Back to Top

Category: Social

සාම්ප්‍රධායික මාධ්‍ය අධිකාරී අවකාශය වෙතට …

සාම්ප්‍රධායික මාධ්‍ය අධිකාරී අවකාශය වෙතට අන්තර්ජාලය ප්‍රමුක සමාජ ජාලා යුගය ගෙනැවිත් ඇත්තේ අවසන් කල නොහැකි අභියෝගයකි. පෙර යුගයේ මාධ්‍ය මනස පාලනය කලේ වඩාත් ප්‍රමිතිගත පිලිගැනීම් ඔස්සේ පමනක් නොවේ. බොහෝ විට ඔවුන්ගේ පෞද්ගලික සිතුම් පැතුම්ද බාදාවකින් තොරව මුදා හරිමින් සිටිබව අප දනිමු. අනිත් අතින් “සියල්ලෝ හටම අවශ්‍ය නම් මාධ්‍යවේදීන්ද විය හැක” අවසර පත සමග සමාජ ගත වන අතිශය විනාශකාරී අදහස් උදහස් හා ක්‍රියාකාරීකම් සැලකීමේදී සමාන්තරව සාම්ප්‍රධායික මාධ්‍යවල පිරීහීමද බොහෝ සෙයින් වග කිව කිව යුතුව ඇත. ඉවරයක් නොමැති ව ගලායන නිවේදිකාවන්ගේ උන්මාදනීය සිනාවල සිට නිරන්තරයෙන් වන නිවේදයක්ගේ වාචික හිංසනයන් දක්වාත්, වැඩි අවධානය දිනා ගැනීම සදහා ඔනෑම දෙයක් කිරීම තරගකාරී ප්‍රමිතියක් ලෙසට මුදා හැර තිබීම දක්වාත් තත්වය බර පතලය. වඩාත් තරග කාරී වී ඇති ජාතිය ආගම මූලික කරගත් ආවේගශීලී අදහස් ඔස්සේ සෑම උදයකම සමාජය මත වඩාත් ආවේගකාරී සටහනක් තැබුවේ තමන් බව සහතික කරවා ගන්නට සාම්ප්‍රධායික මාධ්‍ය ගන්නා උත්සාහ හැදෑරීමේදී තත්වය වඩාත් පැහැදිලි වනු ඇත. – Pubudu Siriwansa

Posted in Social, Social Networks |

Sri Sudharmarama Pirivena

එකල අවිස්සවේල්ල නගරයට නැතිනම් සීතාවක පෙදෙසෙහි වෙසෙන්නන්ට තම ආගමික වතාවත් වල යෙදෙන්නට විහාරස්ථානයක් නොමැති යුගයක් විය. ප්‍රදේශයේ වූ ප්‍රභූවරුන්ගෙ මූලිකත්වයෙන් ශාන්ත මරියා පල්ලිය අසල ශ්‍රී නිවේසාරාමය නමින් දර්ශනීය කඳු ලැහැබක් පසුබිමව “වස් පොලක්” ලෙසට කුඩා විහාරස්ථානයක් ඇරබෙන ලදී. එම විහාරස්ථානය ඉදිරිපිට වන වෙල්යායේ කිවුල් ‍රැසැති ශිය බුබුලක් වූ බැවින් මෙම විහාරස්ථනයට “කිවුල් පිල්ලේ පන්සල” නමින් ද ප්‍රදේශ වාසීහු හඳුන්වන්නට පටන් ගන්නා ලදී. මෙම් ගොඩ නැගීම අවස්ථා කිහිපයකදීම ජල රකුසාට ගොදුරුවූ බැවින් 1936 වන විට ශ්‍රී නිවේසාරාමය ලෙසට වූ නාමයටද යම් යම් ගැටලු ඇතිවෙන් තිබූ බැවින් ශ්‍රී සුධර්මාරාමය නමින් නව විහාරස්ථානයක් දායක සභාවේ පූර්න අනුමැතියෙන් කටයුතු යෙදිනි.
1965 සැප්තැම්බර් 13 දා මෙම විහාරස්ථානයේ දෙවන පිබිදීම ඇතිවිය. එනම් ස්වාමීන් වහන්සේලා තොලොස් නමකට අත් පොත් කියවීමෙන් මෙහි පරිවේණාස්ථානයක් ආරම්භ කරන්නට කටයුතු කෙරිනි. කනිෂ්ඨ පිරිවනක්ව පැවති එය ඉතා සුලු කාලය කින් මහා පිරිවනක්, විද්‍යාතන පිරිවෙනක් බවට පත් වෙමින් ප්‍රදේශයට මහත් කීර්තියක් මෙන්ම අගමික සමාජීය කේන්ද්‍රස්ථානයක් බවටද පත්විය.

Posted in cultural, Religious, Social |

ලාංකිකත්වය සංකීරනයකි.

ලාංකිකත්වය සංකීරනයකි. එක් දෙසකින් වසර දස දහස් ගනනක අතීතයකි. විටක එය පැහැදිලි කෙරෙන්නේ අද ශිෂ්ඨයැයි සිතනා මිනිසුන් කෑලෑ අතු අඳින කාලයේදී පවා නිර්මාණය කරගත් රෙදි කැබැල්ලකින් විලි වසා ගන්නට අප දියුනුව සිටි ජාතියක් ලෙසටය. ගම පංසල වැව දාගැබ ලෙසට ගොනු වුන උදාර සංස්කෘතික ගොඩ නැගීමක අප හිමි කරුවන්ව සිටි බවය. එක් අතකින් දූපත් හුදකලා මනස ලෙසට මෙන්ම තවත් විටක දූපතක් වීම නිසාම අපරිමිතව ලෝකයට විවෘත වීමද හඳුනා ගත හැකි ලක්ෂන දෙකකි. ඒ නිසාමදෝ නිබදවම බාහිර සංස්කෘතිකයන්ගේ ආභාශයට අප නිරන්තරයෙන් විවෘත වූබවද හඳුනා ගත ගැක. ඒ නිසාමදෝ විටින් විට “බාහිර ජාන” පරම් පරාවලට හිමි වෙමින් නිදහස් වෙමින් සිටි අපි අවසානයේ යටත් විජිතයක් ලෙසට ශත වර්ෂයක් ඔබ්බට දරුනු සංස්කරනයක් පසු කරන්නටද සිදු විනි.
සමහර විටක ලාංකික සමාජ මනසේ විංඥානික හා අවිංඥානික ද්විතීකයේ පරතරයේ පුලුල් බව විශාල කරවන්නට මේ සංස්කරනය හේතු වූවා විය යුතුය. ප්‍රථිපලය වී ඇත්තේ අප එකවර දියුනු ප්‍රජත්‍රන්ත්‍රවාදී සමාජවාදී ලක්ෂනයන් ගෙන් සුසැදි සමාජ පරිසරයකට ආදරය කරන අතරදීම සැගවුනු සමාජ මනසින් නිවැරදි ලෙසට ඛන්ඩනය නොවුනු රාජකීය ස්වභාවයන්ට ආශාකරමින් සිටින්නෙමු. ගැටළුව වඩාත් සංකීර්න වන්නේ එතැනිනි. යටත් විජිතයන් විසින් ඔවුගේ කටයුතු සදහා වුවද නිර්මාණය කල අධ්‍යාපණ රටාවන් වල ආභාශය අමාරුවෙන් ටයි කෝට් ඇඳ නඩත්තු කලද සැබෑ ග්‍රාම්‍ය ස්වබාවයේ “වසඟය” මූලික මෙහෙය වීමකට නිරන්තරයෙන් ආදරය කරමින් සිටී.
– Pubudu Siriwansa

Posted in Politics, Social |

ආගමික යුගය වර නගන මිනිස් මනස සමස්තයද?

ආගමික යුගය වර නගන මිනිස් මනස සමස්තයද? මනසේ සමස්ථය ආගමික යුගයෙන් පමනක් වරනගා ගත යුතුද? ආගමික යුගය මිනිස් වර්ගය වෙතට ලගා කර දුන් කායික අධ්‍යාත්මික පාරිශුද්ධතාවය, හික්මීම ඉතිරිකර දෙන මහත් මිනිස් ශක්ති ගබඩාව නව දිගුවන් නිර්මාණය නොකර සිටීවිද? සිටිය හැකිද?
අද වන විට මිනිස් මනස තම සාම්ප්‍රධායික සීමාවන් ඉක්මවන්නට සූදානම් වෙන්නේ හුඳු එය තව තවත් නාභිගත කිරීමේ හැකියාව වර්ධනයෙන් හෝ එය තුලට හෝ අවට මතට වඩ වඩත් විශ්ලේෂනය කිරිමේ හැකියාව ගල යන්නට සැලස්වීමෙන් පමනක් නොවේ. මනස පිටපත් වීමේ හැකියාව ඇරබිලා, අපමන මිනිස් මනසවල් එකි නෙක යාමේ හැකියාව ඇරබිලා. ඒ කියන්නේ සාම්ප්‍රධායික ආකෘති අභියෝගයට ලක්වෙලා. අද් වන විට හදාරන්නන්ට අවශ්‍ය වෙනවා පවසන්නට, එලබෙන දශක දෙක තුන තුලදී අද අපගත කරමින් සිටින අධ්‍යාපනික, වෘතීය ජීවිත ආකෘති වලංගු නොවීමත් එලබෙන යුගය ඉල්ලා සිටින අකෘති පිලිබඳව ඇත්තේ තවමත් අපැහැදිලි බවක් පමනක් පවසන්නට.ඒ කියන්නේ දැන් වන විට ගැටලුව ඇත්තේ ආකෘතිය තුල සිදුවිය හැකි චලන හැකියවන් වපසරිය ගැන නොව ආකෘතියේ සීමාවන් පිලිබඳවයි.
– Pubudu Siriwansa

Posted in Social | Leave a reply

ගැටලුව සැබවින්ම එන්නේ ව්‍යවස්ථාව දෙසින් නොවීම අප පිලිගත යුතුව ඇත.

ගැටලුව සැබවින්ම එන්නේ ව්‍යවස්ථාව දෙසින් නොවීම අප පිලිගත යුතුව ඇත. සංස්කෘතික දේශපාලන යුගය විසින් ප්‍රමානාත්මකව අපව ශිෂ්ටගැන්වීමට නොහැකි වීමේ අඩුපාඩුව මග හැරිය නොහැකි ලෙසට නැවත නැවත නැවතත් අපව හමු වීම මග හැරිය නොහැකි වී ඇත. ඒ අපේ අසමත් විම නිසාම පසුව හමුවූ අපූරු රුසියානු ගුරුවරිය අපට මග හැරුනා විය යුතුය. කොපමන සැරයක් නැවත නැවත කියෙව්වද අර්ධ අම්මා කෙනෙකු නැවත නැවත හමුවන්නේ මුත් විසල් වේදනාවක් ආත්මයේ සැගව ගෙන පෙලෙන වංකා කෙනෙකුගේ ආත්මය සමස්ථ සමාජයේ ආත්මය ලෙසට විඳීමට පමනක් සිදුව ඇත.
පාට ලකුනු වටා කල්ලි ගැසීම හා ඒවා වටා නිරන්තරයෙන් කැරකැවෙමින් සිටීම දේශපාලනය ලෙසට වටහා ගැනීමේ ඓතිහාසික වරද පුරවැසි ආත්මකයක සිට සමස්ථ සමාජ ආත්මය දක්වාම පිලිලයක් ලෙසට වඩවා ගෙන තිඹිරිගෙහි සිට අළුකරවන යන්ත්‍රය දක්වාම විලාපයක් නිර්මාණය කර ඇත. සැබෑ වී ඇත්තේ විප්ලවයේ සිට ලිබරල් අර්ථය දක්වාම වඩාත් විකාර රූපී විගඩමක් පමනක් ඉතිරිව තිබීමය. අවසානයේ කියන්නට ඉතිරිව ඇත්තේ ඔබ ටයි කෝට් පැලඳ අර්ථ දැක්වුවද, ‍රැවුල වවාගෙන විප්ලව හිස්වැසුම පැලඳ අර්ථ දැක්වුවද වැඩක් වී නැති බවය. ඔබ පැලඳ ගෙන සිටින ටයිකෝට් වලට හෝ රතුකමිසයට අපගේ අසංස්කෘතික අඩුව වසා ලන්නට නොහැකි බවය.
– Pubudu Siriwansa

Posted in Politics, Social |

දැනුම තව දුරටත් අගමික කාරනාවක් නොවීම සේම….

දැනුම තව දුරටත් අගමික කාරනාවක් නොවීම සේම පසුකාලීන භුක්තිවිඳි දේශපාලනික ස්වභාවයේ නොවීමද මග හැරිය නොහැකි ඇත්තකි. එය වෙළඳ පොලට විත් ඇති සේවාවක් පමනි. මෙවන් පරිසරයකදී රජයකට හැකිවන්නේ ඒවායේ ප්‍රමිතිය ‍රැකීම හා අනෙකුත් නෛතික හා සදහාචාරාත්මක වටිනාකම් පවත්වාගෙන යාම පමනක් වීම පැහැදිලිය. ගැටලු පැමිනෙන්නේ එම යුතුකම් නිසිලෙස ඉ‍ටු කරන්නට රජයන් අසමත්වීමෙන්ම පමනක්ම නොවේ. පෙර කී ව්‍යුහතුල තත්වයන් පවත්වාගෙන යාම පදනම් ව නීමාණය වී ඇති සමජ, ආර්ථික හා සංස්කෘතික අවකාශයන්ගේ විරෝධතවයන්ද ප්‍රබල වීමය. ඔවුන් තම සංස්ථාවල මතවාදී හා ක්‍රමවේදවලට අවශ්‍ය යාවත්කාලීනයන් නිර්මාණය කරගන්නවා වෙනුවට පහසු ආවේගශීලී විරෝධතාවයන්ට පිවිසේ. එක දෙසකින් දැනුම යාන්ත්‍රික වීම මෙන්ම ඒවායේ භාවිතාවේ ප්‍රවීන බවත් වෙගයෙන් යාන්ත්‍රික වෙමින් ඇති අතරම අනෙක් දෙසින් පෙර වටිනාකම් මත පැවතීම ඉල්ලා සිටිම වඩාත් මාරාන්තික වෙමින් තිබේ.
– Pubudu Siriwansa

Facebook ආයතනය බ්‍රසීලයේ හානිකර පි‍ටු ඉවත්කෙරේ….

රටක ජන මතයට සමාජ ජාලාවල බල පෑම කියාපානුයේ එලබෙන යුගයේ ජීවිත වෙතට අන්තර්ජාලය කොතරම් බල පෑමක් සිදුකරන්නට නිය මිතය යන්න. ඇමරිකානු රජය තවමත් තම පසුගිය මැතිවරනයේ දී Facebook වෙතින් සිදුවූ බල පෑම සම්පූර්නයෙන් විසඳාගන්නට නොහැකිව සිටී. විසඳුම වන්නේ පැමිනෙන නව භාවිතාව සමග උරන වීමට වඩා එහි ස්වභාවය තේරුම් ගනිමින් අදාල ජනකොස් වෙතට වඩාත් ධනාත්මකව එය බලපන ආකාරයට එය තම සමාජය මතට පමුනවා ගැනීම බව මැදිහත් මතධාරීන්ගේ අදහසය.
Brazil රජය එලබෙන ඔක්තෝබරයේ මැති වරනයකට සූදානම් වෙමින් සිටින අතර Facebook ආයතනයේ ඉහල බලධාරියෙකුගේ නිවේදනයකින් කිය වෙන්නේ තමන් තම අඩවිය මගින් ව්‍යාජ අදහස් සමාජය මත වපුරන්නට ක්‍රියා කරන ව්‍යාජ ගිනුම් හා පි‍ටු 200 අධික ප්‍රමනයක් දැනටමත් ඉවත්කරන්නට කටයුතු කර ඇති බවකි. පසුගිය සැප්තැම්බරයේ ද රුසියානු මූලිකව ක්‍රියාත්මක වූ හානිකර අඩවි 470ක් පමන අඩපන කරන්නට කටයුතු කර තිබුනි. Facebook ආයතනය පවසන්නේ තමන් මෙසේ ව්‍යාජ හා හානිකර ගිනුම් ඉවත්කිරීමේදී  community reports, machine learning, artificial intelligence ආදී නෙක භාවිතාවන් ප්‍රයෝජනයට ගන්නා බවකි.
– Pubudu Siriwansa

Posted in Social, Tech | Leave a reply

රංවල දෙවියෝ

කැළණි ගංඟා මිටියාවත බල ප්‍රදේශය කර ගත් ප්‍රාදේශීය දෙවි කෙනෙකි. හිසෙහි ජටාවක් බැඳ අතේ සැරටියක් ගත් උපාසක ස්වරූපයක් රංවල දෙවියන්ගේ ප්‍රථිමාවල දැක්වේ. රංවල දෙවියන් දේවත්වයට පත්වීම පිලිබඳව රසවත් ජනකථාවක් පවතී.
කන්ද උඩරට රජකම් කල දෙවන රාකසිංහ රජතුමාගේ කාලයේ (ක්‍රි.ව. 1635-1687 ) රජ වාසලේ වී ගබඩාවක් කෑගල්ල අසල රන්වල ගමේ තිබුනි. මෙම ගබඩාව අස්වන්රාල (අලවතුරේ රාල) හ රන්කීරිරාල (ගනේගොඩ රාල) යන තරුනයන් දෙදෙනා ආරක්ශා කල අතර ඔවුන්ට ඊර්ෂ්‍යා කල පිරිසක් වී ගබඩාවට ගිනිතබා මුරකරුවන්ගේ නොසැලකිල්ල මත ගබඩාව විනාශ වූ බවට මහවාසලට දැන්වූහ. කෝපයට පත් දෙවන රාජසිංහ රජතුමා තරුනයන් දෙදෙනා අල්ලාගෙන ඒ මට රාජපුරුෂයන් රන්වලට එවීය. රාජ උදහසට බියෙන් මෙම තරුයන් රන්වල ගමෙන් පැනවිත් අරන්දරට පැමිනියහ. පහුරු දෙකක් තනාගෙන ගුරුගොඩ ඔය දිගේ කැළණි ගංඟ පහලට ගමන් කර අස්වන්රාල කපුගොඩ ප්‍රදේශයෙන්ද රන්කිරි රාල සියනෑකෝරලයෙන්ද නතර වූහ. අස්වන් රාල නතරවූ ගම නොදියුනු ගම්මානයකි. අස්වන්රාලගේ මග පෙන්වීම යටතේ කැලෑ එලිකර ඇලදොල අමුනු සකස් කර ගොවිතැන් සරුසාර කල අතර අලුත්ගම තමන් උපන් ගමේ නමවන “රන්වල” නම යෙදීය. ගමේ නායකත්වයට පත් ඔහුට කාගේත් ගරුබුහුමන් හිමි විය. උතුම් සාර ධර්ම ජීවිතයක් ගත කල අස්වන්රාල කැලණි ගඟ අසබඩ අසපුවක් තනාගෙන බ්‍රහ්මචාරී ජීවිතයක් ගතකලේය. අස්වන් රාලගේ පිහිට පතා අසරන ගම්වාසීන් මෙම අසපුවට පැමිනියහ. රාත්‍රී කාලයේ මෙම කුටිය අසල ගගේ පුහුල් පහන් පත්තු කිරීම නිසා ගඟේ ගමන් කරන ඔරුපාරු කරුවෝ ගල්වල නොගැටී යාත්‍රාකලහ. අස්වන්රාල මියගොස් “රන්වල මුත්තා” “රන්වල දෙවොයෝ” ලෙස දේවත්වයට පත්විය. රම්වල ඩ්ජෙවියන්ගේ හාස්කම් නිසා රන්වල දෙවියන් වඩාත් ජනප්‍රිය විය. ගොවිතැන් කටයුතු – ව්‍යාපාර – යාන වාහන – ලෙඩ දුක් ආදී කටයුතු වලදී රන්වල දෙවි පිහිට පැතීම සිදුකරන අතර, හිඟුරල- ඇස්වත්ත- මල්වාන- කපුගොඩ ආදී ප්‍රදේශ ‍රැසක රන්වල දේවාල ඉදිකර ඇති අතර පුවක්පිටිය නගරාසන්නව හිගුරල පිහිටි රන්වල දේවාලය රන්වල දෙවියන්ගේ ආශිර්වාදය නොමදව ලැබෙන දේවාලයක් ලෙස ප්‍රසිද්ධය.
– පොත පත ඇසුරිනි.

Avissawella.Com වෙබ් අඩවිය

ඉතා ඈත අතීතයට අයත් ප්‍රවාදයන් ලෙසට වන සීතා දේවිය පැහැරගෙන විත් සඟවා තබන්නට සුදුසුවූ කඳුවලල්ලක ස්වභාවික ආරක්ෂාව සමග සෞම්‍ය කාලගුන වටපිටාව එදා දවස වැදගත් වන්නට ඇත. ආදිමානව ස්පර්ශය පිලිබඳවද මතිමතාන්දර මානියම්ගම ප්‍රදේශය අවටින් පැමිනෙනවා සේම කිතුල්ගල ප්‍රදේශයෙන් පැමිනෙන පුරාවිද්‍යාත්මක සාධක සිහිත තොරතුරු පෙර කී මතිමතාන්දර පිලිබඳව වඩාත් විස්වාසනීයත්වයක් ගෙනෙයි. ලංකාවේ ප්‍රධානතම සංඟාවක් තම දගකාර අවදිය පසුකර මද සංසුන් බවකින් මෙම ප්‍රදේශය හරහා ගලා යන්නේ තවත් ජලධාරා කිහිපයකම එකතුවෙන් පෝෂනය වෙම්මින් වීම ද වැදගත් සාධකයකි. කලින්කලට පැමිනෙන පිටාර ඔස්සේ තැනිතලා ගංඟාව අවට ප්‍රදේශය වගාවෙන් සරු සාර කරදීම ද අමතක කල නොහැකි සාධකයකි. යටත් විජිත යුගවලදීද වතු වගාවන් බහුල වී ඇත. තවමත් ශේෂව ඇති වතුයායවල් කිහිපයක්ම දක්නට ලැබේ. වර්ථමානය දෙසට පැමිනීමේදී කර්මාන්තපුරය දහස් ගනනකට ‍රැකියා අවස්ථාව දෙන නෙක ආකාරයේ කර්මාන්තශාලා රාශියකින් යුතුව අපට මග හැරුනු කාර්මික යුගයේ ප්‍රවනතා සදහා මග පෙන්වමින් සිටී. දේශීය ව්‍යවසායකත්වයේ පැහැබර හෙට දිනකට විටක මෙම කර්මාන්තපුරයන් මග කියනු ඇත. ක්‍රමයෙන් සංවර්ධනය වෙමින් තිබෙන සීතාවක උද්‍යානයද අමතක කල නොකල යුතුය. කිතුල්ගල දෙසට වන්නට වන වයිට් වෝටර් ක්‍රීඩාවට වඩාත් ප්‍රචලිත ප්‍රදේශයත්, බටන්ගල ප්‍රදේශයේ වන ජාතික මට්ටමේ අධ්‍යාපනික ආයතනය මෙන්ම කළුඅග්ගල ප්‍රදේශයේ වන විනෝද උයනද , ආදීන් සැලකීමේදී හැගෙන්නේ වර්ථමානයේදීද මෙම ප්‍රදේශය සැලකිය යුතු අවධානයක් ලබා ගන්නා බවයි.
– Pubudu Siriwansa
www.avissawella.com

Posted in Social | Leave a reply

දේශපාලනය මාධ්‍යමය විහිළුවක වීම මේ යුගයේ අපූරුමය අත්දැකීමකි.

දේශපාලනය මාධ්‍යමය විහිළුවක වීම මේ යුගයේ අපූරුමය අත්දැකීමකි. එක් අතකින් සියල්ලන්ම මාධ්‍යවේදීන්ද වන තරම, තවත් දෙසකින් සියල්ලෝම පාහේ මධ්‍ය රූකඩ බවට පත්වීමද මේ යුගයේ ස්වභාවය වී ඇත. මාධ්‍ය අවකාශයන් ඔබගේ හඳවත මෙන්ම මනසද ඔබගෙන් ගලවාගෙන ගොස් අති අතර ඔබගේ සිතුවිලි රටා මෙන්ම හැඟීම් රටා ඔවුන් විසින් යෝජනා කරමින් සිටී. ඒ අකාරයෙන් සැලකීමේදී තත්වය වඩාත් සරලව ඇත. විවිධ රූපවාහිනී චැනල මෙන්ම වෙබ් අවකාශ ඔස්සේ ඔබට වඩාත් සුව ගෙන දෙන අවකාශයකට ඇතුලු වන්නට අවස්ථාව දී ඇති අතර එලබෙන යුගයේදී ඔබගේ ප්‍රියතම වීරයා තව දුරටත් වීරයෙකු සේම පවත්වාගෙන යනවාද, නැතිනම් නව වීරයෙකු අතින් “රීප්ලේස්” වනවාද යන්නද තොරා ගැනීමේ අවස්ථාව ද සූදානම් බවටයි විවරනය කරමින් සිටින්නේ. ඔබගේ ගම්මානය හා ලෝකය අතර පරතරය ශ්‍රව්‍ය දෘශ්‍ය දෙයාකාරයට පනක් නොව එලබෙන දශක දෙක තුන අවසන් වන විට වර්චුවල් ස්පර්ශීය ආකාරයටද ඔබේ ආලින්ඳයට ගෙනැවිත් දෙන බව පොරොන්දු වෙමින් තිබේ.
යෝජනා වන්නේ ඔබ සැබෑවටම විවරව ඇත්තේ පෘතුවි වැසියෙකුගේ භෞතිකයට මුත් අවශ්‍ය නම් වර්චුවල් ආකාරයේ ප්‍රදේශීය සංස්කෘතික දේශපාලනික ආර්ථික අර්ථවල ජීවත්වන්නට කිසිදු බාදාවක් නැති බවය. ඔවුන් පැහැදිලි කරන්නේ සමකාලීන බොහෝ නායකයින් මේ බව දන්නා මුත් පහසු පාලනයක් සදහා පාලිතයන්ව මේ වර්චුවල් අවකාශයේ රඳවා තබන්නට කටයුතු කරන්නට කැමති වන බවකි. සායනික අර්ථවලින් සැලකීමේදී මේ දෙබිඩි බව නඩත්තුව වඩ වඩාත් මනස විසුරුවන ගැටලුවක් ලෙසට පැමිනීම නොවැලැක්විය හැකි අතර යෝජනාවන වඩාත් අතාර්කික විසදුම වන්නේ තව තවත් වර්චුවල් වන ලෙසය. නිර්මාණය වන මේ “කැමැත්තෙන් මිය යෑමේ” ගැටළුව ඉදිරි කාලයේ හමුවන ප්‍රධානතම අභියෝගයක් වනු ඇත.
– Pubudu Siriwansa

” ධනය ගැන මෙන්ම දේශපාලණය ගැනද “භීතික” සමාජයක් “ 2

සමාජවාදය, ධනවාදය වැනි න්‍යායය අද වන කොට භාවිතා කරන්නට ඇති උපකරන මිසක පූජනීය කාරනා නොවෙයි. මම හිතනවා ඔනෑම සාර්ථක රකදී මේවා අවස්ථානකූලව ප්‍රායෝගිකව භාවිතා වෙනවා. නමුත් ලංකාවේදී තවමත් මෙවා දෙස බලන්නේ පූජනීය ලෙසටයි. ඉතින් ඒවා භාවිතාකරනවා වෙනුවට ඒවාට රටවැසියන්ව පාලනය කරන්නට ඉඩ හරිනවා. අවසානය බොහෝ විට හරිම ශෝචනීයයි. ඒවා යේ භාවිතාවේ ඇති දුර්වලකම විසින් නැවත නැවතත් රට ආර්ථෛක, දේශපාලනිකව පමන්ක් නොව සංස්කෘතිකවත් එකතැන කැරකෙන බවට පත්කරලා. ඉතින් කලකට වරක් නෙක මුහුනු වරින් එන සමූල ඝාතනය වැනි ම්ලේඡ්චත්වයන් රටේ නිවාර්ය ඉරනම බවට පත්වේලා.
ලංකාව කියන්නේ වැඩවසම් මාදිලියෙන් අනතුරුව යටත්විජිත බලහත්කාර සංශෝදන වලින් තෙම්පරාදු වුන රටක්. අපි ක්‍රමානුකූල ලෙසට සලකන එකම ක්‍රමයකින් වත් අත්පත් කරගත් හෝ සාර්ථකව ඇතුලු වුන දේශපාලනයක් නැහැ. ගෝත්‍රික ඇර්ථවල සිට අතිශය දියුනු ලිබරල් දක්වා සියළු දේශපාලනික “මෝස්තර” භාවිතාකරමින් සිටිනවා. හැබැයි කාගෙන් හරි විමසුවොත් උත්තර ලැබෙන්නේ ඒවායේ න්‍යායාචාර්ය වරුන්ටත් යලිත් ඉගන ගන්නට වෙන තරම් සංකීර්න අර්ථ්වලින්. ඒත් ප්‍රායෝගිකව අමාරුවෙන් සවිංඥානිකව නඩත්තු කරගෙන සිටින වටිනාකම් චුට්ටි නින්දකින් පවා කැඩී සැබෑ නොදියුනු අර්ථවලට යැවෙන්නේ ක්ශනයකින්. කොටින්ම අපිට දියුනු දේශපාලනය යනු “මෝස්තරයක්” පමනයි.
– Pubudu Siriwansa

සමජජාලා පහසුව අර්බුධයක් කරගැනීම….

සිංහල බෞද්ධ ආකෘතිය තුලදී සමාජීය මාධ්‍ය භාවිතාව විදිමත්ව හමුවීම ගමේ පංසලේ බණ මඩුවේදී යැයි හඳුනා ගන්නේ නම්, අද වන විට පැමින ඇති දුර බොහෝය. එය මුද්‍රන හැකියාවෙන් ඉලෙක්ට්‍රොනිකව ශ්‍රව්‍ය ඉම පසුකරමින් ශ්‍රව්‍ය-දෘශ්‍ය බව අධිත්වරනය කර ඇත්තේ වර්චුවල් ඉමක්ද නිර්මාණය කරමිනි. අන්තර්ජාලය මේ ගලායාමට මැදිහත් වන්නේ වඩාත් සංකීර්න ආකාරයකටය. එය රූපවාහිනිය ප්‍රමුක යුගයේ දක්වා වූ සමහර සාම්ප්‍රධායන්ද අභියෝගයට ලක්කර ඇත්තේ සියල්ල කනපිට වනද අයුරිනි. මාධ්‍ය කරුවා හා මාධ්‍ය පරිශීලනය කරන්නාගේ භූමිකාවද මේ නව යුගයේදී උඩු යටිකුරු වෙයි. “සියල්ලෝටම අවශ්‍ය විටකදී මාධ්‍ය කරුවන්ද වීමට හැකි අතර සියල්ලන්ටම පරිශීලකයින් වීමටද අවකශ ගෙනෙයි”.
සමාජජාලා යුගය අර්බුධ රාශියක් නිර්මාණය කර ඇත. මාධ්‍යකරනයට ලයිසනයක් අනවශ්‍ය වීම පමනකින් එය අවසන් වන්නේ නැත.විධිමත් බවේ සිට තමන්ට හුරු අවිධිමත් බව දක්වා වන ඔනෑම වටපිටාවක් නියෝජනය කරමින් හිතුමතේ භාවිතාකරන්නන් හැසිරෙන්නට පටන් ගැනීම සිදුවේ. අවිධිමත් භාෂාවේ සිට චලන සටහන් දක්වා ඔහුට දිගුවන්නට හැක. සාම්ප්‍රධායික සමජ මනස නව තත්වය තුලදී අර්බුධකාරී වන්නේ අසීමිතව විය හැක. විශාල ගැ‍ටුම් , සමාජ පිපිරීම් එය නිර්මාණය කිරීම සුලබ අත්දැකීමක් වෙමින් ඇත.
මේ නව මාධ්‍ය යුගය භාවිතාව තෙයාකාරයකට කොටස් කරගත හැක. විධිමත්ව හෝ අවිධිමත් ආකාරයට තම සැබෑ මතය ඉදිරිපත්කරන්නන් බොහෝය. ඔවුන්ගේ පෞද්ගලික හෝ සමාජීය මට්ටමේ අදහස් උදහස් නිදහසේ මේ අවකාශය වෙත මුදාහරී. මෙය ධනාත්මක කාරනවක් ලෙසට දියුනු සමාජයකදී භාවිතා කරගන්නටද අවස්ථාවක් ලැබෙයි. තවත් කොටසක් පුද්ගල මට්ටමේ සිට කන්ඩායම් මට්ටමින් ව්‍යාධීතත්වයන්ද සමාජ ගත කරන්නට පෙලබේ. සාමන්‍ය සමාජය මත වන සායනික අර්ථ ඉතා පහල වන වන විට පෙරීමකින් තොරව මේවා විටක අකර්ෂනීය බවකින් ගලායන්නට පටන් ගනී. අවසානයේ කොතැනින් හෝ නැංවෙන ගිනි පුළිගුව සමාජ ව්‍යසනයක් නිර්මානය වීම දක්වාම දිගුවෙයි. අවසාන කොටස හුදු අනුකරනයට නැතිනම් මෝස්තරයට පහසුවෙන් පැමිනෙන්නන්ය. ඔවුනට අර්ථ පිලිබඳව එතරම් වැදගත් කමක් නොවන අතර හුදු අනුකරනය ඔස්සේ විටක මහා ව්‍යාධියේ කොටස් කරුවන් වේ.
දියුනු සමාජයකදී නම් සංවේධීව සිටිමින් සමාජය මත අවධිවන නව භාවිතාවන් සමගම හැදෑරීම් කරමින් හානිකර ප්‍රවනතා පාලනයට කටයුතු කරයි.
– Pubudu Siriwansa