Category Archives: Your Garden

Peace Lily පීස් ලිලී

ෆෝමැල්ඩිහයිඩර්. බෙන්සීන් හා ට්‍රයිලෝඑතලීන් උරා ගැනීමේ ඇති ශාක අතර ඉහලින්ම සදහන් වන වර්ගය මෙයයි. මෙහි උද්භිතවිද්‍යාත්මක නාමය spathiphyllum ලෙසට හැඳින්වේ. අපට ජලය නොමැතිව දින කිහිපයක් සිටිය හැකි උවත් වාතය නොමැතිව මිනිත්තු කිහිපයක්වත් සිටිය නොහැකිය. එක් පුද්ගලයෙකු දිනකට වාතය ගැළුම් 3000කට වඩා ආස්වාස කරන බව පැවසේ. එසේනම් අප අවට වාතය පිරිපහඳු කල හැකි පැලෑටියක් වෙනු වෙන් ගෙතුල ඉඩක් වෙන් කල හැකිනම් එය පවුලේම නිරෝගී බවට හේතුවනු ඇත.
-පොත පත ඇසුරෙනි.

Bamboo Palm බැම්බු පාම්

මෙක්සිකෝව හා මධ්‍යම ඇමරිකාව නිජබිම කරගත් මේ ශාකය අඩි 5කට වඩා උස නොයයි. දීප්තිමත් ආලෝකය හා තෙත මනය ප්‍රිය කරන එය බෙන්සීන් හා ට්‍රයික්ලෝරෝතිලීන් උරා ගැනිමට සමත් හෙයින් අප සමීපයේ තබා ගැනීමට සුදුසු විසිතුරු ශාකයකි.

ඩ්‍රැසීනා (Red- edged dracaena)

ඩ්‍රැසීනා වර්ග රාශියක් වන අතර අප මෙතැනදී පවසන්නේ තම ප්ත්‍ර අයිනේ රිබන් පටියක මෙන් රතු ධාරයක් සහිත වර්ගය බව සැලකිය යුතුය. සයිලීන්, ට්‍රයික්ලෝරෝඑතිලීන්, ෆෝමැල්ඩිහයිඩ් වැනි හානිකර දෑ උරා ගැනීමේ ඉහල හැකියාව ඇති ශාක මිත්‍රයෙකු ලෙසට අපගේ පරිසරය සමබරව පවත්වාගෙන යාමට සහය වන මෙම විසිතුරු පැලෑටිය අඩු සැලකිලි පරිසරයක් යටතේ උවත් වැවෙමින් තම පරිසරයට මහත් චමත්කාර පෙනුමක්ද එක් කරන්නකි. මෙම ඩ්‍රැසීනා වල වර්ග රාශියක් වන අතර මෙම ප්‍රථිපල සදහා නම් පෙරකී වර්ගයේ පත්‍ර සහිත විශේෂය තොරා ගැනීම වැදගත් වනු ඇත.
-පොත පත ඇසුරෙනි.

නිවසේ විස නසන විසිතුරු ශාක -4 ස්නේක් ප්ලාන්ට් ( snake-plant)

බටහිර රටවදී මෙම විසිතුරු ශාකය වෙතට ලැබී ඇති අන්වර්ථ නාමය “නැන්ද අම්මගේ දුව” ලෙසට නම් වේ. උද්භිත නාමය Snasevieria Trifasciata ලෙස නම් කෙරෙන මෙයද ඔබේ ගෙවත්තේ දැකිය හැකි සාක විශේෂයකි. මෙයද නිවාස හා පෞද්ගලික පවිත්‍රකරක ඇසුරෙන් නිපදවන ෆෝමැල්ඩිහයිඩ උරා ගැනීමේ හැකියා වෙන් ඉහලය. දුර්වල ආලෝක තත්වයන් යටතේ හොඳින් වැඩෙන හෙයින් එය නාන කාබරය අලංකාර කිරීමටද සුදුසුය. කාර්ය බහුල අයට මෙය නඩත්තුව අපහසු නැත. ඒ ඊට ජලය නොමැතිව සති කිහිපයක් වුවද පැවතිය හැකි හෙයිනි.
– පත පොත ඇසුරිනි.

ජර්බෙරා ඩේසි gerbera-daisy

වර්ථමානයේ ඉතා ජනංප්‍රිය අලංකාර මල් වර්ගයක් වන මෙය ඔබේ නිවස හා ගෙවත්තට අතිසුන්දරත්වයක් එක්කරන්නක් බව නොරහසකි. එහෙත් මෙහි ඉන් එහාට ගිය වැදගත් බවක් ඇත. එය ට්‍රයික්ලෝරෝඑතිලින් උර ගැනීමේ ශක්තියෙන් ඉහල ශාකයකි. මේ රසායනිකය සුලබව පවතින්නේ ඩ්‍රයික්ලීන් කරන ලද රෙදි පිලි ආශ්‍රිතවයි. මේ නිසා ජර්බෙරා යනු ඔබේ නිදන කාබරයේ හෝ ඇදුම් තබන ස්ථානයේ පමනක් නොව ලොන්ඩරි වැනි රෙදි පිරිසිදු කරන මධ්‍යස්ථන වලද තැබීමට ඉතා යෝග්‍ය මල් පැලයකි.
-පොත පත ඇසුරෙනි

Spider Plant නම් විසිතුරු පැලෑටිය..

විසිතුරු පිහිටීම නිසාම මෙම පැලෑටි විශේෂයට එම නම භාවිතා වනවා විය යුතුය. Spider Plant ලෙසට භාවිතාවුවද මෙහි උද්භිත නාමය Cholorophytum Comosun ලෙසට දැක්වේ. සම්, රබර් හා මුද්‍රන කර්මාන්ත කෙරෙන ස්ථාන අශ්‍රිතව වාතයේ ‍රැස්වන අහිතකර ද්‍රව්‍ය වන බෙන්සීන්, ෆෝමැල්හයිඩ , සයිලීන් හැරුනු කොට කාබන් මොනොක්සයිඩ් අවශෝෂනය කර ගැනීමේ හැකියාවෙන් මේ පෑලෑටිය අනූනය. එය පහසුවෙන් වගා කල හැකි පැලෑටියකි. එසේම එය එතරම් උනුසුමක් නැති නිවෙස් වල ඉතා හොඳින් වැඩෙන අතර වියලි පස ප්‍රියකරන්නකි.
– පත පොත ඇසුරිනි.

නිවසේ විස නසන විසිතුරු ශාක -2 කොමාරිකා (Aloe Vera)

මේ පැලෑටිය ගැන අද බොහෝ දෙනා කථාකරන්නේ රූපලාවන්‍ය කටයුතු හා සම්බන්ද කරමිනි. එහෙත් නිවසේ ආලේප කරන තීන්ත හා පිරිසිදු කිරීම් සදහා යොදා ගැනෙන දේ වලින් පරිසරයට නුකුත් කෙරෙන ෆෝමැල්ඩිහයිඩ හා බෙන්සීන් වැනි රසායනිකයන් උරා ගැනීමේ හැකියාව ඊට ඇති බව ඔබ දෑන සිටියාද? මේ හැර චිකිත්සීය ගුනාංග ‍රැසක්ද මේ පැලෑටිය සතු බව විද්‍යාංඥයෝ පවසති. වසර හයදාහකටත් එපිට අතීතයේ පටන් පෙර දිග මිනිසුන් සමේ සෞඛ්‍ය ‍රැක ගැනිම, තුවාල සුවපත් කිරීම ඉක්මන් කිරීම වැනි කරුනු සදහා පමනක් නොව තවත් ප්‍රයෝජන රාශියක් සදහා භාවිතා කර ඇති කෝමාරිකා වලට දේශීය වෛද්‍ය ක්‍රමයේ නම් තවමත් හිමිව ඇත්තේ අද්විතීය ස්ථානයකි.
පත පොතින් උපුටා ගන්නා ලදී.

නිවසේ විස නසන විසිතුරු ශාක -1

ස්වාභාවික පරිසරය තවමත් මිනිසාගේ ප්‍රධාන හිතවතාය. තම ගෙවත්තේ පමනක් නොව නිවසේ පවා තවමත් ගස්වැල් වලට ඉඩක් හිමිවන්නේ එබැවිනි. හදාරන්නන් පවසන්නේ ආහාරය, ඖෂධීය, විසිතුරු බවට පමනක් නොව තම ජීවී මිත්‍ර පරිසරය සදහාද තවමත් මේවායින් වන සේවය අසම සම බවයි. නිවසේ වන විස පරිසරයක් බොහෝ හේතු සාධක මත නිර්මාණය විය හැක. නිවාසයට ආලේප කරන සායම්, දැව ආරක්ෂන ආලේප, සේදුම් ද්‍රව්‍ය හා පවිත්‍රකාරක විෂබීජ නාශක, ඇලවීම් සදහා ගන්න ගම් වැග, තීන්ත හා තවම බොහෝ රසායන ද්‍රව්‍ය නිසා අප අවට වායු ගෝලයට අහිතකර අංශූන් එක්වීමට ඉඩ ඇත. මේවා නිසා කැස්ස, කිවිසුම් යෑම, කෑසීම, පළු දැමීම, ශ්වසන රෝග වැනි ක්ශනික මෙන්ම දිගුකාලීන අසාත්මිකතාත් ඇතිවිය හැකි බව පවසන ඔවුන් මීට පිලියමක් ලෙසට භාවිතාකල හැකි ශාක වර්ග බොහොමයක් යෝජනා කරන්නට කැමති වෙති. වසර 4000කට පමන පෙර කාලයේදී පවා චීනුන් ගෘහ අලංකරනය සදහා කුඩා තැටිමත ශාක හා පැලෑටි වගාකල බවට සාක්ෂි ඇත. ක්‍රි.පූ 610 දී තිබීයැයි සැලකෙන බෑබිලේනියාවේ එල්ලෙන උද්‍යානය ඊට තවත් නිදසුනකි. නාසා අයතනය පවා 1980 දශකයේ සිට ගෘහස්ථ පැල පිලිබඳව තම අවධානය යොමුකර ඇත්තේ අභ්‍යාවකාශ මධ්‍යස්ථානවලදී වාතය පිරිසිදුව තබා ගැනීම සදහා මේවා සාර්ථකම පිලියමක් ලෙසට පිලිගන්නා බැවිනි. පරිසරයේ ඇති වාෂ්පශීලී කාබනික අපද්‍රව්‍ය උරා ගැනීමෙ අහැකියාව ඇති පෑලෑටි ‍රැසක් හඳුනා ගන්නට කටයුතු කොට ඇත. මේවා අතර කෝමාරිකා, ඉස්පයිඩර් ප්ලාන්ට්, ජර්බෙරා ඩේසි, ස්නේක් ප්ලාන්ටි, ඩ්‍රැසීනා …වැනි බොහොමයකි. මේවා පිලිබඳ තොරතුරු බාලාපොලොත්තු වන්න.
පත පොත ඇසුරිනි.

අලංකාර ඵලබර ගෙවත්ත නිවසේ පලමු ආභරණයය.

වර්ණවත්, සාරවත්, ඵලබර ගෙවත්ත නිවසක ට විය හැකි අපූර්වතම ආභරනයයි. නිවැසියන්ගේ කයික, මානසික නිරෝගී බවට මෙන්ම සතුටට පමනක් නොව පැමිනෙන අමුත්තෙකු වෙතට එවන් ගෙවත්තක් ගෙනෙන්නේ මහත් සැහැල්ලුවකි. ඇති ඉඩකඩ ප්‍රමානය, දැරිය හැකි වියදම හෝ වෙන්කල හැකි කාලය පිලිබඳව වන සීමාවන්ට ඔබගේ අලංකාර ගෙවත්ත පැමිනීම සීමාකල හැක්කේ සැබෑවටම ඔබට ඒ ගැන වන අවශ්‍යතාවයේ ප්‍රමානය අනූව වනු ඇත. අලංකාර මෙන්ම ආර්ථික වාසි ගෙනෙන විසිතුරු මල් හා කොල වර්ග මෙන්ම නිරෝගී හා ආර්ථික වාසි ගෙනෙන්නට හැකි පළතුරු හෝ එලවළු සදහා දිනකට හෝරාවක් නැතිනම් සතිඅන්තයට හෝරා කිහිපයක් වෙන් කිරීම ඔබ නොසිතන තරම් පලදායී  අත් දැකීමක් වනු ඇති බවට සහතික විය හැක. එවන් අපූරු අත්දැකීමක් සදහා ඔබට සහය වීමේ අරමුනින් වෙන් වන මෙම ඉඩ කඩකි මේ.

– www.avissawella.com