Category Archives: Social

රට අසරණ වීම….

රටක පලනය රජෙකුගෙන් රජයකට මාරුවීම ප්‍රායෝගික කියවීමකදී වසඟයෙන් තර්කයට මරුවීම ලෙසට වටහා ගත හැක. මෙවන් පරිවර්ථනයකින් අනතුරුව තව දුරටත් පුරවැසියෙකුට පෙරදී මෙන් වඩාත් වසඟකරවන ආමන්ත්‍රනයේ සිට සංකේතීය ගරුබුහුමන් දක්වා අවකාශය අනවශ්‍ය වීම පෙර කී පරිවර්ථනයේ සාර්ථක බව පෙන්වන්නකි. ගරුකල මුත් එය වසඟය දක්වා දිගුවීම නව ප්‍රසූතිය පෙකිනි වැල ද සමග ජීවත් වන්නට උත්සාහ කිරීම වැන්නකි. යටත්විජිතකරනයේ සංස්කරනයෙන් පසුව සමහර රටවල් නව සංස්කරනය සමග සිටින්නද, තව ත් රටවල් වැඩි පැවැත්මේ කොටසක් ලෙසට පෙර සංස්කරනයට ආපසු යන්නටත් සමත් වූ අතර අප අසමබර ද්වීකරනයක සිරකරුවන් ව සිටින බව පැහැදිලිය, භෞතිකව අපගේ මංමාවත් වලින් බරකරත්තය ඉවත්කර දියුනු නවීන වාහන වලට යාමට හැකි වුවද මානසික තලයේදී දියුනු නව සම්ප්‍රධායන් වෙතට සාර්ථකව පිවිසෙන්නට හෝ සෙසු නවීන වටපීටාව හා සැසදෙන විකල්ප නිර්මාණය කරගන්නට අසමත්ව සිටිමු. රටවැසියාගේ සිට රටේ නායකත්ව්ය දක්වාම මේ අර්බුදයෙන් පීඩවට පත්ව සිටීම අප පැහැදිලි කරගත යුතු කාරනාවකි.
– Pubudu Siriwansa

අප යුග අන්තරයක් පසුකරමින් සිටින්නෝ වෙමු

එය මදක් වෙහෙසකාරී කාරනාවක් බව සැබෑමුත් කාලය හා දුර සංකල්පයන් තීරනාත්මක නොවන සාධකයක් ලෙස ගනන් ගැනෙන මීලග මිනිස් යුගයේ පෙර ගමන් කරුවන් වීමේ වාසනාව ලද්දෝ වෙමු. ලෝක ව්‍යාප්ත ජාලය මෙම ක්‍රියාවලිය දෙයක් ලෙස හදුනා ගත්විට දී ඇති නාමයවේ. මීට වසර 25කට පමන පෙර “.කොම්” ලෙස ලෝකයේ ප්‍රතම පෞද්ගලික ආයතන අන්තර්ජාලය තුල ස්ථාන ගත වන විට නොසිතූ තරමේ සාර්ථකතවයක් අද වනවිට අත්පත් කරගෙන ඇත. අදවන විට ඩොමේනයන් මිලියන 200 කට වඩා අන්තර්ජාලයතුල ස්ථානගත වීමෙන්ම එය සනාතවේ.
අන්තර්ජාලය සංනිවේදනය උඩු යටිකුරු කර ඇත. පුවත් ප්‍රචාරනය , වෙළද කටයුතු, තම සාම්ප්‍රධායික සීමා ඉක්මවා යන්නේ හදිසියේම ත‍ටු ලැබුනාක් මෙනි. පැරනි සම්ප්‍රධායික පුවත් ගලන වේගය මත තම ස්ථාවරයන් සකසාගෙන සිටි බොහෝ නායකයින් තම පරම හතුරා ලෙස අන්තර්ජාලය දෙස බලන්නට පුරුදු වී ඇත්තේ මේ නිසා විය යුතුය. පසුගිය කාලයතුල ලොව විවිධ දෙසින් වාර්ථා වූ සමාජ සෙලවීම් වලදී සමාජ ජාලා ප්‍රමුඛ භූමිකාවක් නිරූපනය වනු දැකිය හැකි විය.
– Pubudu Siriwansa

ඔහු විද්‍යාව කලාව හා තාක්ශනය එකට මුසුකොට…

බොහෝ අයවලුන්ට වසර 5600 කාලයක් ලැබුනද කරන්නට තබා සිතන්නටත් නොහැකි තරමේ සොදුරු දායාදයන් කිහිපයක්ම ලෝකයට උරුමකල ඔහු වසර 56ක කෙටි ජීවන සංචාරය පසුගියදාක අවසන් කලාය. ඇපල් ආයතනයේ නිර්මාතෘතුමන් හට තම ගෞරවය පලකරමින් ලොව සිවු දෙසින් ඩිජිටල් පනිවිඩ මිලියනයකට වඩා තමන් වෙත ලැබී ඇති බවටයි ආයතනය පවසන්නේ. සියලුම ඇපල් හා සම්බන්දිත ආයතන පසුගියදා පැය කිහිපයකට වසා දමමින් එවායේ සියලුම සේවකයින්ට එතුමන්හට ගෞරවකරන්නට අවස්තාව සැලසූ බවටත් පුවත් පලවෙනවා. එතුමන්ගේ ජීවිත කාර්ය අගයමින් එන් අයෙක් යොමුකර තිබූ පනිවිඩයකින් කියවුනේ, ” ඔහු විද්‍යාව කලාව හා තාක්ශනය එකට මුසුකොට නිශ්පාදනයක් බවට පත්කලාය.එය සජීවි අංගයක් බවට පත්කර අපගේ එදිනෙදා ජීවිතවලට එකතුකලාය…” වැනි තේරුමකි.
– Pubudu Siriwansa

පෘතුවිය මත ශිෂ්ඨ මිනිස් ඉතිහාසයේ කවරදාවත් අත්නොවිදි තරමේ නිදහස් නිර්මානශීලී මිනිසා…

සමහර විට අතීත්යේ නම් මෙම කාරනාව අදාලවන්නට ඇත්තේ ජීව විද්‍යාවට වන්නට ඇත. තව දුරටත් මිනිස් ජාන තාක්ශනය ඔස්සේ දක්ශ යැයි සම්මත වූ මිනිසුන්ගේ පිටපත් සොයා යාමේ ගමන අඩාලවන්නට බීටා පරිගනක පද්ධතියේ සපැමිනීම තීරනාත්මකම කාරනාව විය.දත්ත මිනිස් තාක්ශනය ඔස්සේ වසරක පුහුනු කාලයක අවසානයේ ලෝකය පවත්වාගෙන යාමේ ව්‍යුහයට අවැසි තනතුරුවලට අදාල බුද්ධි රටා වලින් සමන්විත දත්ත මිනිසුන්ව නිර්මානය කරගන්නට හැකිවිය. මුලදී නිර්මාපකයින් එරෙහි වුවද මිනිස් ස්වභාවයන්වූ නිදිමත කම්මැලිකම වැනි මිනිස් ස්වභාවයන් හට පසුකාලීනව එකගවූවේ මිනිස් විවිධත්වය විචිත්‍ර ශිෂ්ථාචාර නිර්මානය වීමේ පදනම බව වටහා ගැනීමත් සමගය. ලෝකය පුරා ස්ථාන පහක පමන පිහිටා ඇති විසල් දත්ත ගබඩා වල මෙම මිනිස් දත්ත පිටපත් තැන්පත් කර තැබුවේ එහි හිමිකරුගේ සම්පූර්න නෛතික හා සදාචාරත්මක අයිතියට යටත්වය.ලෝකයේම මිනිස්ශ්‍රම අවශ්‍යතාවෙන් අතිමහත් ප්‍රතිශතයක්ම ස්වංක්‍රීය උපකරන වලට භාරවීමත් සමග පෘතුවිය මත ශිෂ්ඨ මිනිස් ඉතිහාසයේ කවරදාවත් අත්නොවිදි තරමේ නිදහස් නිර්මානශීලී මිනිසා බිහිවිය.
– Pubudu Siriwansa

“දත්ත මිනිසා” – ප්‍රාදේශීය සංස්කෘතීන් ඉක්මවා යාම –

සරල අවධානය යොමුකර ගන්නා හඩක් සමග ටීටාව පවසා සිටියේ ඉදිරි හෝරාව අවසනයේ ආරම්භක දේශනයට සුදානම්ව සිටිය යුතු බවයි.පාසැල් කාලය නිවෙස් ආදී යන්ගේ තොරතුරු හුවමාරු කරගනිමින් අප සිව්දෙන පසකින් පිහිටි විශාල තුරු ගොමුවක සෙවනේ ඉදිකර තිබූ රවුම් හැඩැති මේසයක් වටා අසුන් ගතිමු.ඉතා කුලුපග අයුරින් අප එකිනෙකා අදහස් හුවමාරු කර ගනිමුන් සිටින අතර තුර එක් වරම ඉන්දියානු මිතුරිය අපූරු සමාජ පරිනාමයක් දෙසට අප අවධානය යොමු කලාය.”දන්නවද, මගේ සීයා නිතරම කියන කාරනයක් තමා මිනිහෙක් හදුනා ගන්න දවස් ගනනාවක් වත් යනවායි කියන එක.ඒක සමහර විට අපේ අතීතයෙන් පැවත ගෙන එනස්වභාවයක් වෙන්නට ඇති. ආගන්තුකයෙක් ඉදිරියේ මුලින්ම පරිස්සම් සහගතව හැසිරීම තමයි හරි කියලා එයා තාමත් කියන්නේ.ටීටාව සමාජ භාවිතාවට එන්නට පටන් ගත්කාලේ එයට විරුද්දව සටන් කරපු පරපුරේ කෙනෙක් එයා. අපේ ගෙදර ඔක්කෝම ඉන්න දවස් වල හැන්දෑවේ තේ එක අපි බොන්නේ ගෙවත්තේ තියෙන මෙසේ වටේ ඉදගෙන.දවසක් අපේ තාත්තා කිව්වා, සංස්කෘතිය , සම්ප්‍රධාය වගේ කඩතුරාවලින් වහගෙන අත් හැරිය යුතු ගොඩක් මිනිස් ස්වභාවයන් ‍රැක ගන්නට උත්සාහ කිරීම තේරුමක් නැති වැඩක් කියලා.එයා කියනවා ටීටාව සමග අපි පෘතුවි වැසියන් වීම වලක්වන්නට උත්සාහ නොකල යුතු බව.එදා එයා අපිට පැහැදිලි කරලා දුන්නා ටීටාව හරිම අපක්ශපාතී විදිහට විවිධ සංස්කෘතීන් හරහා යමින් මිනිසාගේ කායික හා මානසික යහපැවැත්ම පෘතුවි තලයේ යහ පැවැත්ම මුල්ම ප්‍රමිතිය ලෙස සලකමින් තම සයිබර් මිනිස් අවකාශය නිර්මානය කර ගෙන තියෙන ආකරය.සීයට කොයි තරම් තරහ ගියාද කියනව නම් එයා නැගිට්ටේ අපේ තේ මේසෙත් පෙරලා ගෙන….” අප සියල්ලන්ට සිනාව වලකා ගත නොහැකි විය.
Pubudu Siriwansa

Facebook.com වල ‘Today In’ අංගය…..

Facebook.com පවසන්නේ තමන්ගේ නව අංගයක් ‘Today In’ ලෙසට US වල තොරාගත් නගර 6 කින් අත්හදා බලන්නට කටයුතු ඇරබූ බවයි. ඔවුන් පැහැදිලි කරන්නේ මෙම නව අංගය සමග භාවිතාකරන්නන්ගේ community අතර පහසුවෙන් news සහ information බෙදා හදා ගැනිමට හැකියාව ලැබෙනු ඇති බවයි. පි‍ටුවේ නවම අංගයක් ලෙසට සැලසුම් වන මෙහිදී භාවිතාකරන්නෙකු ගේ geographic area අනූව එම තොරතුරු වල ප්‍රමුකතවය හදුනාගෙන අනෙකුත් භාවිතාකරන්නන් සමග බෙදා හදා ගැනීම ඔස්සේ භාවිතාකරන්නන් වඩාත් තම අවකාශය වෙතට සමීප කරවා ගන්නට කටයුතු කරන බවක් පෙනෙන අතර හුදු මිතුරු මිතුරි ඇසුර ඉක්මවන දෛනික ජීවිතය හා බැ‍ඳෙන විසල් තොරතුරු වපසරියක් ආවරනය කර ගැනීමේ නව සැලසුමක් ලෙසට හදාරන්නන් පෙන්වා දෙනවා.
Pubudu Siriwansa

Dr Dharmasena Pathiraja

ලාංකීය සිනමාවේ ප්‍රතිරාජයා අද උදෑසන මිය ගියේ ය. ලාංකීය සිනමාවේ රාජයා  ආචාර්ය ධර්මසේන පතිරාජාම මිස අන් කවරෙකු හෝ නොවේ.  පතිරාජා ගේ ආචාර්ය උපාධිය “ නිදහස් බෙංගාලි සිනමාවේ ජාතිය සහ ආගම අතර දයලෙක්තිකය“ ගැන බෙංගාලි විශිෂ්ඨ සිනමා කරුවන් වූ සත්‍යජිත් රායි, මිර්නාල් සෙන් සහ රික්වික් ඝටක් තිදෙනාගේ සිනමා කෘති අධ්‍යයනයෙන් ලියන ලද නිබන්ධනයට හිමි වූවකි. එය පිරිනැමුවේ ඕස්ට්‍රේලියාවේ මොනෑෂ් විශ්වවිද්‍යාලය මගිනි. ඒ අතින් සලකා බලන කල සිනමාව පිලිබඳ විධිමත් ආයතනික පශ්චාත් අධ්‍යාපනය මගින්ද සිනමාවට සහ රුපවාහිනියට දායාද කළ විශිෂ්ඨ නිර්මාණ මගින්ද ශ්‍රී ලංකාවට සිටි ‘එකම රාජයා‘ ධර්මසේන පතිරාජාම වන්නේ ය. (ලංකා ඊ නිව්ස් – 2018.ජන.28, ප.ව‍‍‍‍‍‍‍‍‍‍.8.10)

හුඳු ව්‍යාපාරික දක්ෂතාවයම රටක් පාලනය සදහා දායක වීමට සැහේද..

ව්‍යාපාරිකයෙක් හුඳු ව්‍යාපාරික දක්ෂතාවයම රටක් පාලනය සදහා දායක වීමට සැහේද යන්නද වැදගත් ගැටලුවක් වෙමින් තිබේ. නැතිනම් රටක් පාලනය වීම යනු ව්‍යාපාරික මධ්‍යස්ථානයකට වඩා සංකීර්න හුඳු වෙළඳ අර්ථවලට නොසැසදෙන සංස්කෘතික හා දේශපලනික අර්ථද කැටිව එන්නක් බව වටහා ගන්නට සිදුවේ.ඒවා ප්‍රායෝගික වූවද නොවුනද ලංකව වැනි සංස්කෘතික අර්ථ තවමත් නාමිකව හෝ ප්‍රබලවන රටකදී මේ බව වඩාත් වැදගත් වේ. අනිත් දෙසින් සැලකීමේදී මුහුකුරා ගිය දේශපාලන අර්ථ හිඟ රටකදී තත්වය වඩත් භ්‍යානක වේ. වෙළඳපොල, රාජ්‍ය යාන්ත්‍රන, සංස්කෘතික වටිනාකම් ආදිය කිසිදු විනයකින් තොරව එකි නෙක මත පොලාපනින්නට පටන් ගැනීම එහි වන ජීවිත මත නිර්මාණය කරන්නේ මහත් ව්‍යසනයකි. තාක්ශනික අර්ථ යනු කෙසේ හෝ ආර්ථික ඉලක්ක වෙත ගලපාගන්න විවෘත වන අවකාශයක් නොවේ. අවසානයේ නිර්මාණය වන්නේ සංකීර්න අවභාවිතාවකි. රටක් ලෙසට වඩාත් ලිහිල් ලෙසට හා නිරෝගීයව නව ලෝකය වෙතට විවෘත වීම වෙනුවට සගවන විකෘතිය සිත්සේ ඔඩුදුවන්නට අවස්තාව දීමකි.
Pubudu Siriwansa

සංස්කෘතික හෝ දේශපාලනික සංස්කාරකයා තව දුරටත් ප්‍රමුක නොවීම

ජීවිතය මතට සංස්කෘතික හෝ දේශපාලනික සංස්කාරකයා තව දුරටත් ප්‍රමුක නොවීම සාමාන්‍ය කාරනාවකි.තාක්ෂනික සංස්කාරකයා ගේ සපැමිනීම කෙමෙන් සටහන් වෙමින් ඇත. එය සහර විටක ස්මාර්ට් බල්බය වැනි සරල අවස්ථාවක සිට ක්ලවුස් මූලිකව නිර්මාණය වන ඔබේ සියලුම දත්තයන්ගෙන් නිමවන ඔබේ “දෙවන අනන්‍යතාවය” දක්වා දිගුවන බරපතල එකක් විය හැක. එතරම් පරතරයක් නොවන ඔබ නොවේනම් ඔබේ දෙවන පිටපත දෑ සදහා ස්වාධීනව ඉදිරිපත් වන දිනය වැඩි ඈතක නොවනු ඇත.
සමහර විටක ඔබ වැරදි තීරනයකට එලබ ඇත. එය අදේශපාලනික අජීවී අමානුෂික අනන්‍යතාවයක් කරන්නට එක වරම කැමති වනු ඇත. එහෙත් මේ බව තවත් දෙසකින් වඩාත් දේශපාලනික හා ඔබේ නිවැරදිම සජීවී බව ආමන්ත්‍රනය කරන මානුෂික බවක් යෝජනා කෙරෙමින් පමනක් නොව පහදමින්ද ඇත. සමහර විටක ප්‍රාථමික සංකෘතික හා දේශපාලනික අනන්‍යතාවයන් නොපෙන්වීම ඔබගේ ප්‍රාථමික මනසට අවිඥානික බලපෑමක් කලාද විය හැක. අපගේ ජාන පරම්පරාවල් ආගමික යුගයේ දී ලත් මානසික හා කයික පාරිශුද්ධ අභ්‍යාසවලදී මනසේ යටිපතුලටම තල්ලුව ගොස් සැගවී සිටින ප්‍රාථමික අනන්‍යතා කරන අවධිවීමක් අපට හමුවෙමින් තිබෙනවාද විය හැක.
Pubudu Siriwansa
Singularity.Vision

දියුනු ජීවිත ආකෘති නිර්මාණය නොවීම සමග..

දියුනු ජීවිත ආකෘති නිර්මාණය නොවීම සමග නෙක දියුනු සම්පත් පහසුකම් වලින් ජීවිතය අවට වෙළඳපොල වසාගැනීම අවසානයේ නිර්මාණය කරන්නේ ජීවිත ව්‍යසනයක් පමනකි. කායික මනසික නිසි පෝෂනයෙන් පිරිපුන් ළඳරුවා ගේ සිට සුරක්ෂිත සැහැල්ලු මහළු වියක් දක්වා තම රට වැසියෙකුට උරුමවන ක්‍රමවේදයක් දක්වා වන ජීවිත අවකාශයක් වෙනුවට පෙර පාසැලේ සිට කර්යාලය වැඩ විම දක්වා නිරුවත් තරගයක් පමනක් පවතින සමාජ අවකාශයක සිට ලෝකයේ උතුම්ම රටේ සිට ලෝකයේ උතුම්ම දහම වැනි ව්‍යාජයන්ගෙන් ජීවිතය රවටා ගන්නට බලකිරීමත් උරුමය වීම රට වැසියන් ලෙසට අපගේ අසමත්කම මනාව පෙන්වයි. සිමෙන්ති, කොන්ක්‍රීට්වල සිට ඉලෙක්ට්‍රොනික ලෙසට දක්වා ලෝකයේ අති නවීන සියලු පහසුකම් සමග කොපිකල නොහැකිජීවිත ආකෘති, නැතිනම් කොපිකරන්නට උත්සාහ කරන හැම විටම විකෘතියක් පමනක් නිර්මාණය වන නමුත් එකතුව නිර්මාණය කරගන්නට තරම් පුද්ගල හා සමාජීය මානසික සාමයක් උරුම නොවන අප, අවුලෙන් සතු‍ටු වීමේ බිහිසුනු ගැටලුවේ ගොදුරුව ඇති බව තේරුම් ගන්නට තවත් කල් අවශ්‍යවේවිද? “බිහිසුනු යුරෝපියන්, අරගලවාදී විමුක්තිකමීන්, ජාතිවාදී ත්‍රස්ථවාදීන්” ලෙසට අත්විඳි, විඳවන ජීවිත අවකාශ නිර්මාණය කරන්නන් ගෙන් ඔබ්බට වන ජීවිත ආකෘති නිර්මාණය කරගන්නට අපට අනවශ්‍යද නැතිනම් නොහැකිද යන්න විමසන්නට වත් අප සමත්ව තිබේද???
Pubudu Siriwansa
Singularity.Vision