Category Archives: Politics

ශ්‍රී ලංකාවේ දේශපාලනය යනු අති විශාල පෞද්ගලික ව්‍යාපෘති සංක්‍යාවක එකතුවක් පමනක් යැයි

ශ්‍රී ලංකාවේ දේශපාලනය යනු අති විශාල පෞද්ගලික ව්‍යාපෘති සංක්‍යාවක එකතුවක් පමනක් යැයි විස්වාස කරන, ඡන්දය දා උදෑසනම ඡන්ඳ පොලට පැමින තම පෞද්ගලික ව්‍යාපෘතියේ “බලපොරොත්තු නියෝජිතයාට” ඡන්දය දමා ඇගිල්ලේ වර්ණ සලකුනද දමාගෙන ආඩම්බරයෙන් රටජාතිය වෙනු වෙන් තම යුතුකම ඉස්ඨ කල බවට එලියෙන් පැමිනෙන අදෘශ්‍ය මානසික ව්‍යාජයේ සිට ආඩම්බරයෙන් නිවසට යන අපේ ඡන්දදායකයා ගේ හිස මතට නැවතත් කුණු කන්දක් පැමින තිබේ. විපතට ගොදුරු වූ කොටස්ම පවසන්නේ සිදුවීමේ සිට පැය 12ක් ගත වනතුරුත් සිදුව ඇති ආපදාවේ තත්වය තේරුම් ගෙන නිසි ප්‍රථි ක්‍රියාකාරීත්වයක් ආරම්භකරන්නට නොහැකි වූ බවකි. සමහර විටක මෙවන් විපත්තියකට අදාලව ක්ශනිකව ක්‍රියාත්මක විය යුතු වන ආකාරයට නිර්මානය ක්‍ර ඇති යාන්ත්‍රනවල වගකිව යුත්තන් පවසනවා ඇත්තේ සිංහල අවුරුදු දාම කඩා වැටීමෙන් කුනු කන්ඳ විසින් තමන් වෙත අසධාරන ආකාරයේ අභියෝගකිරීමක් කර ඇති බව විය හැක. නොයෙසේනම් කුණු කන්ඳ විසින් අසාධාරන හා අයුතු හැසිරීමක් පෙන්ව ඈති බව විය හැක.
ආර්ථික, දේශපාලනිකව පමනක් නොව සංස්කෘතිකවද මියයමින් සිටින රටකට සංවේධීවන්නට මහත්ම විපතක් අවශ්‍යය. දියුනු සංවේදී සමාජයකදී නම් විපතක පෙර සලකුනු විසින් පුද්ගල මට්ටමේ සිට ආයතනික මට්ටම දක්වා විපතට සමාන අවධිකිරීමක් ගෙන ඒම අපේ රටේ දීනම් අනවශ්‍ය කලබල කිරීමකි. කලබල වීමකි. ඒ නිසාමදෝ වාර්ථා පවසන්නේ අදාල ප්‍රදේශයේම අතිගරු මහජන නියෝජිතයෙකු පවසා ඇත්තේ මේ දිනවල ගෞරවනීය පාර්ලිමේන්තුව නිවඩුවක තිබෙන නිසා අප මදක් ඉවසිය යුතු බවකි.
සිරුරෙන් උස් මහත් වූ නිසාම වැඩිහිටියන් ලෙසට සැලකෙන, “වැඩිහිටි” බව පිලිගැනෙන, තනතුරුවල නැති නම් වගකීම් වල වසර ගනන් ඔහේ පල්වීම නිසාම තමන් ජේෂ්ඨ යැයි විස්වාස කරන ළඳරුවන් ට මීට වඩා යමක් කල නොහැකි ය. පාට සලකුනු වල සිට ප්‍රථමික මතවාද අසල කල්ලි ගැසීම දේෂපාලනය ලෙසට විස්වාස කරන පුරවැසියන්ට මීට වඩ යමක් කරන්නට නොහැකිය. මේ දෙගොල්ලෝම එක් වී “සාර්ථව” කුණු කඳු නිර්මානය කර ගැනීම හා ඒවා සමග සතුටින් සිට යම් මොහොතකදී හිස මතට කඩ වැ‍ටුනු විට දෙස් දෙවොල් තබමින් චෝදනා නගා ගන්නවාට වඩා උසස් “ජීවිත” අවකාශ නිර්මානය කරගන්නට ඔවුන්ට කවරදාක වත් අවශ්‍ය නොවුනා සේම පෙනෙන ඉදිරියේදී වත් සිදුවෙතැයි විස්වාස තබන්නටද නොහැකිවී ඇත.

රටක් ලෙස අප කුනුවෙමින් සිටීමේ අවධානම් බව හඟවන කුනු කන්ඳ නාය යාම….

අප රටක් ජාතියක් ලෙසට වසරේ වැදගත්ම සංස්කෘතික සැමරුම ට සමාන්තරව, දේශපාලනිකව, ආර්ථිකව පමනක් නොව සංස්කෘතිකවද දැරිය නොහැකි තරමේ “කුනුගොඩක්” වෙමින් ඇති බවට සංකේතාත්මකව පවසමින් නිසි කලමනාකරනයට නොහැකිවීම මෙන්ම හා සෑබෑ ප්‍රශ්න සැගවීමේ අපේ ජාතික අනන්‍යතාවය තව දුරටත් පරිසරයට දැරිය නොහැකි බව හඟවමින් කුනු කන්දක් නාය ගොස් ඇත. හිටපු, පැමින ඇති මෙන්ම පැමිනෙන්නට වලිකමින් සිටින දේෂපාලකයන් මේ සදහා නෙක අකාරවලින් ගැලවිජ්ජා උත්තර දෙමින් ඇත. සංවේඳී ක්‍රියාකාරීත්වයයකට වඩා නිදිබර බව අගයන අදාල නිලධාරී අවකාශයද තමන් සැබෑ ලාංකිකයන් බව ඔප්පු කරමින් ගැලවිජ්ජා උත්තර සපයමින් ඇත.
නිසිලෙස ගැටලුවලට මුහුන දෙනවාට වඩා ඒවායෙන් සැගවීම අපහට දක්ශ කලාවක් වන්නේ කවදා සිටදැයි විමසීම වටී. ධනවාදය විසින් අසීමිත ලෙසට පොලබවන පරිභෝජනයේ අව්සන් ප්‍රථිපලය ලෙසට වන චෝදනාවේ සිට නැතිනම් අප විසින් අපව පාලනයට නිර්මාණයකරගෙන ඇති යාන්ත්‍රනවල කුනුවීමේ සිට පැමිනෙන්නට වෙර දරන දේශපාලන අර්ථ මෙවැනි ගැටලු වලදී හැසිරී ඇති “කුනු” ස්වභාවය ජීවිත කිහිපයක් බිලී ගනිමින් නාය ගිය කුනු කන්ඳ යලි අපට මතක්කර දෙමින් සිටී. පුද්ගල අර්ථවල සිට සමාජ අර්ථ දක්වා වන සමස්ථ අවකාශයේ පෙන්වමින් සිටින නවීන බව,නැණ උගත් බව, ධනවත් බව පිලිබඳ සැගව ඇති සැබෑ අරුත මොනවට පැහැදිලි කරමින් ජාතියේ කුනු කන්ඳ නයගොස් ඇත.
රටක් ලෙසට අතීතයෙන් ආඩම්බරය ගෙනෙමින් සිහින ලෝකයකදී සතු‍ටු වීමේ සිට වර්ථමාන සැබෑ ආර්ථික, දේශපාලන ගැටලු වෙතට අවධානය යොමුකරන්නට පොලබවන සංඥාවක් ලෙසට එම අවසානාවන්ත තත්වය සැලකීමට අවශ්‍යතරම් බරපතල බවක් මෙම සිදුවීම ගෙනෙන ලද්දේද බව නුදුරු අනාගතයේදී දැක ගන්නට හැකි වනු ඇත. නොයසේනම් සුපුරුදු ලෙස “ගැලවිජ්ජා” ආකාරයේ විසඳුම්, සැඟවීම් ඔස්සේ මෙම සිදුවීමද ඉතිහාසය තුල සැගව යෑම පමනක් සිදුවනු ඇත.

ප්‍රභාකරන් සාධකය වක්‍රව තවමත් අප පාලනය කරමින් සිටී.

      ප්‍රභාකරන් සාධකය වක්‍රව තවමත් අප පාලනය කරමින් සිටී. යුද්ධය විසින් කාලාන්තරයක් තිස්සේ ක්‍රමයෙන් වර්ධනය කර දුන් මනෝභාවයන් සමාජ මනසින් බැස යන්නට තවමත් සූදානම් නැති බවට නෙක ආකාර ගත් පනිවිඬ ඔස්සේ වරින් වර අපට දැනුම් දෙමින් සිටී. එක් දෙසකින් සැලකීමේදී දශක කිහිපයක් තිස්සේ පසුකල වෙහෙසකාරී අත්දැකීම් කල නිර්මාණයන් අප සිතනා තරම් සරලව බැහැර නොවන්නේ සංකීර්නව ඒවා විසින් සංස්කෘතික, ආර්ථිකව මෙන්ම දේශපාලනිකව සමාජ මනස තුල දැඩිව මුල් බැස ගෙන එති නිසා විය යුතුය. සිවිල් යාන්ත්‍රනය නැවත සොයා ගැනීමේ මේ තරම් දුෂ්කරව ඇත්තේ පෙරකී දැඩි වෙලා ගැනීම නිර්මානය කල සමහර සමාජ තලයන් විසින් පුරුදු පුහුනු කරමින් සිටින මානසික කායික සුඛ විහරනයන් අත් හැර දැමෙන්නට යෝජනා වීමම මරන්තික ප්‍රතික්ක්‍රියා ගෙනෙන වටපිටාවක් තුලය.
ප්‍රභාකරන් නම් පුද්ගලයා යුධපිටියේදී මිය යන්නේ ඔහු ප්‍රභාකරන් නම් සිංහලයන් ප්‍රමුක බොහෝ කොටස් කොසට් පසුකාලීනව ඇසූ පමනින් භීතියට පත්කරවන නමක් ලබමින් ඉපදීම නිසා නොවන බව පැහැදිලිය. ඒ ඔහුගේ ක්‍රියාකාරකම් ඔස්සේ සමාජයට ගලා එන්නට වූ ත්‍රස්ථ ස්වභාවයන් නිසාය. සාර්ථකව කල්ලි කන්ඩායමක් බවට පත්කරන්නට ඔහු සමත්වූ අනෙකුන් ත්‍රස්ථ කරවීම ඔස්සේ තම ඉලක්ක මුදුන්පත්කරන්නට කරගන්නට වන උත්සාහය නිසාය. අවසානයේ ශ්‍රී ලංකාවේ හමුදාවන් සාර්ථකව ඒ ත්‍රස්ථවදියාව විනාශ කර දමන ලද්දේ සිංහල මෙන්ම ද්‍රවිඩ බොහෝ දෙනාටද සැනසුම් බවක් ගෙනෙමිනි.
සිවිල් සමාජය සංකීර්නය. එය ආරක්ශක අංශ විසින් පාලනය කරන සමාජයකට වඩා බහු ස්වරූපීය. එනමුත් සිවිල් සමාජය මිනිස් සංස්කෘතියේ වඩාත් දියුනු අත්පත්කර ගැනීමකි. නිදහස් සිවිල් පුරවැසියා වඩාත් ඉහලින් වන අත්පත් කර ගැනීමකි.  ආරක්ශක අංශ විසින් පාලනය කරවන සමාජයකදී මෙන් නොව සමාජ යාන්ත්‍රන විශාල ප්‍රමානයක අඩු වැඩි සංයුතියෙන් වන නිර්මාණයකි. එක් අන්ත අර්ථ දැක්වීමකදී පැහැදිලි කෙරෙන ආකාරය නම් එක් මනසකට නතු කර ගත නොහැකි සමාජ සිදුවීමකි.
අපට බොහෝ දෑ ලැබුනේ අහබු ලෙසටය. විටක බලහත්කාරයෙන්ය. යම් විෂයක් සදහා ඊයේ දිනයක් තිබීම සාර්ථක හෙට දවසක් සදහා මග පෙන්වීමකි. එවන් තත්වයක් අහිමි වීම වඩාත් කල්පනාකාරී වීමට ආරාධනාවක් වන්නට හැකිවා මෙන්ම කලහාකාරී වීමට ද පෙලබවීමක් විය හැක. අපැහැදිලි අනන්‍යතාවය පුද්ගල ගැටලුවක් වනවා සේම  අපැහැදිලි සමාජ අනන්‍යතාද සංකීර්න ගැටලුවකි. අප වඩාත් සැලකිලිමත් විය යුත්තේ එනිසාවෙනි.