කාර්ය බහුල පාරම්පරික ආයුර්වේද වෛද්‍යවරයෙකු ලෙසට ප්‍රකට MMM Irshad මහතා සිකුරාදා හා පෝය දිනයන්හි හවස වරුවේ හැරෙන්නට සතියේ සෑම දිනකදීම තල්දූවේ පිහිටි එතුමන්ගේ වෛද්‍ය මධ්‍යස්ථානයේදී හමු විය හැක. සුපුරුදු කාර්ය බහුලත්වය අතරතුර හමුවන අඩ හෝරාවක් අප එතුමන්ගේ ලබා ගත්තේ අප වෙබ් අඩවිය වෙනුවෙන් කුඩා හෝ සටහනක් සදහා තොරතුරු ලබා ගැනිමේ අරමුනින්ය. අප එතුමන්ට යොමුකලේද තරමක් විවාද කාරී විමසීමකි. එනම් “වෛද්‍යතුමනි අපට පැහැදිලි කරන්න හැකිද පාරම්පරික වෛද්‍ය වරයෙකු ලෙසට ප්‍රකට ඔබතුමන් වෙතට රෝගියෙකු යොමුවන්නට පෙර සැලකිය යුතු ප්‍රධානතම සාධකය?. ” වඩාත් පැහැදිලි කරමින් මා විමසා සිටියේ.. ” බොහෝ බටහිර මෙන්ම දේශීය වෛද්‍යවරුන් සමග සැලකීමේදී පාරම්පරික වෛද්‍ය වරයෙකු ලෙසට ඔබගේ වෛද්‍ය කර්මය සතු සුවිශේෂී බව අපට පැහැදිලි කල හැකිද?”

දශක ගනනාවක් පුරා දිවෙන එතුමන්ගේ අත්දැකීම් මෙන්ම පරම්පරා ගනනාවක් අතීතයට දිවෙන එතුමන්ලාගේ වෛදය පරම්පරාවේ ශික්ශනය ප්‍රකට කරවමින් ලැබුනු එතුමගේ පිලිතුර මහත් සරලය. ” ඔබ, ඔබ පෙලෙමින් සිටින රෝගීත්වය මෙන්ම මා නියම කරන ඖෂධ සදහා යොද ගන්නා ස්වභාව දහමේ කොටස් යන සියල්ලම පෙරකී අකාරයට වසර සිය ගනනක් පුරාම සමීප දේයි. ඔබ මෙන්ම ඔබ පෙලෙන අපහසුතාවය පමනක් නොව මා නියම කරන ඖෂධ මේ සියල්ල එකි නෙකින් වියුත්ත ඒවා නොවෙයි. ඒ ආකාරයෙන් සැලකීමේදී මම, ඔබ හා ඔබගේ අපහසුතාවය මෙන්ම නියම කරන ඖෂධ අතර ඇත්තේ මහත් පැහැදිලි නොගැලපීම් අතිශය අවම සබඳතාවයක්”. පිලිතුර පැහැදිලිය. එතුමන්ලාගේ වෛද්‍ය පරම්පරාවේ නියමයන්ට අනූව අදද සියලු ඖෂධ මෙහිදීම පිලියෙල වන අතර ඒ සදහා වෛද්‍යතුමගේද අනිවාර්ය මැදිහත් වීම නිරන්තරයෙන් සිදුවේ.”රාජකීය වෛද්‍ය” ගරු සම්මානයෙන් පිදුම් ලබමින් ඇරබෙන, අදද ඓතිහාසික සීතාවක යුගයේ සිටම පැවත එන භූමිභාගයකදී තම සේවාව ලබා දෙමින් සිටින එතුමන්ගෙන් ගෙන් සුවය ලැබූ දස දහස් ගනනක් මේ ප්‍රදේශයේ මෙන්ම ලංකාව පුරාම පමනක් නොව ලොවපුරාම වෙසෙති.