ලගා කර ගන්නට හැකිවනු ඇත.එසේම “ලයිව් පොටෝ ගැලරි” තුලින්ද ඔබට කැමති අයුරකින් මෙවා පෙලගස්වා ගත හැක.සීඩී හෝ ඩීවීඩී තැටියකට මෙම සැමරුම් පිටපත් කර ගැනීමෙන් රූපවාහිනී යන්ත්‍රයෙන් පසසුවෙන් පවුලේ සියල්ලන්ටම එකවර රසවිදින්නට අවස්තාව උදා වෙනු ඇත.
සමහරුන් සති අන්ත පුවත් මිලදී ගන්නේම එලබෙන සතියේ රූපවාහිනි වැඩසටහන් පෙල ලබා ගැනීම සදහාය. එනමුත් සැම රූපවාහිනී නාලිකාවකම වෙබ් අඩවි වලට පිවිසීමෙන් පහසුවෙන් වැඩසටහන් පෙල ගැස්ම ලබා ගත හැකිවා මෙන්ම හදිස්සියේ සිදුවන සංශෝදනයන්ද සහිතව ඒවා ලබා ගත හැකිවනු ඇත. කලකට වතාවක් නිවසේ භාවිතාකරන උපකරන වෙනස් කරන්නෙක් නම් ඒවායි අමතර ලාභයක් ලබා ගන්නට පුවත්පත් වලට දැන්වීම් සකසමින් හා භාරදෙමින් වෙහෙසනවා වෙනුවට අන්තර්ජාලයට පිවිස ලුහුඬු දැන්වීම් නොමිලේ පලකරන වෙබ් අඩවියක පහසුවෙන් ඇතුලත් කල හැකිය.සමහර විටක ඔබ වැරදි තීරනයක ඉන්නවා විය හැක. එනම් ඔබ සිතනවාට වඩා පිරිසක් මේ වනවිටත් අන්තර්ජාලය භාවිතා කරනවා සේම දෛනිකව විශාල පිරිසක් අන්තර්ජාල භාවිතයට පිවිසෙමින් සිටින සිටින බවයි ඒ. දුර බැහැර සිටින හිතවතෙකුට දුරකතන ඇමතුමක් ඔස්සේ ලගාවෙන්නට ඔබ වැයකරන ඉතිරිකර දෙන්නට “ස්කයිප්” හෝ “වින්ඩෝස් ලයිව්” ඔබට උපකාරී වනු ඇත.
– Pubudu Siriwansa

Happy Maha Shivratri

It means “the great night of Shiva” and comes from a popular legend. During the great mythical churning of the ocean – Samudra Mantahn – a pot of poison emerged. It was said to have the potential to burn the whole world. The only one who could get rid of it was Lord Shiva – but as his stomach represents the universe, if any of the poison entered it the world would be destroyed.

ඔබගේ ආදරනීය පරිගණකය සදහා…..

ඔනෑම උපකරනයක් සමග සුහදව කටයුතු කිරීම වැදගත් වේ. එවිට එම උපකරනය හොඳින් ක්‍රියාත්මක වනවා පමනක් නොව වැඩිකාලයක් එසේ ඔබ වෙතට සේවාය සලසන්නට කැමතිද වේ. සාපේක්ශව පරිගණකය ඒ ආකාරයේ උපකරන අතරින් වඩාත් කැපී පෙනෙන්නක්ද වන්නේ එය සියුම් මෙන්ම සංකීර්න ක්‍රියාත්මක බවකින්ද යුත්ත නිසාය. ඔබගේ Pc යන්ත්‍රය වඩාත් නිදහස් වාතාශ්‍රිත පරිසරයකට කැමති වනු ඇත්තේ එම යන්ත්‍ර අතරින් අතිමහත් ප්‍රමානයක්ම, එය ක්‍රියාත්මක වීමේදී උපකරනය තුල නිර්මානය වන අධික උෂ්නත්වය පාලනය කර ගැනීම සදහා යොදා ගන්නේ එය අවට පරිසරයේ වන සාමාන්‍ය පරිසර සිසිල් වාතය වන බැවිනි. එම වාතය ප්‍රොසෙසරය මත වන Heatsink එක මතින් ගලා ගෙන යාමට සැලසීමෙන් එම අවශ්‍යතාවය සපුරා ගන්නා අතර ඒ නිසාම එම වාතාශ්‍රය සිසිල් මෙන්ම දුහුවිලි බවින් තොරවීම වදගත් වන්නේ ඒවා පෙර කී සිසිල් කරවීමට සහය වන උපකරනය මත බැදීමෙන් එම ක්‍රියා වලියට බාදා ගෙනෙන බැවිනි.
ඔබගේ පරිගණකයට ප්‍රධාන ලෙසින්ම බාදා ගෙනෙන්නේ භෞතිකව එය අත්පත්කර ගැනීමට අවස්ථාව සැලසීමෙන්ම පමනක්ම නොවේ. මෘදුකාංග ආශ්‍රිතවද එය සිදුවිය හැක. ඒ ආකාරයේ සාර්ථක ආසාධනයකදී ඔබගේ පරිගණකය ඔබගේ පරිගණක කාමරයේ සු‍රැකිව ඇති බවක් පෙන්නුවද එය සැබවින්ම භාවිතාකරන්නේ බාහිරින් සිට අන්තර්ජාලය ඔස්සේ එය මෙහෙය වන්නෙකුගේ තත්වයට පත්වීමද බහුලව සිදුවිය හැක. මෙම තත්වය උද්ගතවීම වලක්වා ගැනීම සදහා නම් එම පරිගණකය භාවිතයට එලබෙන පලමු පියවරේ සිටම කල්පනාකාරී වීම වැදගත්වේ. පිරිසිදු මෙහෙයුම් පද්ධතියක ස්ථාපනය කර ගැනීම පලමු වැන්නය. අදාල අනකුත් සහය මෘදුකාංග නියමිත පරිදි සංක්‍රීය කරගත් ඒවා වීම වාගේම එසේ නොවන අවස්ථාවලදී නොමිළේ ලබා ගත හැකි හොඳ පිලිගැනීමක් ඇති මෘදුකාංග වීම වැදගත් වේ. බොහෝ විට අත්හදා බැලීම සදහා වෙළඳ ආයතනයන් ගෙන් නිකුත්ව කෙටිකාලීන භාවිතකාලයක් ඇති මෘදුකාංග ස්ථාපනය නැවත නැවතත් නව මෘදුකාංග විකල්ප සෙවීමකට ඔබව පොලබවනු සුලු බැවින් කල්පනා කාරී වීම වැද්ගත් වන්නේ ඒවා බොහෝ විට සැලසුම් වන්නේ එම කෙටි අත්හදා බැලීමේ කාලයෙන් පසුව නියමිත ආකාරයට භාවිතාකරන්නා ඒවා සංක්‍රිය කර ගනු ඇති බවට වන පෙර නිගමනක් සමග වීම නිසාය. තවත් වැදගත් කාරනයක් වන්නේ ආරක්ශක මෘදුකාංග වැනි සමහර මෘදුකාංග හොඳින් නැවත අස්ථාපනය සදහා එම නිෂ්පාදකයින්ම ලබා දෙන මෘදු ටූලයන් භාවිතාකිරීමය. සාමාන්‍ය ආකාරයට එම මෘදුකාංග අස්ථාපනයේදී හොඳින්ම එම කාරනය ඉ‍ටුනොවීම මෙයට හේතුවයි. බොහෝ විට යම් මෘදුකංගයක් ස්ථාපනයට පෙර අදාල නිෂ්පාදකයින්ගේ උපදෙස් හොඳින් කියවා පැහැදිලි කර ගැනීම වැදගත් වන්නේ මෙවැනි ආකාරයේ අසාර්තක මෘදුකාංග අස්ථාපනයන් කිහිපයක් පසුකරන විට පරිගණකය අපහසුතාවයට පත්විය හැකි නිසාය.

අනවශ්‍ය ලෙසට බොහෝ මෘදුකාංග තම පරිගණකය මතට ස්ථාපනය කර ගෙන තිබීමද තවත් ගැටලුවකි. කාලකට වරක් තම පරිගණකය මත ස්ථාපනයව ඇති අනවශ්‍ය මෘදුකාංග විමසා බලා අනවශ්‍ය හෝ කාලයක් තිස්සේ භාවිතාවට නොගැනෙන මෘදුකාංග ඉවත්කර දමන්නට කටයුතු කිරීම වැදගත් භාවිතාවක් වේ. එසේම ස්ථාපනයව ඇති මෘදුකාංග නියමිත ආකාරයට යාවත්කාලීනව නොතබා ගැනීමද තවත් ගැටලු ගෙන එන කටයුත්තකි. බොහෝ විට මෘදුකාංග නිකුත් කරන සමාගම් ඒවා සදහා යාවත්කාලීන නිකුත් කරනුයේ හඳුනා ගෙනා ඇති එම මෘදුකාංගවල වන දුර්වලතා පිලිසකර කිරීමට මෙන්ම අවශ්‍ය විටකදී වැඩි දියුනු කිරීම් ඒවා වෙතට ලබා දීමට වේ. මේ කටයුත්තේදී සමහර අතිවදගත් විය හැකි සමහර සහය මෘදුකාංග සදහා Windows update වැනි ස්වංක්‍රීය යාවත්කාලීන ක්‍රියා වලීන් සමගම එම යාවත්කාලීනයන් පැමිනීම සිදුවන අතර එම අංගයන් තම මෙහෙයුම් පද්ධතියේ විවෘතව තැබීමත් අනෙකුත් යාවත්කාලීනයන් සදහාද ස්වංක්‍රීයව ක්‍රියාත්ම වෙමින් යාවත්කාලීන සොයා බලන මෘදුකාංගයන් ස්ථාපනය කර ගැනීම වැදගත් වේ. මේ වන විට ආරක්ශක මෘදුකාංග සමගද මෙම අංගයන් පැමිනීම බහුලව දැකිය හැක.
– Pubudu Siriwansa

දත්ත මිනිසා

අනතුරුව අප පිවිසුනේ දිගු අර්ධ කවාකාරලෙස වීදුරුවලින් තනා තිබූ කුටිය වෙතටයි. එකිනෙකා එම කවාකාර කුටියට ඇතුලුවනවාත් සමගම දෙපස බිත්තියේ ඔහු හෝ ඇය වෙනුවෙන්ම නිර්මානය වූ බහුමාධ්‍ය වැඩසටහනක් ඇරබේ. ටීටාවේ සැකැස්ම හා යහ පැවැත්ම ගැන කුඩා උපදෙස් වැඩසටහනකින් අනතුරුව ඉදිරි ශිෂ්‍ය කාලය තුලදී වඩාත්ම ලගින් ඇසුරු කරන්නට නියමිත මගේ කන්ඩායම හදුන්වා දෙන්නට පටන් ගත්තාය. ඔවුන්ගේ විවිධ ඡායාරූ හා පාසැල් කාලය පිලිබදව තොරතුරු දෙපසින් පලවන විටම ටීටාව තුලින් අප හතර දෙනා ශ්‍රවෘව එකිනෙකා හා සම්බන්ද කලාය.එකිනෙකාට සුබ පතාගැනීමෙන් අනතුරුව මෙම දර්ශන කුටිය අවසානයේ එකිනෙකා හමුවන්නට කථාබස් කර ගතිමු. සමවන්න.. අතපසුවීම පිලිබදව සමාව ඉල්ලමින්  මෙම කුටියේ ක්‍රියාකාර කම මදක් පැහැදිලි කලයුතුයැයි සිතන්නේ අතීතයට අයත් යමෙක් මෙය අහබුලෙස නෙත ගැ‍ටුන හොත් ඇතිවිය හැකි ව්‍යාකූලත්වය පිලිබදව සලකමිනි.
වර්ථමානයේනම් මෙම ආකාරයේ කුටි බොහෝ වෙළද සැල් වල පවා ඇත. එයින් කෙරෙනුයේ අමුත්තෙකු එයට ඇතුලු වූ මොහොතේ සිට එයින් පිටවන මොහොත දක්වා ඔහු වෙනුවෙන්ම ඇරබෙන බහු මාධ්‍ය දර්ශන පටයක් ඔහුගේ ගමන්වේගයට අනූව ඔහු සමගම ගමන් කිරීමයි. අදාල අය යම් මොහොතක නතර වුවහොත් එම දර්ශන තලයද ඔහුට සමාන්තරව නතර වේ.එහිදී නම් සිදුවන්නේ ඔහුගේ ටීටාව ඇසුරින් ඔහුව හදුනාගෙන ඔහුගේ රුචි අරුචි කම් අනූව සකස්වන නව වෙළද භ්‍යාන්ඩ පිලිබදව ශ්‍රවෘය හා දෘශ්‍ය ලෙස දැනුමත්කිරීම වැනි ක්‍රියාවකි.
මින් පසු ඇරබුනේ දත්ත උපකරන වල අතීත කථාන්දරයයි. මුලින්ම දත්ත සකසන සරල උපකරනවල සිට ක්‍රමයෙන් ඒවා දියුනු වූ ආකරය පෙනවන සටහන් පෙලකින් එය සමන්විත විය.උපකරන වලට අමතරව ඒවා සමග සම්බන්ද අයවලුන්ගේද ඡායා හා රූ සටහන් වලින් එවා සමන්විතව තිබුනි. එහිසදහන්ව තිබූ සියලුම පාහේ විද්වතුන් පිලිබදව බොහෝ විස්තර තිබිනි. අධ්‍යාපනය ලැබූ තාන්න මාන්න මෙන්ම තනතුරු පිබදව බොහෝ සෙයින් තොරතුරු සටහන්ව තිබුනි. 2011 කාලයට ඉහලින් සරල මිනිසෙකුගේ රුවක් සමග “දත්ත සකසන හා සංනිවේදන උපකරන අවකාශයේ පැහැදිලි හැරවුමක් සටහන් කල නිර්මානශිලී මිනිසෙකි” යනුවෙන් පමනක් සටහන්ව තිබිනි . එම සටහන සමග මදක් වැඩි කාලයක් මා ‍රැදී සිටිනිසාදෝ ටීටාව ඌනපූර්නයක් කලේය.”සමහර මිනිසුන් ගැන සටහනක් නොකිරීම ඔවුනට කරන අසාධාරනයක් වනවා සේම සමහරුන් පිලිබදව සටහන් කරන්නට යෑමම ඔවුනට කරන අසාධාරනයක් විය හැකියි. මම හිතන්නේ මෙ ඒවගේ අවස්ථාවක්.”
-Pubudu Siriwansa
December16,2011